2024 წელს საქართველოში ყველაზე მეტი ტურისტი რუსეთიდან იყო

საზოგადოება

12.11.2024

2024 წლის ცხრა თვის განმავლობაში საქართველომ, ვიეტნამსა და ჩინეთთან ერთად, რუსეთიდან ტურისტული ნაკადის ყველაზე დიდი ზრდა აჩვენა.

ამის შესახებ ფედერალური უსაფრთხოების სამსახურის (“ეფესბეს”) სასაზღვრო სამსახურის სტატისტიკურ მონაცემებში წერია, რასაც რუსეთის ტურინდუსტრიის კავშირი ავრცელებს.

კერძოდ, საქართველოში რუსეთიდან ტურისტული ნაკადი 447,8%-ით გაიზარდა და ამ მონაცემით ქვეყანა წამყვან სამეულში მეორე ადგილზეა. პირველზე ვიეტნამია, სადაც ნაკადი 936-ჯერ გაიზარდა, ხოლო 426,6%-იანი მატებით მესამე ადგილზე ჩინეთია.

მიზეზად ტურინდუსტრიის კავშირი ამ მიმართულებებზე პირდაპირი ავიარეისების განახლებას ასახელებს, რაც საქართველოში 2023 წლის მაისში, ვიეტნამში მიმდინარე წლის იანვარში, ხოლო ჩინეთში, ასევე, წლევანდელ მარტში აღდგა.

რუსეთიდან ტურისტული მოგზაურობების რაოდენობით საქართველო წამყვან მიმართულებებს შორის მერვე ადგილზეა. თუმცა “ეფესბეს” საბაჟო სამსახური ტრადიციულად ცალკე ასახელებს აფხაზეთს, სადაც, დანარჩენ საქართველოსთან შედარებით, რუსების ტურმოგზაურობებმა უფრო მეტად მოიმატა და ამ მონაცემით ოკუპირებული რეგიონი მეექვსე ადგილზეა.

იანვარ-სექტემბერში რუსეთიდან ტურისტული მოგზაურობების რაოდენობით ტოპ 10-ეულში შემდეგი ქვეყნები მოხვდნენ:

თურქეთი - 3,67 მლნ ტურისტი (7,8%-ით მეტი წინა წლის ანალოგიურ პერიოდთან შედარებით)
არაბეთის გაერთიანებული საემიროები - 986,2 ათასი (+6,8%)
ეგვიპტე - 834,6 ათასი (+12,9%)
ჩინეთი - 715,5 ათასი (4-ჯერ მეტი)
ტაილანდი - 640 ათასი (+23%)
აფხაზეთი (საქართველო) - 371,9 ათასი
სომხეთი - 250,9 ათასი
საქართველო - 184,6 ათასი
აზერბაიჯანი - 177,6 ათასი
უზბეკეთი - 146,4 ათასი

რაც შეეხება არა მხოლოდ ტურისტულ, არამედ ნებისმიერი მიზნით მგზავრობას, ოკუპირებული აფხაზეთი ამ კატეგორიაში უკვე მეორე ადგილზეა და მას მხოლოდ თურქეთი უსწრებს. ასევე, ცალკე არის დასახელებული საქართველო, რომელიც მგზავრობების ამ კატეგორიაში მეექვსე ადგილზეა.

იანვარ-სექტემბერში რუსეთიდან ნებისმიერი მიზნით მგზავრობების რაოდენობით ტოპ 10-ეულში შემდეგი ქვეყნები მოხვდნენ:

თურქეთი - 5 მილიონზე მეტი მგზავრობა
აფხაზეთი (საქართველო) - 4,66 მლნ
ყაზახეთი - 2,21 მლნ
ჩინეთი - 1,36 მლნ
არაბეთის გაერთიანებული საემიროები - 1,34 მლნ
საქართველო - 1,06 მლნ
ეგვიპტე - 1,03 მლნ
ტაილანდი - 890,3 ათასი
სომხეთი - 758,65 ათასი
აზერბაიჯანი - 547,35 ათასი

მთლიანობაში, რუსეთიდან საზღვარგარეთ იანვარ-სექტემბერში 22,49 მლნ მგზავრობა დაფიქსირდა.

თეგები: რუსეთი / ტურისტები /

Հեղինակ:

მეცხრე არხი

Երկ.

Երեք.

Չոր.

Հինգ.

Ուրբ.

Շաբ.

Կիր.