ახალციხის მუნიციპალიტეტის მერიაში ადმინისტრაციულ ერთეულებში მერის წარმომადგენლებსა და მათ ასისტენტებს არჩევენ.

აპლიკანტებთან გასაუბრება 13 მარტს დაიწყო და 14 მარტს დასრულდება.

მერიაში ამბობენ, რომ პირველი ეტაპი – დოკუმენტაციის გადარჩევა 103 აპლიკანტის 196–მა განაცხადმა გაიარა.

კონკურსი 36 პოზიციაზე მიმდინარეობს. საკონკურსო კომისია მერის 19 წარმომადგენელსა და 17 ასისტენტს არჩევს.

მერიამ კონკურსი საჯარო სამსახურის ბიუროს ვებ–გვერდზე 6 თებერვალს გამოაცხადა.

კონკურსი სამეტაპიანია – განცხადების გადარჩევა, ზეპირი დავალება და გასაუბრება.

შერჩეული პირები პოზიციაზე 12–თვიანი გამოსაცდელი ვადით დაინიშნებიან.