გააგრძელებს თუ არა ახალციხის საფეხბურთო გუნდი საქართველოს პირველობისთვის ბრძოლას – ჯერ კიდევ გაურკვეველია. მწვრთნელის თქმით, ნაკრები მეორე ლიგაში გადავიდა, თუმცა უსახსრობის გამო, ჩემპიონატში ვეღარ ჩაერთვებიან.
,,ფეხბურთის აკადემია მესხეთი“ მარტის თვეში შეხვედრებს იმ შემთხვევაში გამართავს, თუ გუნდი ფინანსური პრობლემების გადაჭრას მოახერხებს. გელა მაისურაძის თქმით, ფეხბურთელებისა და შეჯიბრების უზრუნველსაყოფად, 25 000 ლარია საჭირო. მწვრთნელი დახმარებას ახალციხის მერიას და მოსახლეობას თხოვს. იგი აპირებს, რომ საბანკო ანგარიში გახსნას სადაც თანხის გადარიცხვა იქნება შესაძლებელი.