ადგილობრივი ვიზიტორების რაოდენობა გაიზარდა - რამდენი იყო სამცხე-ჯავახეთში

საზოგადოება

28.02.2025

2024 წელს, 2023 წელთან შედარებით, ადგილობრივი ვიზიტორების რაოდენობა 5.9%-ით გაიზარდა, ხოლო მათ მიერ განხორციელებული ვიზიტების რაოდენობა 2.5 %-ით. ამის შესახებ ინფორმაციას საქსტატი ავრცელებს.

კერძოდ, სტატისტიკის მიხედვით, 2024 წელს საქართველოს ტერიტორიაზე 15 წლის და უფროსი ასაკის ადგილობრივი ვიზიტორების საშუალო თვიური რაოდენობა 1 354 800-ით განისაზღვრა, რომელთა მიერ ქვეყნის ტერიტორიაზე განხორციელებული ვიზიტების საშუალო თვიურმა რაოდენობამ 1 638 700 ერთეული შეადგინა.

ამასთან, 2024 წელს საქართველოს რეზიდენტი ვიზიტორების მიერ საქართველოს ტერიტორიაზე განხორციელებული ტურისტული ტიპის ვიზიტების საშუალო თვიური რაოდენობა 735.8 ათასით განისაზღვრა, რაც 6.1%-ით მეტია 2023 წლის მაჩვენებელზე.

გამოკვლევის მიხედვით, ვიზიტორების 38.8% თბილისის მცხოვრებია, 14.9% მოდის იმერეთის, რაჭა-ლეჩხუმისა და ქვემო სვანეთის რეგიონზე, 9.2% - ქვემო ქართლის რეგიონზე, ხოლო დანარჩენი რეგიონები შედარებით დაბალი წილებით არის წარმოდგენილი.

აღსანიშნავია ისიც, რომ საანგარიშო პერიოდში ყველაზე მეტი ვიზიტი განხორციელდა თბილისში (საშუალოდ 373.5 ათასი ვიზიტი თვეში) და იმერეთის რეგიონში (საშუალოდ 340.3 ათასი ვიზიტი თვეში).

უფრო კონკრეტულად, 2024 წელს განხორციელებული ვიზიტების გადანაწილება რეგიონების მიხედვით, პროცენტულად ასე ნაწილდება:

თბილისი - 22.7%
იმერეთი - 20.7%
აჭარა - 11%
კახეთი - 8.2%
ქვემო ქართლი - 7.7%
მცხეთა-მთიანეთი - 7.5%
შიდა ქართლი - 6.8%
სამეგრელო-ზემო სვანეთი - 6.3%
სამცხე-ჯავახეთი - 4.2%
სხვა რეგიონები - 4.9%

რაც შეეხება 2024 წელს განხორციელებული ვიზიტებისას გაწეული საშუალო თვიური ხარჯების მოცულობას, 300.0 მილიონი ლარით განისაზღვრა, რაც 7.9%-თ მეტია წინა წლის მაჩვენებელზე. ამასთან, ერთ ვიზიტზე გაწეული საშუალო ხარჯი გაიზარდა 5.4%-ით და 183.1 ლარს გაუტოლდა.

თეგები: ვიზიტორები / სამცხე-ჯავახეთი /

Հեղինակ:

Tv9news

Երկ.

Երեք.

Չոր.

Հինգ.

Ուրբ.

Շաբ.

Կիր.