ახალციხის მერიას მომღერლების ჰონორარი 15 000 ლარამდე დაუჯდა

საზოგადოება

24.01.2020

ახალციხის მერიამ საახალწლო ღონისძიებებისთვის რვა მომღერალს ჰონორარის სახით, 14 700 ლარი გადაუხადა. ადგილობრივი ბიუჯეტიდან ცალკე თანხა დაიხარჯა სტუმრების კვებაზე. (ორჯერ გამართული სადილი სულ 1 615.3 ლარი).

სახელმწიფო შესყიდვების სააგენტოს ვებ-გვერდზე განთავსებული ხელშეკრულებების მიხედვით, „ორ ჯუჯას“ 3 800 ლარი გადაუხადეს. (ვახტანგ ტატიშვილი 1 900, ნუგზარ კვაშალი 1 900 ლარი).

ნაძვის ხის ანთების ღონისძიებაზე მოწვეულ სამ მომღერალს კი 3 400 ლარი გადაუნაწილდათ. კრისტინა ავსარქისოვი 900 ლარი, მარიამ ნანობაშვილი 1 000, ნინო გველესიანი 1 500 ლარი.

ჯგუფ „რეზო და ბავშვების“ კონცერტი ადგილობრივ ბიუჯეტს 7 500 ლარი დაუჯდა. რევაზ ბლიაძე 2 500, ლაზარე ადამია 2 500, ლევან ხოტივარი 2 500 ლარი.

ამის გარდა, ცალკე თანხა - 62 580 ლარი გამოიყო საახალწლო მორთულობაზე, კონცერტის ორგანიზებასა და ტკბილეულზე. (ღონისძიებების ორგანიზება - 24 812.57, ნაძვის ხის მოსართავები - 11 899.99, საახალწლო განათებები - 10 896.71, ტკბილეული 12 973 ლარი).