"აღდგეს კუკუშკა" - პეტიციას ხელი 12 000-ზე მეტმა ადამიანმა მოაწერა

საზოგადოება

04.03.2024

"ვითხოვთ კუკუშკის აღდგენას" - ამ სათაურით პეტიცია ვებგვერდზე manifest.ge 16 იანვარს, დათი ბურჭულაძის ავტორობით გამოქვეყნდა. მას ხელს უკვე აწერს 12 263 ადამიანი. პეტიციის ავტორი 14 წლის დათი ბურჭულაძეა.

Manifest.ge-ს წესებით, პეტიცია გამარჯვების შემთხვევაში მითითებულ ადრესატს ელექტრონულად გადაეგზავნება. იმ შემთხვევაში, თუ ეს ადრესატი სახელმწიფო ორგანოა, ხელმომწერთა რაოდენობა მინიმუმ 5000 უნდა იყოს. "კუკუშკის" აღდგენის პეტიციას გასამარჯვებლად სულ 12 000 ადამიანის ხელმოწერა სჭირდებოდა.

შეგახსენებთ, ბორჯომ-ბაკურიანის მატარებელი "კუკუშკა" პანდემიის მიზეზით გააჩერეს და მგზავრებს უკვე 4 წელია აღარ ემსახურება. რკინიგზას კულტურული მემკვიდრეობის სტატუსი აქვს და სარეაბილიტაციოა. რკინიგზაში განმარტავენ, რომ ამ მატარებლით მგზავრობა უსაფრთხო აღარაა. სამგზავრო ვაგონებს და ელმავალს ექსპლუატაციის ვადა პანდემიის დასრულებამდე გაუვიდა. დაძველდა და სარემონტოა ინფრასტრუქტურა. შესაკეთებელია ლიანდაგები, სადგური, კომუნიკაცია და მატარებლის ვაგონები.

ბორჯომ-ბაკურიანის მატარებლის სამგზავრო ვაგონები ბოლოს 2016 წელს განაახლეს. 2 წლის შემდეგ, ზამთარში "კუკუშკა" სოფელ არდაგანთან რელსებიდან გადავიდა და რამდენიმე ვაგონი გადაყირავდა კიდეც. მაშინ არავინ დაშავებულა და ლიანდაგების შეკეთების შემდეგ მოძრაობა მალევე აღდგა.

შეიძლება, დაგაინტერესოთ:

,,კუკუშკა" უფუნქციო ვაგონებით და გაურკვეველი ბედით

თეგები: კუკუშკა / პეტიცია /

Հեղինակ:

მეცხრე არხი

Երկ.

Երեք.

Չոր.

Հինգ.

Ուրբ.

Շաբ.

Կիր.