არჩევნები
სამცხის კანდიდატების პოლიტიკური წარსული - ვის სურს დეპუტატობა
წინასაარჩევნო კამპანიის ოფიციალურად დაწყებამდე რამდენიმე დღე რჩება. ამ დროისთვის, სამცხის ოლქში მაჟორიტარი დეპუტატობის ექვსი კანდიდატია ცნობილი. აქედან თავისი რჩეული ოფიციალურად მხოლოდ „ქართულმა ოცნებამ“ წარადგინა.
ანტონ ობოლაშვილი, ვაჟა ჩიტაშვილი, ზურაბ ხუციშვილი, გოდერძი კუბლაშვილი, ზურაბ ჩილინგარაშვილი და გელა კვარაცხელია - უკვე ცნობილია, რომ ისინი 2020 წლის საპარლამენტო არჩევნებში მიიღებენ მონაწილეობას. საარჩევნო ბიულეტენებში სავარაუდოდ, მათ გარდა ახალციხელი, ასპინძელი, ბორჯომელი და ადიგენელი ამომრჩეველი კიდევ სხვა პირებს იხილავს, თუმცა პარტიები მაჟორიტარების დასახელებას არ ჩქარობენ. ზოგიერთი ოპოზიციონერი საერთო კანდიდატის დასახელების ვერსიასაც განიხილავს.
ერთ კანდიდატზე - ვაჟა ჩიტაშვილზე შეთანხმება ვერ შეძლო „ერთიანმა ნაციონალურმა მოძრაობამ“ და „ევროპულმა საქართველომ“. ამიტომ პარლამენტის ყოფილი წევრი, ქალაქის ყოფილი გამგებელი და სამცხე-ჯავახეთის ოლქის ყოფილი პროკურორი „ნაციონალების“ კანდიდატია. მას პარტიაში ვანო მერაბიშვილი უჭერს მხარს.
ჩიტაშვილი 2012 წლის საპარლამენტო არჩევნებში „ერთიანი ნაციონალური მოძრაობის“ სახელით მონაწილეობდა და ახალციხის მაჟორიტარის მანდატიც მოიპოვა. ის ჩაერთო 2016 წლის საპარლამენტო არჩევნებშიც. მან ახალციხე-ადიგენის მაჟორიტარულ ოლქში „ნაციონალური მოძრაობიდან“ იყარა კენჭი. მიუხედავად იმისა, რომ პირველ ტურში „ქართული ოცნების“ კანდიდატზე, გიორგი კოპაძეზე მეტი ხმა მიიღო, ამომრჩეველთა 50%-ის მხარდაჭერა ვერ მოიპოვა. მეორე ტურში კი გამარჯვება მმართველი პარტიის კანდიდატმა შეძლო.
ვაჟა ჩიტაშვილს 2016 წელს „ნაციონალური მოძრაობისთვის“ 5 000 ლარი აქვს შეწირული, 2018 წელს კი 2 000 ლარი „ევროპული საქართველოსთვის“.
ვაჟა ჩიტაშვილის კონკურენტი „ევროპული საქართველოდან“ მისი ყოფილი თანაგუნდელი ზურაბ ჩილინგარაშვილია. ის ჯერ ადიგენის მუნიციპალიტეტის გამგებელი იყო (2006-2008წწ.), 2008-2012 წლებში შემოსავლების სამსახურის ახალციხის რეგიონული ცენტრის უფროსი და აპარატის რეგიონული კოორდინატორი. 2012 წლიდან კი ადიგენის მუნიციპალიტეტის მაჟორიტარი დეპუტატი „ნაციონალური მოძრაობიდან“.
მას შემდეგ, რაც პარტია ლიდერებისა და მხარდამჭერების ნაწილმა დატოვა, „ევროპულ საქართველოში“ გადავიდა ზურაბ ჩილინგარაშვილიც. მანამდე კი მან „ნაციონალურ მოძრაობას“ თანხა ორჯერ შესწირა - 2013 წელს 5 000, 2015 წელს კი 4 000 ლარი.
სამცხის ოლქში, მაჟორიტარად დასახელებული ექვსი პირიდან, საარჩევნო პროცესებში ყველაზე ახალბედა „ქართული ოცნების“ კანდიდატი ანტონ ობოლაშვილია. ის პოლიტიკაში ბიზნესიდან მიდის. აპირებს, რომ პარლამენტში ახალციხე-ადიგენი-ასპინძა-ბორჯომის ამომრჩევლის მხარდაჭერით მოხვდეს.
ის ადიგენის სოფელ უდედან არის. როგორც ამბობს, მისი უპირატესობა ბიზნესსაქმიანობაში 22-წლიანი გამოცდილება და მოსახლეობის პრობლემების გადაჭრის გზების ცოდნაა. „ოცნების“ კანდიდატი ფიქრობს, რომ ეს იყო ერთ-ერთი საკითხი, რის გამოც მმართველმა პარტიამ არჩევანი მასზე შეაჩერა. 2012 წელს მაშინდელი ოპოზიცია ანტონ ობოლაშვილისა და ვანო მერაბიშვილის მეგობრობაზე საუბრობდა. ითქვა ისიც, რომ თანასოფლელის ბიზნესს ყოფილი პრემიერ და შინაგან საქმეთა მინისტრი მფარველობდა. ამას კატეგორიულად უარყოფს ობოლაშვილი.
აქტიურ პოლიტიკაში დაბრუნება სურს პარლამენტის ყოფილ წევრსა და სამცხე-ჯავახეთის ყოფილ გუბერნატორს გელა კვარაცხელიას. ის 2020 წლის არჩევნებში ახალშექმნილი პოლიტიკური მოძრაობის „დავით ჭიჭინაძე - ტრიბუნას“ მაჟორიტარობის კანდიდატი იქნება.
გელა კვარაცხელია 1999 წლის არჩევნების გზით, საქართველოს პარლამენტში მოხვდა სახელისუფლებო პარტიიდან „მოქალაქეთა კავშირი“. 2003 წელს კი სამი თვით სამცხე-ჯავახეთის რეგიონი ჩაიბარა. ის მხარის გუბერნატორი იყო.
სამცხის ოლქში მაჟორიტარი დეოპუტატობის კანდიდატი უკვე წარადგინა პოლიტიკურმა მოძრაობამ „თავისუფლება - ზვიად განსახურდიას გზა“. პარტიის სახელით დეპუტატობისთვის ზურაბ ხუციშვილი იბრძოლებს.
ის 1989-91 წლებში იყო პოლიტიკური ბლოკის „მრგვალი მაგიდის“ თავმჯდომარე სამცხე-ჯავახეთში. 2010 წელს ხუციშვილი დააკავეს, პენიტენციური დაწესებულება პოლიტპატიმრის სტატუსით 2012 წელს დატოვა.
2020 წლის საპარლამენტო არჩევნებში პარტია “თავისუფალი საქართველოს” მაჟორიტარი დეპუტატობის კანდიდატი სამცხეში გოდერძი კუბლაშვილი იქნება. ის მონაწილეობდა 2016 წლის საპარლამენტო არჩევნებშიც. ოთხი წლის წინ თავდაპირველად "საქართველოს პატრიოტთა ალიანსის" მაჟორიტარი დეპუტატობის კანდიდატად დასახელდა ახალციხე-ადიგენის ოლქში, მოგვიანებით პარტიის ლიდერმა კანდიდატობიდან მოხსნა. გოდერძი კუბლაშვილმა ამის შემდეგ საარჩევნო კამპანია პარტიის „თამაზ მეჭიაური – ერთიანი საქართველოსთვის“ სახელით განაგრძო.
ამ ექვსი კანდიდატის გარდა, კიდევ ვინ გადაწყვეტს 2020 წლის საპარლამენტო არჩევნებში სამცხის ოლქში მონაწილეობას, სავარაუდოდ, ერთ თვეში გახდება ცნობილი, როცა მაჟორიტარების რეგისტრაციის ვადა ამოიწურება. მანამდე კი საოლქო საარჩევნო კომისიაზე დაყრდნობით ცნობილია, რომ არჩევნებში მონაწილეობის სურვილი 68 პოლიტიკურმა სუბიექტმა გამოთქვა, აქედან ცხრას რეგისტრაციაზე უარი უთხრეს. პროპორციული სიით პარლამენტში მანდატების მოპოვებას 59 პარტია შეეცდება.
გამოცემულია საქართველოს ღია საზოგადოების ფონდისა და საქართველოს სტრატეგიის და განვითარების ცენტრის (GCSD) ფინანსური მხარდაჭერით. ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს ფონდისა და ცენტრის პოზიციას. შესაბამისად, ღია საზოგადოების ფონდი და საქართველოს სტრატეგიის და განვითარების ცენტრი არ არიან პასუხისმგებელი მასალის შინაარსზე.
ანტონ ობოლაშვილი, ვაჟა ჩიტაშვილი, ზურაბ ხუციშვილი, გოდერძი კუბლაშვილი, ზურაბ ჩილინგარაშვილი და გელა კვარაცხელია - უკვე ცნობილია, რომ ისინი 2020 წლის საპარლამენტო არჩევნებში მიიღებენ მონაწილეობას. საარჩევნო ბიულეტენებში სავარაუდოდ, მათ გარდა ახალციხელი, ასპინძელი, ბორჯომელი და ადიგენელი ამომრჩეველი კიდევ სხვა პირებს იხილავს, თუმცა პარტიები მაჟორიტარების დასახელებას არ ჩქარობენ. ზოგიერთი ოპოზიციონერი საერთო კანდიდატის დასახელების ვერსიასაც განიხილავს.
ერთ კანდიდატზე - ვაჟა ჩიტაშვილზე შეთანხმება ვერ შეძლო „ერთიანმა ნაციონალურმა მოძრაობამ“ და „ევროპულმა საქართველომ“. ამიტომ პარლამენტის ყოფილი წევრი, ქალაქის ყოფილი გამგებელი და სამცხე-ჯავახეთის ოლქის ყოფილი პროკურორი „ნაციონალების“ კანდიდატია. მას პარტიაში ვანო მერაბიშვილი უჭერს მხარს.
ჩიტაშვილი 2012 წლის საპარლამენტო არჩევნებში „ერთიანი ნაციონალური მოძრაობის“ სახელით მონაწილეობდა და ახალციხის მაჟორიტარის მანდატიც მოიპოვა. ის ჩაერთო 2016 წლის საპარლამენტო არჩევნებშიც. მან ახალციხე-ადიგენის მაჟორიტარულ ოლქში „ნაციონალური მოძრაობიდან“ იყარა კენჭი. მიუხედავად იმისა, რომ პირველ ტურში „ქართული ოცნების“ კანდიდატზე, გიორგი კოპაძეზე მეტი ხმა მიიღო, ამომრჩეველთა 50%-ის მხარდაჭერა ვერ მოიპოვა. მეორე ტურში კი გამარჯვება მმართველი პარტიის კანდიდატმა შეძლო.
ვაჟა ჩიტაშვილს 2016 წელს „ნაციონალური მოძრაობისთვის“ 5 000 ლარი აქვს შეწირული, 2018 წელს კი 2 000 ლარი „ევროპული საქართველოსთვის“.
ვაჟა ჩიტაშვილის კონკურენტი „ევროპული საქართველოდან“ მისი ყოფილი თანაგუნდელი ზურაბ ჩილინგარაშვილია. ის ჯერ ადიგენის მუნიციპალიტეტის გამგებელი იყო (2006-2008წწ.), 2008-2012 წლებში შემოსავლების სამსახურის ახალციხის რეგიონული ცენტრის უფროსი და აპარატის რეგიონული კოორდინატორი. 2012 წლიდან კი ადიგენის მუნიციპალიტეტის მაჟორიტარი დეპუტატი „ნაციონალური მოძრაობიდან“.
მას შემდეგ, რაც პარტია ლიდერებისა და მხარდამჭერების ნაწილმა დატოვა, „ევროპულ საქართველოში“ გადავიდა ზურაბ ჩილინგარაშვილიც. მანამდე კი მან „ნაციონალურ მოძრაობას“ თანხა ორჯერ შესწირა - 2013 წელს 5 000, 2015 წელს კი 4 000 ლარი.
სამცხის ოლქში, მაჟორიტარად დასახელებული ექვსი პირიდან, საარჩევნო პროცესებში ყველაზე ახალბედა „ქართული ოცნების“ კანდიდატი ანტონ ობოლაშვილია. ის პოლიტიკაში ბიზნესიდან მიდის. აპირებს, რომ პარლამენტში ახალციხე-ადიგენი-ასპინძა-ბორჯომის ამომრჩევლის მხარდაჭერით მოხვდეს.
ის ადიგენის სოფელ უდედან არის. როგორც ამბობს, მისი უპირატესობა ბიზნესსაქმიანობაში 22-წლიანი გამოცდილება და მოსახლეობის პრობლემების გადაჭრის გზების ცოდნაა. „ოცნების“ კანდიდატი ფიქრობს, რომ ეს იყო ერთ-ერთი საკითხი, რის გამოც მმართველმა პარტიამ არჩევანი მასზე შეაჩერა. 2012 წელს მაშინდელი ოპოზიცია ანტონ ობოლაშვილისა და ვანო მერაბიშვილის მეგობრობაზე საუბრობდა. ითქვა ისიც, რომ თანასოფლელის ბიზნესს ყოფილი პრემიერ და შინაგან საქმეთა მინისტრი მფარველობდა. ამას კატეგორიულად უარყოფს ობოლაშვილი.
აქტიურ პოლიტიკაში დაბრუნება სურს პარლამენტის ყოფილ წევრსა და სამცხე-ჯავახეთის ყოფილ გუბერნატორს გელა კვარაცხელიას. ის 2020 წლის არჩევნებში ახალშექმნილი პოლიტიკური მოძრაობის „დავით ჭიჭინაძე - ტრიბუნას“ მაჟორიტარობის კანდიდატი იქნება.
გელა კვარაცხელია 1999 წლის არჩევნების გზით, საქართველოს პარლამენტში მოხვდა სახელისუფლებო პარტიიდან „მოქალაქეთა კავშირი“. 2003 წელს კი სამი თვით სამცხე-ჯავახეთის რეგიონი ჩაიბარა. ის მხარის გუბერნატორი იყო.
სამცხის ოლქში მაჟორიტარი დეოპუტატობის კანდიდატი უკვე წარადგინა პოლიტიკურმა მოძრაობამ „თავისუფლება - ზვიად განსახურდიას გზა“. პარტიის სახელით დეპუტატობისთვის ზურაბ ხუციშვილი იბრძოლებს.
ის 1989-91 წლებში იყო პოლიტიკური ბლოკის „მრგვალი მაგიდის“ თავმჯდომარე სამცხე-ჯავახეთში. 2010 წელს ხუციშვილი დააკავეს, პენიტენციური დაწესებულება პოლიტპატიმრის სტატუსით 2012 წელს დატოვა.
2020 წლის საპარლამენტო არჩევნებში პარტია “თავისუფალი საქართველოს” მაჟორიტარი დეპუტატობის კანდიდატი სამცხეში გოდერძი კუბლაშვილი იქნება. ის მონაწილეობდა 2016 წლის საპარლამენტო არჩევნებშიც. ოთხი წლის წინ თავდაპირველად "საქართველოს პატრიოტთა ალიანსის" მაჟორიტარი დეპუტატობის კანდიდატად დასახელდა ახალციხე-ადიგენის ოლქში, მოგვიანებით პარტიის ლიდერმა კანდიდატობიდან მოხსნა. გოდერძი კუბლაშვილმა ამის შემდეგ საარჩევნო კამპანია პარტიის „თამაზ მეჭიაური – ერთიანი საქართველოსთვის“ სახელით განაგრძო.
ამ ექვსი კანდიდატის გარდა, კიდევ ვინ გადაწყვეტს 2020 წლის საპარლამენტო არჩევნებში სამცხის ოლქში მონაწილეობას, სავარაუდოდ, ერთ თვეში გახდება ცნობილი, როცა მაჟორიტარების რეგისტრაციის ვადა ამოიწურება. მანამდე კი საოლქო საარჩევნო კომისიაზე დაყრდნობით ცნობილია, რომ არჩევნებში მონაწილეობის სურვილი 68 პოლიტიკურმა სუბიექტმა გამოთქვა, აქედან ცხრას რეგისტრაციაზე უარი უთხრეს. პროპორციული სიით პარლამენტში მანდატების მოპოვებას 59 პარტია შეეცდება.
გამოცემულია საქართველოს ღია საზოგადოების ფონდისა და საქართველოს სტრატეგიის და განვითარების ცენტრის (GCSD) ფინანსური მხარდაჭერით. ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს ფონდისა და ცენტრის პოზიციას. შესაბამისად, ღია საზოგადოების ფონდი და საქართველოს სტრატეგიის და განვითარების ცენტრი არ არიან პასუხისმგებელი მასალის შინაარსზე. 
ამავე კატეგორიაში
სხვა სიახლეები
კვირის პოპულარული
ამინდის პროგნოზი
აბრეშუმის გზა
პარტნიორი მედიასაშუალებების მასალები
ამინდი
ახალციხე
2
°C
ახალქალაქი
-4
°C
ასპინძა
1
°C
ადიგენი
8
°C
ბორჯომი
2
°C
თბილისი
6
°C
აბასთუმანი
-3
°C
ბაკურიანი
-4
°C
ნინოწმინდა
-4
°C
ვალუტა
AMD
1000
7.2411
EUR
1
2.9946
RUB
100
2.7465
TRY
1
0.0817
USD
1
2.8512
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
The views, opinions and statements expressed by the author/authors and those providing comments are theirs only and do not necessarily reflect the position of the Foundation or the Center. Therefore, the Open Society Georgia Foundation and Georgian Center for Strategy and Development are not responsible for the content of the information material.
