თოვლი და მინუს 11 გრადუსი ყინვა - სამცხე-ჯავახეთში ამინდის გაუარესებას პროგნოზირებენ

ამინდი

24.03.2024

25 მარტიდან 27 მარტის დილამდე საქართველოში მოსალოდნელია დროგამოშვებით წვიმა, მაღალ მთაში თოვლი, ზოგან ძლიერი, შესაძლებელია ნისლი.

25 და 26 მარტს ახალციხეში წვიმაა მოსალოდნელი. დღისით მაქსიმალურ ტემპერატურა +8 და +5 გრადუსს, ღამით კი მინუს 6 და მინუს 4 გრადუსს უნდა ველოდოთ. ბორჯომშიც წვიმს. დღისით +7 და +5 გრადუსია მოსალოდნელი, ღამით კი მინუს 3 და მინუს 2 გრადუსს ვარაუდობენ.

წვიმა და ნალექია ასპინძაშიც. ტემპერატურა დღისით +8 და +5 გრადუსი იქნება, ღამით კი მინუს 2 და მინუს 3 გრადუსი იქნება. წვიმაა ადიგენშიც, დღისით +6 და +3 გრადუსამდე დათბება, ხოლო ღამით მინუს 5 და მინუს 6 გრადუსია ნავარაუდევი.

რაც შეეხება ჯავახეთს - აქ უნალექო ამინდია მოსალოდნელი. ახალქალაქში დღისით +1 და 0 გრადუსია ნავარაუდევი, ღამით მინუს 8 გრადუსი იქნება. ნინოწმინდაში სინოპტიკოსები დღისით მინუს +1 და მინუს 1გრადუსს, ხოლო ღამით მინუს 7 და მინუს 11 გრადუსს ვარაუდობენ.

რეგიონის კურორტებზეც ყინვას და თოვლს ვარაუდობენ. აბასთუმანში, დღისით მაქსიმალურ ტემპერატურა +5 და +2 გრადუსია, ხოლო ღამით მინუს 6 და მინუს 4 გრადუსი ყინვა იქნება. თოვს ბაკურიანშიც. ტემპერატურა დღისით +1 და ღამით მინუს 9 და მინუს 8 გრადუსი ყინვაა მოსალოდნელი.

რაც შეეხება დედაქალაქს, თბილისშიც წვიმიანი ამინდია ნავარაუდევი. ტემპერატურა დღისით +9 და +8 გრადუსამდე გათბება, ღამით კი +1 და +2 გრადუსი იქნება.

გარემოს ეროვნული სააგენტოს ინფორმაციით, 27 მარტამდე, საქართველოში წვიმიანი ამინდი, მაღალ მთაში კი თოვლია მოსალოდნელი.