მუშაობს თუ არა პარლამენტი ხალხისთვის მნიშვნელოვან საკითხებზე - NDI-ს კვლევა

საზოგადოება

27.01.2022

NDI-ს კვლევის თანახმად, გამოკითხული მოსახლეობის უმრავლესობას არ სჯერა, რომ პარლამენტი მათთვის მნიშვნელოვან საკითხებზე მუშაობს.

კვლევის თანახმად, გამოკითხულთა 36% ეთანხმება მოსაზრებას, რომ პარლამენტი ამტკიცებს კანონებს მოსახლეობისთვის მნიშვნელოვანი საკითხების შესახებ, გამოკითხულთა 53% ამ მოსაზრებას არ ეთანხმება, 10% ამბობს, რომ კითხვაზე პასუხი არ იცის.

რაც შეეხება მოსაზრებას, რომ პარლამენტი ეფექტიანად უწევს ზედამხედველობას მთავრობის (სამინისტროების) საქმიანობას, გამოკითხულთა 42% ამას არ ეთანხმება, 35% - ეთანხმება, ხოლო 22%-მა კითხვაზე პასუხი არ იცის.

გამოკითხულთა 52% მიიჩნევს, რომ პარლამენტს თუ მის დასახლებაში არსებული პრობლემების შესახებ ეტყვის, ის გადადგამს ნაბიჯებს პრობლემის მოსაგვარებლად, ხოლო გამოკითხულთა 61% არ ეთანხმება მოსაზრებას, რომ პარლამენტი რეგულარულად ეკონტაქტება მოქალაქეებს.

კვლევა 2021 წლის 7-13 დეკემბრის პერიოდში ჩატარდა, საქართველოს მასშტაბით 2,099 სატელეფონო ინტერვიუს წარმომადგენლობითი შერჩევის საფუძველზე, ქვეყნის სრულწლოვან მოსახლეობას შორის ჩატარდა (ოკუპირებული ტერიტორიების გამოკლებით). გამოკითხვის საშუალო ცდომილების ზღვარი არის +/- 1.4 პროცენტი. რესპონდენტები შემთხვევით ნომერზე დარეკვის მეთოდით შეირჩნენ. კვლევა ჩაატარა CRRC-საქართველომ.

თეგები: NDI / პარლამენტი /

Հեղինակ:

მეცხრე არხი

Երկ.

Երեք.

Չոր.

Հինգ.

Ուրբ.

Շաբ.

Կիր.