მანუჩარ ჩაჩანიძე ზაჰესის იზოლატორშია გადაყვანილი

პოლიტიკა

19.11.2024

ახალციხელი მანუჩარ ჩაჩანიძე ზაჰესის იზოლატორშია გადაყვანილი. მისი თანამებრძოლი და მეგობარი ნიკოლოზ ბეგიშვილი არ გამორიცხავს, რომ დაკავებულს კანონით გათვალისწინებული 48 საათით დატოვებენ იზოლატორში.

დაკავებულებს უფასო იურიდიულ მომსახურებას არასამთავრობო ორგანიზაციების იურისტები უწევენ. მანუჩარ ჩაჩანიძის ადვოკატი ნესტან ლონდარიძე განმარტავს, რომ ,,მანუჩარ ჩაჩანიძეზე გამოყენებულია გადამეტებული ძალა. ველოდებით როდის იქნება სასამართლო პროცესი. ორი მუხლით ედავებიან, ეს არის წვრილმანი ხულიგნობა და პოლიციელთა დაუმორჩილებლობა. წესით 24 საათში უნდა გადაიყვანონ, მაგრამ ვფიქრობთ რომ 48 საათს სრულად გამოიყენებენ".

ადმინისტრაციული სამართალდარღვევათა კოდექსის 166-ე მუხლის მოქმედი რედაქციით წვრილმანი ხულიგნობა (საზოგადოებრივ ადგილებში ლანძღვა-გინება, მოქალაქეებზე შეურაცხმყოფელი გადაკიდება და სხვა ამგვარი მოქმედება, რომელიც არღვევს საზოგადოებრივ წესრიგსა და მოქალაქეთა სიმშვიდეს) გამოიწვევს დაჯარიმებას 500 ლარიდან 1000 ლარამდე ოდენობით ან ადმინისტრაციულ პატიმრობას 15 დღემდე ვადით.

კოდექსის ამჟამად მოქმედი 173-ე მუხლის თანახმად, სამსახურებრივი მოვალეობის შესრულების დროს სამართალდამცავი ორგანოს თანამშრომლის და სხვა შესაბამისი სახელმწიფო ორგანოს წარმომადგენლის კანონიერი განკარგულებისადმი ან მოთხოვნისადმი დაუმორჩილებლობა, ან ამ პირის სიტყვიერი შეურაცხყოფა ან/და მის მიმართ სხვა შეურაცხმყოფელი ქმედების განხორციელება (გარდა საქართველოს სისხლის სამართლის კოდექსით გათვალისწინებული შემთხვევისა) იწვევს სამართალდამრღვევის დაჯარიმებას 1000 ლარიდან 4000 ლარამდე ოდენობით ან ადმინისტრაციულ პატიმრობას 15 დღემდე ვადით.

მანუჩარ ჩაჩანიძე სამართალდამცველებმა 19 ნოემბერს, დაახლოებით 08:00 სთ-თვის დააკავეს. მელიქიშვილის გამზირზე, პოლიციასა და აქციის მონაწილეებს შორის მომხდარი დაპირისპირებისას სამართალდამცავებმა ადმინისტრაციული წესით სულ 16 პირი დააკავეს. მათგან 3 ადამიანი ხელწერილის საფუძველზე გაათავისუფლეს, 10 პირი ზაჰესის დროებითი მოთავსების იზოლატორშია შესახლებული, 3 კი, დიღმის სამმართველოში.

თეგები: დაკავება / მანუჩარ ჩაჩანიძე /

Հեղինակ:

მეცხრე არხი

Երկ.

Երեք.

Չոր.

Հինգ.

Ուրբ.

Շաբ.

Կիր.