სამცხე-ჯავახეთის უნივერსიტეტი უკრაინელებისთვის დონაციის აქციას იწყებს

საზოგადოება

04.03.2022

სამცხე-ჯავახეთის სახელმწიფო უნივერსიტეტი "სისხლის გადასხმის საქალაქო სადგურთან" თანამშრომლობით უკრაინის მხარდასაჭერად იწყებს დონაციის აქციას.

დონაციის აქცია გაიმართება 7 მარტს 10:00 საათიდან, სამცხე-ჯავახეთის სახელმწიფო უნივერსიტეტის პირველ კორპუსში.

რა უნდა იცოდე, რომ გახდე სისხლის დონორი:

სისხლის დონაცია არის პროცესი, როდესაც ჯანმრთელი ადამიანი გასცემს სისხლს.
სისხლის დონორობა აბსოლუტურად უსაფრთხოა ჯანმრთელობისთვის.
სისხლის ხელმეორედ ჩაბარება შეიძლება 2 თვის შემდეგ.
სისხლის დონორი შეიძლება გახდეს ნებისმიერი ჯანმრთელი ადამიანი 18-დან 65 წლამდე,
თუ თქვენი წონა 50 კგ და მეტია;
არ გაქვთ გადატანილი ვირუსული ჰეპატიტი BB და c, შიდსი, სიფილისი;
არ ხართ დაავადებული მალარიით;
არ ხართ ნარკოტიკების მომხმარებელი;
ბოლო 3 თვის განმავლობაში არ გაქვთ გადატანილი ქირურგიული ოპერაცია;
2 თვის მანძილზე არ გაგიკეთებიათ ტატუ;
არ გქონიათ სხვის სისხლთან კონტაქტი;
ქალებს ბოლო 6 თვის მანძილზე არ ჰქონიათ ორსულობა.
ბოლო 1 წლის განმავლობაში არ გაგიკეთებიათ ცოფის საწინააღმდეგო აცრა;

სისხლის ჩაბარების დღეს უმჯობესია, დილით მსუბუქად წაიხემსოს და მიიღოს ტკბილი ჩაი;
სისხლის ჩაბარების დღეს თავი შეიკავოს ალკოჰოლის მიღებისგან;
დონაციის დღეს დონორის იდენტიფიკაციის მიზნით, თან უნდა იქონიოს პირადობის დამადასტურებელი მოწმობა.

ინფორმაცია კოვიდინფექციასთან დაკავშირებით:
სისხლის ჩაბარება შესაძლებელია: კოვიდინფექცირებიდან 2 კვირის შემდეგ;
კოვიდვაქცინაციიდან 2 კვირის შემდეგ.

სისხლის ჩაბარების წინ:

ექიმი გამოჰკითხავს დონორს ჯანმრთელობის მდგომარეობას, უზომავს წნევას, დონორი ავსებსკითხვარს. ლაბორანტი ადგენს სისხლის ჯგუფს და რეზუს, სისხლში ჰემოგლობინის შემცველობას.ჩაბარებულ სისხლს უტარდება გამოკვლევა:

სისხლის გზით გადამდებ ინფექციებზე: აივ ინფექცია/შიდსზე, B BB და c ჰეპატიტებზე, სიფილისზე.
სისხლის ჯგუფზე და რეზუსზე;
სისხლში ჰემოგლობინის შემცველობაზე.
გამოკვლევის შედეგები მოგეწოდებათ ინდივიდუალურად, დახურულ კონვერტებში (კონვერტს აწერიადონორის სახელი და გვარი).