ადიგენის მერის ანგარიში და მომავალი წლის გეგმები
ადიგენის მუნიციპალიტეტის მერმა გოჩა ქიმაძემ დღეს, 20 დეკემბერს, მოსახლეობასთან, მერიის სამსახურებთან და მედიასთან, 2024 წელს განხორციელებული პროექტები შეაჯამა და სამომავლო გეგმებზე ისაუბრა.
გოჩა ქიმაძის თქმით, მომავალ წელსაც, მუნიციპალიტეტის მთავარი პრიორიტეტი ინფრასტრუქტურული პროექტები იქნება. დაიწყება სოფლების ზაზალო-დერცელი-კიკიბოსთან მისასვლელი გზის მშენებლობა. როგორც გოჩა ქიმაძე განმარტავს, გზის სრული რეაბილიტაცია დიდ ხარჯებთან არის დაკავშირებული, ამიტომ 2025 წელს მხოლოდ 3 კილომეტრი დაიგება.
ანგარიშის წარდგენის შემდეგ, ჟურნალისტებთან საუბრისას, ადიგენის მერმა უდეში, მეწყრით დაზარალებულ ოჯახებზეც ისაუბრა და განმარტა, რომ გეოლოგების დასკვნის საფუძველზე მოხდება დაზიანებული სახლების გამაგრება.
რაც შეეხება დაზარალებული ოჯახების კომპენსაციას, მისივე თქმით, არამხოლოდ უდეში, მუნიციპალიტეტში არის 50 ოჯახი, რომელიც განსახლებას ექვემდებარება. ამიტომ ის ოჯახები, რომლებსაც მეორე საცხოვრებელი ფართი არ უფიქსირდება, კომპენსაციის სახით 50 000 ლარს მიიღებენ, ხოლო ვისაც ალტერნატიული ფართი ექნება, 21 000 ლარს. მათ აღნიშნული თანხები მიმდინარე წლის ბოლომდე დაერიცხებათ.
გოჩა ქიმაძემ ისაუბრა მუნიციპალიტეტში არსებულ უკანონო ნაგავსაყრელებზე და განმარტა, რომ პერიოდულად ასეთი ადგილები ნარჩენებისგან სუფთავდება, თუმცა პრობლემა მაინც არის.
დღესვე ადიგენის მერმა თქვა, რომ სურვილი აქვს ახალგაზრდებისათვის ადიგენში "ეშმაკის ბორბალი" დადგას და ისეთი ტერიტორია მოაწყოს, სადაც ისინი დროს გაატარებენ და მუნიციპალიტეტის დატოვების სურვილი არ გაუჩნდებათ.
ადიგენის მერმა დღეს, ჟურნალისტების კითხვის მიუხედავად კომენტარი არ გააკეთა ქვეყანაში მიმდინარე მთავარ მოვლენებზე და ევროკავშირთან მოლაპარაკებების შეჩერებაზე.
"პოლიტიკურ საკითხებს არ შევეხები, დღეს ამაზე არ ვისაუბრებ, სხვა დროს როცა გინდათ მოდით და ვისაუბროთ, ახლა მეჩქარება,"- გვითხრა გოჩა ქიმაძე.
გოჩა ქიმაძის თქმით, მომავალ წელსაც, მუნიციპალიტეტის მთავარი პრიორიტეტი ინფრასტრუქტურული პროექტები იქნება. დაიწყება სოფლების ზაზალო-დერცელი-კიკიბოსთან მისასვლელი გზის მშენებლობა. როგორც გოჩა ქიმაძე განმარტავს, გზის სრული რეაბილიტაცია დიდ ხარჯებთან არის დაკავშირებული, ამიტომ 2025 წელს მხოლოდ 3 კილომეტრი დაიგება.
ანგარიშის წარდგენის შემდეგ, ჟურნალისტებთან საუბრისას, ადიგენის მერმა უდეში, მეწყრით დაზარალებულ ოჯახებზეც ისაუბრა და განმარტა, რომ გეოლოგების დასკვნის საფუძველზე მოხდება დაზიანებული სახლების გამაგრება.
რაც შეეხება დაზარალებული ოჯახების კომპენსაციას, მისივე თქმით, არამხოლოდ უდეში, მუნიციპალიტეტში არის 50 ოჯახი, რომელიც განსახლებას ექვემდებარება. ამიტომ ის ოჯახები, რომლებსაც მეორე საცხოვრებელი ფართი არ უფიქსირდება, კომპენსაციის სახით 50 000 ლარს მიიღებენ, ხოლო ვისაც ალტერნატიული ფართი ექნება, 21 000 ლარს. მათ აღნიშნული თანხები მიმდინარე წლის ბოლომდე დაერიცხებათ.
გოჩა ქიმაძემ ისაუბრა მუნიციპალიტეტში არსებულ უკანონო ნაგავსაყრელებზე და განმარტა, რომ პერიოდულად ასეთი ადგილები ნარჩენებისგან სუფთავდება, თუმცა პრობლემა მაინც არის.
დღესვე ადიგენის მერმა თქვა, რომ სურვილი აქვს ახალგაზრდებისათვის ადიგენში "ეშმაკის ბორბალი" დადგას და ისეთი ტერიტორია მოაწყოს, სადაც ისინი დროს გაატარებენ და მუნიციპალიტეტის დატოვების სურვილი არ გაუჩნდებათ.
ადიგენის მერმა დღეს, ჟურნალისტების კითხვის მიუხედავად კომენტარი არ გააკეთა ქვეყანაში მიმდინარე მთავარ მოვლენებზე და ევროკავშირთან მოლაპარაკებების შეჩერებაზე.
"პოლიტიკურ საკითხებს არ შევეხები, დღეს ამაზე არ ვისაუბრებ, სხვა დროს როცა გინდათ მოდით და ვისაუბროთ, ახლა მეჩქარება,"- გვითხრა გოჩა ქიმაძე.
