აზერბაიჯანის მიერ განხორციელებული დივერსიული თავდასხმის შედეგად 3 ადამიანი დაიღუპა - სომხეთი

რეგიონი

06.03.2023

აზერბაიჯანის შეიარაღებული ძალების მიერ მთიან ყარაბაღში 5 მარტს განხორციელებული დივერსიული თავდასხმის შედეგად დაიღუპა მთიანი ყარაბაღის შინაგან საქმეთა სამინისტროს პოლიციის საპასპორტო და სავიზო დეპარტამენტის სამი თანამშრომელი, ერთი კი დაშავდა. ამის შესახებ ნათქვამია სომხეთის რესპუბლიკის საგარეო საქმეთა სამინისტროს განხადებაში, რომელსაც სომხეთის საელჩო ავრცელებს.

მათივე ცნობით, ფაქტები ადასტურებს, რომ ეს არის აზერბაიჯანის უმაღლესი „ხელმძღვანელობის მიერ წინასწარ დაგეგმილი და დავალებული პროვოკაცია“.

„მომხდარის შემდეგ აზერბაიჯანის ოფიციალურმა ორგანოებმა გაავრცელეს ინფორმაცია იმის შესახებ, თითქოს მიიღეს ოპერატიული ინფორმაცია, რომ სომხეთიდან მთიან ყარაბაღში იარაღის, საბრძოლო მასალისა და პერსონალის გადაყვანა ხდება და ამ ოპერატიული ინფორმაციის რეალიზაცია მოახდინეს. აზერბაიჯანის მიერ წამოყენებული ოფიციალური ვერსია აბსურდულია: მათ არ წარმოუდგენიათ და ვერ წარმოადგენენ ამ ვერსიის დამადასტურებელი რაიმე ფაქტი და დასაბუთება. ეს ხდება მაშინ, როდესაც მართლმსაჯულების საერთაშორისო სასამართლოს გადაწყვეტილებიდან ჯერ ორი კვირაც არ არის გასული, რითაც აზერბაიჯანის აბსურდული პრეტენზიები სომხეთის მიერ ნაღმების სავარაუდო დაგების შესახებ უარყო.

მთიანი ყარაბაღის პოლიციის ხელთ არსებული ვიდეომასალა ადასტურებს, რომ აზერბაიჯანული დივერსიული ჯგუფი თავს დაესხა „უაზ"-ის ტიპის მიკროავტობუსს, რომელშიც იმყოფებოდა მთიანი ყარაბაღის შსს-ს ოთხი თანამშრომელი, რომლებიც სამსახურებრივი მიზნებისთვის სტეფანაკერტიდან მიემგზავრებოდნენ მთიანი ყარაბაღის ჰინ შენ და მეწ შენ სოფლების მიმართულებით. მეტიც, ვიდეომასალა

ადასტურებს, რომ „უაზ"-ში სამსახურებრივი დოკუმენტების და სატაბელო

იარაღის გარდა სხვა არაფერი ყოფილა. აზერბაიჯანული დივერსიული ჯგუფის ქმედებები ტერორიზმის გარდა სხვაგვარად ვერ შეფასდება. ლაჩინის დერეფნის თითქმის სამი თვით გადაკეტვისა და მთიან ყარაბაღში ჰუმანიტარული კატასტროფის შექმნიკენ მიმართული ქმედებების პარალელურად აზერბაიჯანი აგრძელებს არცახის სომეხი მოსახლეობის დაშინების მოქმედებები, თავიანთ სამშობლოში ცხოვრებისთვის არაადამიანური პირობების შექმნის გზით ეთნიკური წმენდის განხორციელების საბოლოო მიზნით.

აღსანიშნავია, რომ მას შემდეგ, რაც 22 თებერვალს გაეროს მართლმსაჯულების საერთაშორისო სასამართლომ დააკმაყოფილა მოთხოვნა სომხეთის მიერ აზერბაიჯანის წინააღმდეგ წარდგენილი დროებითი ღონისძიების გამოყენების შესახებ, აზერბაიჯანულმა მხარემ არათუ არ გადადგა ნაბიჯები სასამართლოს იურიდიულად სავალდებულო გადაწყვეტილების განსახორციელებლად, არამედ ჩაიდინა ახალი დანაშაულებები არცახის სომეხი მოსახლეობის, მათ შორის სამოქალაქო პირების წინააღმდეგ.

28 თებერვალს აზერბაიჯანის შეიარაღებულმა ძალებმა ცეცხლი გაუხსნეს არცახის მარტუნუს რაიონის სოფელ მიურიშენის მკვიდრის მიმართულებით, რომელიც სასოფლო-სამეურნეო სამუშაოებს ახორციელებდა. ცეცხლის შეწყვეტის რეჟიმი აზერბაიჯანის შეიარაღებულმა ძალებმა ცეცხლსასროლი იარაღის გამოყენებით, ასევე, დაარღვიეს 2 მარტს და 2-3 მარტის ღამეს, ასკერანის, მარტაკერტისა და მარტუნის რაიონებში, აზერბაიჯანის კონტროლის ქვეშ მყოფი ტერიტორიებიდან. აზერბაიჯანის აღნიშნული ქმედებები არის ბაქოს გულწრფელობის პრაქტიკული უარყოფა რეგიონში მშვიდობისა და სტაბილურობის დამყარების კუთხით. ეს კიდევ ერთხელ აჩვენებს მთიანი ყარაბაღის მოსახლეობის უფლებებისა და უსაფრთხოების უზრუნველოფის გარანტიებისა და მათში საერთაშორისო ჩართულობის აუცილებლობას. სომხეთის რესპუბლიკა მოუწოდებს საერთაშორისო საზოგადოებას, ასევე ქვეყნებსა და საერთაშორისო ორგანიზაციებს, რომლებიც დაინტერესებულნი არიან ჩვენს რეგიონში რეალური მშვიდობის დამყარებით, მკაცრად დაგმონ აზერბაიჯანის მხრიდან მუქარის და ძალის გამოყენების, ასევე ფართომასშტაბიანი საომარი მოქმედებების პროვოცირების მორიგი გამოვლინება და გადადგან ქმედითი ნაბიჯები აზერბაიჯანის ნაკისრი საერთაშორისო ვალდებულებების შემდგომი დარღვევის თავიდან ასაცილებლად. არსებული ვითარების პირობებში, ფაქტების დამდგენი საერთაშორისო მისიის გაგზავნა ლაჩინის დერეფანში და მთიან ყარაბაღში სასიცოცხლო აუცილებლობად იქცევა“, - აღნიშნულია გავრცელებულ ინფორმაციაში.