ახალციხეში, მეხუთე სართულიდან ბავშვი გადმოვარდა

საზოგადოება

30.03.2025

დღეს, 30 მარტს ახალციხეში, 9 აპრილის ქუჩაზე 10 წლამდე ბავშვი მეხუთე სართულიდან გადმოვარდა. დაშავებული ახალციხის კლინიკა 'იმედში' შეიყვანეს. მისი მდგომარეობა მძიმეა. გამოძახებულია კატასტროფის მანქანა ბავშვის თბილისში გადასაყვანად.

,,სავარაუდოდ თამაშის დროს გადმოვარდა ფანჯრიდან, მოიყვანეს უკვე უგონო მდგომარეობაში. ჰქონდა კრუნჩხვები, კონტაქტში ვერ შემოდიოდა. რეანიმატოლოგმა გადაიყვანა ბავშვი მართვით სუნთქვაზე. ჩაუტარდა ყველა სახის კვლევა. მოტეხილობები ამ ეტაპზე არსად დადგინდა. ჰქონდა ფილტვების დაჟეჟილობა და თავის ტვინში სისხლჩაქცევა. შესაბამისად, ამ ტრამვამ გამოიწვია შოკი" - აცხადებს პედიატრი ლია ზედგინიძე.

,,ახლა გავიდა კლინიკიდან კატასტროფის ჯგუფი მანქანა. 10 წლამდე ბავშვია, ამ ეტაპზე მისი მდგომარეობა მძიმეა" – განუცხადა მედიას კლინიკის დირექტორმა გიორგი ბარძიმაძემ.

მორიგე ექიმის განმარტებით, პაციენტს მოტეხილობები არ აღენიშნება, მას ჩაუტარდა კვლევები, იმყოფება მართვით სუნთქვაზე. დაზიანებული ბავშვი თბილისში, იაშვილის სახელობის სამედიცინო დაწესებულებაში გადაჰყავთ.