საქართველოს სახალხო დამცველს ახალციხისა და ტაო–კლარჯეთის მიტროპოლიტმა უმასპინძლა. უჩა ნანუაშვილმა მეუფე თეოდორესთან რეგიონში არსებული პრობლემები განიხილა. 

საუბრის ერთ–ერთი თემა იყო მოხის სადავო შენობის საკითხიც. სახალხო დამცველის თქმით, პრობლემის მოგვარებაზე ყველა მხარე თანხმდება. შესაბამისად, ამ მხრივ სახელმწიფოს მხრიდან ბევრი რამ არის გასაკეთებელი.

შეხვედრის დასასრულს მეუფე თეოდორემ უჩა ნანუაშვილს საჩუქრად წიგნი – “ახალციხისა და ტაო–კლარჯეთის ეპარქია” გადასცა.

შეგახსენებთ, რომ სახალხო დამცველი სამცხე–ჯავახეთში ორი დღეა იმყოფება. 7 დეკემბერს უჩა ნანუაშვილი ადიგენის მუნიციპალიტეტის სოფელ მოხესა და ჭელაში მუსლიმ და მართლმადიდებელ მოსახლეობას შეხვდა.

ომბუდსმენმა დღეს, სამცხე–ჯავახეთის სახელმწიფო უნივერსიტეტის სტუდენტებისთვის ღია ლექცია გამართა.

სახალხო დამცველი რეგიონში ვიზიტს სამცხე–ჯავახეთის გუბერნატორთან შეხვედრით დაასრულებს.