როგორი ამინდია მოსალოდნელი 17 ივნისამდე

ამინდი

12.06.2022

17 ივნისამდე საქართველოში არამდგრადი ამინდია მოსალოდნელი. გარემოს ეროვნული სააგენტოს მონიტორინგისა და პროგნოზირების ცენტრის მოკლევადიანი პროგნოზების სამმართველოს ინფორმაციით, ერთი კვირის განმავლობაში მოსალოდნელია ნალექი, დროგამოშვებით წვიმა-ელჭექით.

"12 ივნისიდან ხუთი დღის განმავლობაში არამდგრადი ამინდი შენარჩუნდება, დროგამოშვებით მოსალოდნელია ხანმოკლე წვიმა, პარალელურ რეჟიმში ტემპერატურის კლება. ახალციხეში უახლოესი ხუთი დღის პროგნოზი ასე გამოიყურება:

13 ივნისს იწვიმებს, ჰაერის მაქსიმალური ტემპერატურა დღისით +24, ხოლო ღამით +12 გრადუსია მოსალოდნელი,

14 ივნისს ასევე წვიმაა ნავარაუდევი, დღისით +23, ხოლო ღამით +13 გრადუსი იქნება;

15 ივნისსაც იწვიმებს, ჰაერის მაქსიმალური ტემპერატურა დღისით +21, ხოლო ღამით +14 გრადუსამდე გათბება,

16 ივნისს ასევე წვიმაა ნავარაუდევი, დღისით +21, ხოლო ღამით +10 გრადუსი იქნება;

თბილისში, დღის მეორე ნახევარში მოსალოდნელია ხანმოკლე წვიმა. მაქსიმალური ტემპერატურა +28+31 გრადუსი - ნათქვამია გარემოს ეროვნული სააგენტოს მონიტორინგისა და პროგნოზირების ცენტრის მოკლევადიანი პროგნოზების სამმართველოს მიერ გავრცელებულ განცხადებაში.