ავტორმა წიგნისა “როგორ დავამარცხოთ დიქტატორი”, ვატიკანში მზია ამაღლობელზე ისაუბრა

მედია

25.01.2025

დღეს, 25 იანვარს, ვატიკანის იუბილეს დროს სიტყვით გამოსვლისას, მშვიდობის დარგში ნობელის პრემიის ლაურეატმა, ფილიპინელმა ჟურნალისტმა მარია რესამ საქართველოში მიმდინარე პროტესტსა და მზია ამაღლობელზე ისაუბრა.

„საარჩევნო პროტესტს ვხედავთ მთელ მსოფლიოში, ვენესუელიდან მოზამბიკამდე. არის საქართველოშიც, სადაც ფართომასშტაბიანი პროტესტი დაიწყო გასული წლის აპრილის შუა რიცხვებში, მაგრამ დეკემბრიდან უკვე ყოველდღიურ პროტესტად გადაიქცა. და დღეს მესამოცე დღეა, რაც საქართველოს ქუჩებში მასობრივი პროტესტი მიმდინარეობს.

ჟურნალისტები, აქტივისტები ნაცემი და დაპატიმრებული არიან. ჟურნალისტებს პროტესტის დროს ეჭირათ ჩემი წიგნი, რომლის სათაურია „როგორ დავამარცხოთ დიქტატორი“. გამომძიებელი ჟურნალისტი მზია ამაღლობელი საპატიმროში დღეს შიმშილობის მეთოთხმეტე დღეს იწყებს. მან თქვა: იმიტომ რომ არ შემიძლია გავჩუმდე“, – თქვა მარია რესამ სიტყვით გამოსვლისას.

ნეტგაზეთის ცნობით, მარია რესას გამოსვლას თვალს მილიონობით ადამიანი ადევნებდა. მისი წიგნი „როგორ დავამარცხოთ დიქტატორი“ ქართულ ენაზე გამომცემლობა „არტანუჯმა“ გამოსცა.

თეგები: მარია რესა / მზია ამაღლობელი /

Հեղինակ:

მეცხრე არხი

Երկ.

Երեք.

Չոր.

Հինգ.

Ուրբ.

Շաբ.

Կիր.