ვაჩერებთ ხელისუფლებასთან თანამშრომლობას, სანამ ხელისუფლება რუსულ კანონს არ გაიხმობს

საზოგადოება

25.04.2024

150-მდე საზოგადოებრივი და მედია ორგანიზაცია საზოგადოებას მოუწოდებს 28 აპრილს, 19:00 საათზე, რესპუბლიკის მოედანზე შეიკრიბონ.

როგორც ერთობლივ განცხადებაშია ნათქვამი, „რუსული კანონის ჩაგდებამდე საზოგადოებრივი და მედია ორგანიზაციები აჩერებენ ხელისუფლებასთან თანამშრომლობას“.

„ხელმომწერი ორგანიზაციები:

ვაჩერებთ ხელისუფლებასთან თანამშრომლობას, სანამ ხელისუფლება „რუსულ კანონს“ არ გაიხმობს;

ვაცხადებთ, რომ არასოდეს, არავითარი ფორმით არ დავრეგისტრირდებით ღირსების შემლახავ რეესტრში;

მოვუწოდებთ ყველას, 28 აპრილს, კვირას, 19:00 საათზე, შევიკრიბოთ რესპუბლიკის მოედანზე, რუსული კანონის წინააღმდეგ.

ასევე მოვუწოდებთ შეკრებისკენ ყველას, თუკი ჩაინიშნება მეორე პლენარული განხილვა.

სიტყვის გატეხითა და რუსული კანონის ხელახლა განხილვით, უდავოა, რომ ხელისუფლება გადის კონსტიტუციური ჩარჩოდან და ცვლის ქვეყნის საგარეო კურსს. ეს ქართველი ხალხის ურყევი ნების ღალატია. არ დარჩენილა სოციალური ფენა, პროფესიული თუ საზოგადოებრივი ჯგუფი, რომელსაც გასულ დღეებში, ხელისუფლებისთვის რუსული კანონის გაწვევა არ ეთხოვა. მეცნიერები, სტუდენტები, ექიმები, კულტურისა და სპორტის წარმომადგენლები, მეღვინეები, მეწარმეები, ფერმერები და სხვა ჯგუფები, დღეს ერთად დგანან ისტორიის სწორ მხარეს.

ასევე, ყველა საერთაშორისო პარტნიორის: ევროკავშირის, ნატოს, გაეროს, ევროსაბჭოსა და მეგობარი ქვეყნის განცხადებით, რუსული კანონი გვაშორებს ევროკავშირს. რუსული კანონის განხილვა და მიღება ანტიკონსტიტუციური ნაბიჯია, რომელიც ყველა მოქალაქეს ეხება, კლავს ქართულ დემოკრატიას და რუსეთთან პირისპირ გვტოვებს.

აქედან გამომდინარე, ჩვენ უარს ვამბობთ:

ა) ხელისუფლების წარმომადგენლებთან ერთად შეხვედრებში მონაწილეობაზე;

ბ) სამუშაო ჯგუფებსა და მრჩეველთა საბჭოებში მუშაობაზე

გ) საერთაშორისო თუ სხვა სამუშაო ფორმატებში ხელისუფლებასთან კოორდინაციაზე.

ჩვენ ვმუშაობთ მხოლოდ ხალხისთვის. ჩვენ ვემსახურებით მხოლოდ ხალხს და გავაგრძელებთ მუშაობას ბავშვების, ქალების, მშრომელების, შშმ პირებისა და სხვა დაუცველი ჯგუფების უფლებების დასაცავად.

სწორედ ამ ხალხის 80%, განსაკუთრებით კი საჯარო მოხელეები, მხარს უჭერენ და შრომობენ, რათა საქართველო გახდეს ევროკავშირის სრულფასოვანი წევრი. "ქართული ოცნება" კი, ამ ხალხს აიძულებს, მათივე სურვილის საწინააღმდეგოდ, მონაწილეობა მიიღოს 29 აპრილს დაგეგმილ მთავრობის რუსულ მარშში. მთავრობის რუსული მარშით, ხელისუფლება ცდილობს წარსულში დაგვაბრუნოს, მაშინ როცა, ჩვენი მომავალი ევროპაშია. ხელისუფლება უპირისპირდება შვილებს, მომავალ თაობებს, საჯარო მოხელეებსა და ამ ქვეყნის ევროპული მომავლის მხარდამჭერ აბსოლუტურ უმრავლესობას.

ჩვენი და ქართველი ხალხის პასუხი კი არის:

არასოდეს ვიცხოვრებთ პუტინის წესებით. რუსული კანონი არასოდეს იქნება ქართველი ხალხის არჩევანი.

კი ევროპას! არა რუსულ კანონს!

განცხადება ღიაა შემოერთებისთვის ნებისმიერი ორგანიზაციისა და მედიისთვის.

1. ა(ა)იპ მედიის და კომუნიკაციის საგანმანათლებლო და კვლევითი ცენტრი “მედიახმა”
2. Ad Hoc რეაგირების ცენტრი
3. Gundelik
4. საერთაშორისო გამჭვირვალობა - საქართველო
5. ISFED მცხეთა-მთიანეთის და ქვემო ქართლის ოფისი
6. ა(ა)იპ "ტოლერანტობის სამყარო"
7. ა(ა)იპ “ადამიანის უფლებების განვითარების ფონდი”
8. ა(ა)იპ ნეოგენი
9. ა/ო საქართველოს ევროპული მომავალი
10. ა(ა)იპ სტუდენტები ევროპული მომავლისთვის
11. ადამიანის უფლებათა ცენტრი
12. ა(ა)იპ ,,მართლმსაჯულების სახლი"
13. ალიქ მედია ჯორჯია
14. ახალგაზრდები დემოკრატიული ცვლილებებისთვის
15. ახალგაზრდების და ზრდასრულთა განვითარების ასოციაცია - YADA
16. ახალქალაქის ბიზნეს ცენტრი
17. ბავშვთა მენტალური ჯანმრთელობის საქართველოს ასოციაცია
18. გავაძლიეროთ სოფლად ახალგაზრდები
19. გამომძიებელ ჟურნალისტთა გაერთიანება “აი, ფაქტი”
20. განვითარების, განათლებისა და სოციალური ჩართულობის ასოციაცია - ADESI
21. განვითარებისა და ჩართულობის პლატფორმა
22. გერგარტი
23. გორის სათემო რადიო მოზაიკა
24. გურიის სამოქალაქო ცენტრი
25. დემოკრატიის ინსტიტუტი
26. დემოკრატიის კვლევის ინსტიტუტი (DRI)
27. დემოკრატიის მცველები
28. ევროპულ-ქართული ინსტიტუტი
29. ეკონომიკური პოლიტიკის კვლევის ცენტრი (EPRC)
30. ვი2თექ ჯორჯია
31. თავისუფალ ჟურნალისტთა სახლი
32. თავისუფალი ასოციაცია
33. თაობათა გაძლიერების ქსელი (GEN)
34. თბილისი პრაიდი
35. თეთრიწყაროს ახალგაზრდული ცენტრი
36. თოლისკური
37. ინიციატივა სოციალური ცვლილებებისთვის
38. ინფორმაციის თავისუფლების განვითარების ინსტიტუტი (IDFI)
39. კავშირი საფარი
40. კახეთის რეგიონული განვითარების ფონდი
41. კომლი
42. კოშკის სათემო განვითარების ცენტრი
43. კრეატიული განვითარების ცენტრი
44. მედიაომბუდსმენი
45. მედიის ინსტიტუტი
46. მედიის, ინფორმაციის და სოციალური კვლევების ცენტრი
47. მიშგოვ ლარდა (ზემო სვანეთი)
48. მონაწილებითი დემოკრატიის ინიციატივა (PDI)
49. მრავალპარტიული დემოკრატიის ცენტრი (EECMD)
50. მუხრანის საინიციატივო ჯგუფი

51. მწვანე ალტერნატივა
52. მწვანე სექტორი
53. მხარდაჭერისა და შესაძლებლობების განვითარების ცენტრი
54. ორბელიანი საქართველო
55. ოჯახები დისკრიმინაციის წინააღმდეგ (FAD)
56. პარტნიორობა სოციალური კეთილდღეობისათვის -პსკ
57. პლატფორმა ახალი შესაძლებლობებისთვის
58. პლატფორმა სალამი
59. პრევენცია პროგრესისთვის
60. პროიუზ საქართველო
61. პროფესიო - პიროვნული და პროფესიული განვითარების ცენტრი
62. რაჭის სათემო ორგანიზაცია
63. რეგიონული პარტნიორობის ცენტრი
64. რეფორმებისა და კვლევის ჯგუფი (RRG)
65. საბჭოთა წარსულის კვლევის ლაბორატორია
66. საზოგადოება და ბანკები
67. საზოგადოებრივი მონიტორინგის და კვლევის ცენტრი PMRC
68. საზოგადოებრივი მოძრაობა “მწვანეები”
69. საზოგადოებრივი ხელოვნების პლატფორმა
70. სათემო კავშირი ჰერეთი
71. სათემო ორგანიზაცია ნუკრიანი
72. საინიციატივო ჯგუფი - აქტიური მოქალაქეობის აკადემია
73. საინიციატივო ჯგუფი “მოძრაობა”
74. სამართლიანი არჩევნებისა და დემოკრატიის საერთაშორისო საზოგადოება
75. სამოქალაქო აქტივობის ცენტრი ლაკმუსი
76. სამოქალაქო მოძრაობა თავისუფლებისთვის
77. სამოქალაქო საზოგადოების ინსტიტუტი
78. სამოქალაქო საზოგადოების ფონდი
79. სამოქალაქო ჩართულობისა და აქტივიზმის ცენტრი (CEAC)
80. საორსა
81. საუნჯე
82. საქართველო - დემოკრატია და სამოქალაქო საზოგადოება
83. საქართველოს ახალგაზრდა იურისტთა ასოციაცია (GYLA)
84. საქართველოს დემოკრატიული ინიციატივა (GDI)
85. საქართველოს ევროპული ორბიტა
86. საქართველოს მომავლის აკადემია
87. საქართველოს ჟურნალისტური ეთიკის ქარტია
88. საქართველოს რეფორმების ასოციაცია (GRASS)
89. საქართველოს სამოქალაქო საზოგადოების განვითრების ასოციაცია (ACSDG)
90. საქართველოს სასამართლოს გუშაგი (Court Watch)
91. საქართველოს ფსიქოსოციალური დახმარების ასოციაცია ნდობა
92. საქართველოს ფსიქოტრავმის საზოგადოება
93. საქართველოს შეფასების საზოგადოება
94. სბგც კავკასია ახალციხის ოფისი
95. სოლიდარობის თემი
96. სოფლის განვითარებისა და სამოქალაქო ჩართულობის ცენტრი - ლილიფარი
97. სოციალურ მეცნიერებათა ცენტრი
98. სოციალური სამართლიანობის ცენტრი
99. სოციალური საწარმო "გუმბათი"
100. სტრატეგიული, ორგანიზაციული და დემოკრატიული პრიორიტეტების ცენტრი (COSDP)

101. ტოლერანტობის და მრავალფეროვნების ინსტიტუტი (TDI)
102. უფლებები საქართველო
103. ფემეა
104. ფემინა
105. ფენიქსი 2009
106. ფორსეტი
107. ქალები თავისუფლებისთვის
108. ქალები რეგიონის განვითარებისათვის
109. ქალები საერთო მომავლისათვის (WECF) - საქართველო
110. ქალთა ასოციაცია გვირილა
111. ქალთა ინიციატივების მხარდამჭერი ჯგუფი
112. ქალთა სოლიდარობის ცენტრი
113. ქალთა ფონდი საქართველოში
114. ქალი და განვითარება
115. ქართული მედია ჯგუფი
116. ქვემო ქართლის მედია - QvemoQartli.ge
117. ღია სივრცე კავკასია (COS)
118. ყვარლის ევროკლუბი
119. შშმ ბავშვთა მშობელთა კავშირი ,,ლამპარი''
120. ჩემი ხარაგაული
121. ჩვენ განათლებისთვის
122. ციფრული ტექნოლოგიების სააგენტო NEO TV
123. ცოდნის კაფე
124. წამების მსხვერპლთა ფსიქოსოციალური და სამედიცინო რეაბილიტაციის ცენტრი - GCRT
125. ჭავჭავაძის ცენტრი
126. ჯგუფი ბულიონი (მხატვრების გაერთიანება)
127. ფონდი „ინტერნიუსი საქართველო“
128. ჯანსაღი მომავლისთვის",- ნათქვამია განცხადებაში.

თეგები: ბოიკოტი / ენჯეო / მედია /

Հեղինակ:

მეცხრე არხი