აშშ-ში შესვლის პროცედურები და დასაქმება ქართველებისთვისაც გართულდება - ეკონომიკის მკვლევარი

პოლიტიკა

07.11.2024

„ცალსახაა, რომ როგორც სხვა ქვეყნის მოქალაქეებისთვის, ისე ქართველებისთვისაც გართულდება აშშ-ში შესვლის პროცედურები,“ - ასე აფასებს „ჯეოქეისის“ ეკონომიური მიმართულების მკვლევარი გურამ ბააკაშვილი დონალდ ტრამპის მიერ დაანონსებულ საიმიგრაციო პოლიტიკას.

ამერიკის, ახლა უკვე რიგით 47-ე პრეზიდენტი წინასაარჩევნო პერიოდში საკუთარ ამომრჩევლებს დაჰპირდა, რომ ქვეყნის საზღვრებს „გამოასწორებს“. მანამდე, წინა საპრეზიდენტო პერიოდის განმავლობაში, ტრამპის ადმინისტრაციამ მექსიკის კედლის მშენებლობაც კი დაიწყო, თუმცა, მხოლოდ 47 მილის აშენება მოხერხდა. დანარჩენი 652 კმ მექსიკის ფინანსური თანამონაწილეობით უნდა შესრულებულიყო, თუმცა პროცესი არ გაგრძელებულა.

ტრამპის საიმიგრაციო ხედვებთან დაკავშირებით „ჯეოქეისის“ეკონომიური მიმართულების მკვლევარი ამბობს, რომ აღნიშნული დაპირება პირველ რიგში, აშშ-ში სამუშაო ძალის რეგულირებას ემსახურება. შესაბამისად, მოსალოდნელია, რომ არა მხოლოდ შტატებში შესვლა, არამედ დასაქმების კუთხით რეგულაციებიც გამკაცრდება.

„ცალსახაა, რომ როგორც სხვა ქვეყნის მოქალაქეებისთვის, ისე ქართველებისთვისაც გართულდება აშშ-ში შესვლის პროცედურები. იმიტომ, რომ ძალიან ხშირად ხდება ისეთი ხერხების გამოყენება, როგორიც არის მექსიკის საზღვრიდან გადასვლა და ა.შ. შესაბამისად, პროცესი გართულდება.

თუმცა, მეორე მხრივ, მნიშვნელოვანია, როგორ მოხდება სტრატეგიული ურთიერთობის განვითარება, საქართველოსა და აშშ-ის შორის, ტრამპის ადმინისტრაციის პირობებში. თუ დადებით კონტექსტში განვითარდა, შესაძლებელია, ისეთი შეთანხმებების მიღწევა, რა დროსაც მაგალითად, ლეგალურად შეიძლება განხორციელდეს სხვადასხვა სამუშაო პროგრამებში ქართველების ჩართულობა, როგორც გერმანიასა და სხვადასხვა ევროპულ ქვეყნებში მოხდა. მაგრამ, ეს შორეული პერსპექტივა იქნება და გააჩნია სახელმწიფო სტრატეგიული ურთიერთობა როგორ განვითარდება.

მოკლევადიან პერიოდში, რა თქმა უნდა, ნეგატიურ გავლენას იქონიებს იმ ადამიანებისთვის, რომლებიც აშშ-ში წასვლას აპირებენ. მხოლოდ შესვლის საკითხიც ხომ არ არის, ერთია შეხვიდე, მაგრამ პოლიტიკის გამკაცრება სწორედ იმ აღსრულების მექანიზმებს ეხება, რომელიც აშშ-ში შესვლის შემდეგ კონკრეტულმა მოქალაქეებმა უნდა დაიცვან. ანუ მოქალაქეები შეიძლება შესულიყვნენ და ლიბერალური მიდგომები ჰქონოდათ დასაქმების პროცედურის თვალსაზრისით, თუმცა, ტრამპის გადმოსახედიდან, მისი საიმიგრაციო ხედვებით, ის არა მხოლოდ საზღვრის გამკაცრებას, არამედ სამუშაო ძალის რეგულირებასაც გეგმავს,“ - ამბობს გურამ ბააკაშვილი.

შეგახსენებთ, რომ „რესპუბლიკური პარტიის“ პრეზიდენტობის კანდიდატი, დონალდ ტრამპი აშშ-ის 47-ე პრეზიდენტი გახდა. ბოლო მონაცემებით, ისტორიულ, მე-60 არჩევნებში, მას საარჩევნო კოლეგიის 277 ხმა აქვს, ხოლო „დემოკრატიული პარტიის“ პრეზიდენტობის კანდიდატს, კამალა ჰარისს - 226.

თეგები: აშშ / ემიგრაცია / ტრამპი /

Հեղինակ:

მეცხრე არხი

Երկ.

Երեք.

Չոր.

Հինգ.

Ուրբ.

Շաբ.

Կիր.