პირის ღრუს არასათანადო ჰიგიენამ შესაძლოა ფილტვების ანთება გამოიწვიოს

ჯანდაცვა

15.12.2019

პირის ღრუს ჰიგიენას დიდი მნიშვნელობა აქვს არა მხოლოდ კბილების, არამედ ფილტვების ჯანმრთელობისთვისაც - ამ დასკვნამდე მივიდნენ იაპონელი მეცნიერები კიუსიუს უნივერსიტეტიდან.

მკვლევარებმა, ეპიდემიოლოგ იოშიხისო იამაშიტოს ხელმძღვანელობით, მოახერხეს ელექტრონული ჯაგრისის მოდიფიცირება ისე, რომ შესაძლებელი ყოფილიყო ენიდან ბიომასალის მიღება.

აღნიშნული ჯაგრისის დახმარებით კი მეცნიერებმა 70-80 წლის ასაკის 506 ადამიანის პირის ღრუდან აიღეს ნაცხი. ყველა პირი პროფილაქტიკური სამედიცინო გამოკვლევებისათვის იყო მისული მშობლიურ ქალაქ ხისაიამში. ნაცხის ანალიზის შედეგების განხილვითა და ხანდაზმულთა პირის ღრუს მდგომარეობის შესწავლით მეცნიერებმა განსაზღვრეს რომელი მიკრობები და რა სიხშირით გვხვდება პირის ღრუს მიკრობიომში.

აღმოჩნდა, რომ ჭარბობდა ბაქტერიები - Prevotella histicola, Veillonella atypica, Streptococcus salivarius და Streptococcus parasanguinis.

საყურადღებოა, რომ ყველა ეს მიკრობი არსებული კვლევებით ასოცირდება პნევმონიით გამოწვეულ სიკვდილიანობასთან. იმ საკვლევ პირებს, რომლებსაც ნაკლები კბილი ჰქონდათ პირის ღრუში, უფრო ხშირად აღენიშნებოდათ კარიესი და კბილებზე არსებული ნადები, შესაბამისად, უფრო მეტი ბაქტერია ჰქონდათ პირის ღრუში.

აღსანიშნავია ისიც, რომ იმ ასაკოვნებთან, რომლებიც სათანადოდ ვერ იხეხავდნენ კბილებს, ჭარბობდა სოკო.

როგორც იაპონელი სპეციალისტები აცხადებენ, დასახელებული ბაქტერიების შესუნთქვამ შეიძლება გამოიწვიოს პნევმონია, ეს უკანასკნელი კი მეტად საშიშია ასაკოვნებისთვის.

წყარო: https://mkurnali.ge/