თუთა – წონაში დაკლების ბუნებრივი საშუალება

ფარმა–რჩევები

27.04.2017

თუთა საქართველოში ახლო აღმოსავლეთის ქვეყნებიდან მოხვდა, სადაც ამ მცენარის ნაყოფი კულინარიაში ფართოდ გამოიყენება. თუთას იქ ბუნებრივ საღებავადაც კი მოიხმარენ.

მცენარის ნაყოფსა და ფოთლებს კი ოდითგანვე იყენებდნენ სხვადასხვა დაავადებების სამკურნალოდ.

თუთაში ვიტამინებისა და ადამიანის ორგანიზმისთვის სასარგებლო ელემენტების შემცველობა შთამბეჭდავია. იგი იმუნიტეტის ასამაღლებელი მძლავრი ბუნებრივი საშუალებაა.

თუთის წვენს ანთების საწინააღმდეგო თვისებები აქვს, მისი გამოყენება სასურველია, როგორც პროფილაქტიკისთვის, ასევე, ინფექციური და გრიპოზული დაავადებების სამკურნალოდ.

თუთა შარდმდენი და კუჭის მოქმედების მასტიმულირებელი თვისებებით გამოირჩევა.

გასახდომად და ორგანიზმიდან შლაკების გამოსადევნად ჩვენ ძალზე დიდ თანხებს ვფლანგავთ, მაშინ, როცა თუთის ნაყოფი გაცილებით ხელმისაწვდომია და არც კატასტროფული გვერდითი მოვლენები ახასიათებს. ვინც კალორიების თვლასაა მიჩვეული, მათ საყურადღებოდ უნდა ითქვას, რომ 100 გრამ თუთის ნაყოფში მხოლოდ 50 კილოკალორიაა.

თუთა მათთვისაც მისწრებაა, ვისაც ნერვული სისტემის დაავადებები აწუხებს. მისი გამოყენება შესაძლებელია სტრესების, ნერვული აშლილობების, დეპრესიებისა და სხვა ნერვული პრობლემების დროს.

თუთის ნაყოფის ღამით მირთმევა მათთვისაა რეკომენდებული, ვინც უძილობით იტანჯება.
ფიზიკური და გონებრივი გადაღლილობისას მისი ეფექტურობა უკვე დიდიხნის წინათ დადასტურდა.

თუთის ნაყოფი ასევე აქტიურად გამოიყენება შარდის შეუკავებლობის, დიაბეტის, თავბრუსხვევის, ყურებში ხმაურისა და ჰიპერტონიის დროს.

თეთრი თუთის ნაყოფს განსაკუთრებით წარმატებით იყენებენ ყაბზობის მკურნალობისას.
აღსანიშნავია, რომ დაავადებებთან ბრძოლაში თუთის არა მხოლოდ ნაყოფია ეფექტური, არამედ ფოთლები, ხის ქერქი და ფესვებიც კი.

თუთის ფოთლების ნახარში ბრონქიტისა და ფილტვების ანთების სამკურნალოდ გამოიყენება.

ანგინის შემთხვევაში ნახარშს ყელში ივლებენ.

თუთის დაუმწიფებელი ნაყოფი გულძმარვის შეტევას ხსნის, მწიფე კი არაჩვეულებრივად ეფექტურია მოწამვლის დროს, ნატურალური ანტიტოქსიკური საშუალების რანგში.

რაც შეეხება თუთის გადამწიფებულ ნაყოფს, სწორედ ის გამოიყენება კუჭის მოქმედების მასტიმულირებელ და შარდმდენ საშუალებად. სწორედ ამ თვისებებს უნდა მიაქციოს ყურადღება მან, ვისაც საკუთარი წონა არ აკმაყოფილებს.

მართალია, თუთის ნაყოფი კომპოტსა და მურაბაში ძალიან გემრიელია, მაგრამ ამფორმით მის შემადგენლობაში შემავალი ვიტამინების მნიშვნელოვანი ნაწილი იკარგება. ამიტომ, სასურველია, გამშრალი თუთის ნაყოფის გამოყენება, რადგან ამგვარად შენახული თუთა ყველა სასარგებლო თვისებას ინარჩუნებს. მაგრამ აუცილებლად გასათვალისწინებელია, რომ თუთის ნაყოფი უნდა გამოვაშროთ არა ღუმელში ან დასაჩირებელ აპარატში, არამედ მზის სხივებზე.

თუთა ძლიერი ალერგენია. ამიტომ, მისი მიღება რეკომენდებული არ არის ალერგიული ადამიანებისთვის.

არ უნდა მივირთვათ სხვა პროდუქტებთან ერთად.

ასევე, არასასურველია მისი მიღება მშიერ კუჭზე.

არ უნდა მივაყოლოთ ცივი წყალი. წინააღმდეგ შემთხვევაში, თავს ვერ დავაღწევთ შებერილობასა და უსიამოვნო შეგრძნებებს.

თეგები: თუთა / ფარმა რჩევები /

Հեղինակ:

Երկ.

Երեք.

Չոր.

Հինգ.

Ուրբ.

Շաբ.

Կիր.