ბენარაში წმ. იობ მრავალვნებულის სახელობის ეკლესია გაიხსნა

რელიგია

03.09.2024

ადიგენის სოფელ ბენარაში, 2 სექტემბერს, წმ.იობ მრავალვნებულის სახელობის ეკლესია გაიხსნა. გახსნას ახალციხისა და ტა-კლარჯეთის ეპარქიის სასულიერო პირები და მრევლი ესწრებოდა. ტაძარი საზეიმოდ აკურთხა ეპარქიის მღვდელმთავარმა. მიტროპოლიტმა თეოდორემ აღნიშნა, რომ წმ. იობის სახელობის ტაძარი სამცხე-ჯავახეთში ამ დრომდე არ ფუნქციონირებდა.

მეუფე თეოდორემ ტაძრის აშენების ორგანიზებისთვის არქიმანდრიტ იობს მადლობა გადაუხადა და მრევლს ტაძარში სიარულისკენ მოუწოდა.

წმინდა მრავალვნებული იობი (დაახლ. ძვ. წ. 2000-1800 წწ.) ცხოვრობდა ჩრდილოეთ არაბეთში, ყუცის ქვეყანაში. მისი ცხოვრება აღწერილია ბიბლიაში (იობის წიგნი). არსებობს ვარაუდი, რომ იობი აბრაამის ძის, ნაქორის ვაჟი იყო. ღვთისმოშიში და ღვთისმოსავი იობი მთელი სულით უფლის ნებას იყო მინდობილი. ღმერთმა აკურთხა მისი კეთილმსახურება და ურიცხვი სიმდიდრე მიმადლა: უამრავი საქონელი ჰყავდა და ყოველგვარი სიკეთით იყო აღსავსე. მისი შვიდი ვაჟი და სამი ასული ურთიერსიყვარულით ცხოვრობდა. ისინი მორიგეობით იკრიბებოდნენ ერთმანეთთან საერთო ტრაპეზზე, ყოველ მეშვიდე დღეს მართალი იობი მსხვეპლს სწირავდა უფალს შვილებისათვის: „იქნებ ვინმემ შესცოდა, იქნებ ვინმემ მკრეხელობა გაივლო გულშიო“. სამართლიანობისთვის და პატიოსნებისთვის წმინდა იობი საყოველთაო პატივით სარგებლობდა თანამოქალაქეებში.

უფალმა მას მრავალი განსაცდელი მოუვლინდა, ადამიანებს ეგონათ, რომ ის ცოდვების გამო ისჯებოდა. მართალი კი პასუხობდა, რომ ის ცოდვებისთვის კი არ იტანჯებოდა, არამედ უფალმა გამოსაცდელად მოუვლინა ეს სატანჯველი.

ამგვარი მოთმინებისთვის ღმერთმა ხელახლა დააჯილდოვა იობი. იგი სრულიად განიკურნა და უწინდელზე უფრო გამდიდრდა. გარდა ამისა, მას კვლავ მიეცა შვიდი ვაჟი და სამი ქალი. ამის შემდეგ იობმა კიდევ 140 წელი იცოცხლა და გარდაიცვალა 248 წლისა.

თეგები: ტაძრის გახსნა / წმ იობი /

Հեղինակ:

მეცხრე არხი

Երկ.

Երեք.

Չոր.

Հինգ.

Ուրբ.

Շաբ.

Կիր.