კვლევაში ნათქვამია, რომ მერად არჩევის შემდეგ, ზაზა მელიქიძემ კუთვნილ კომპანიებში დირექტორებად საკუთარი ცოლის და და ცოლის ძმა დანიშნა. მისი კომპანიის ყოფილი ფინანსური მენეჯერი კი მერიაში პირველ მოადგილედ აიყვანა. ორგანიზაციაში მიიჩნევენ, რომ ჩნდება „კითხვის ნიშნები ზაზა მელიქიძის ქონებრივ დეკლარაციასთან დაკავშირებითაც“.

ზაზა მელიქიძემ ბოლო დეკლარაცია 2018 წლის 30 ოქტომბერს შეავსო. დეკლარაციის მიხედვით, პარალელურად, იგი რჩება ორი კომპანიის – შპს მელიზა საქართველოს და შპს ლეგი საქართველოს 100% მფლობელად, თუმცა ორივე კომპანიიდან შემოსავლად 0 ლარია მითითებული.

შპს მელიზა საქართველოს საწარმო კაპიტალის ოდენობა 255397,75 ლარი, ხოლო შპს ლეგი საქართველოსი კი 197384,8 ლარი.

ზაზა მელიქიძის კუთვნილი ავტოამწის იჯარით მიღებულმა შემოსავალმა 3672,5 ლ შეადგინა. 

დეკლარაციის მიხედვით, 2017 წლის 1–ლი იანვრიდან 31 ოქტომბრის ჩთვლით, გამგებლობის პოზიციაზე ყოფნისას ზაზა მელიქიძის შემოსავალმა 31514,07 ლ, ხოლო 2017 წელს უკვე მერის თანამდებობაზე ყოფნისას (2017 წლის 1–ლი ნოემბერი–31 დეკემბერი), მისმა შემოსავალმა 8702,38 ლარი შეადგინა.

ჯამში, 2017 წლის სახელფასო შემოსავალი 40 2016,45 ლარია.