არჩევნები
კრიტიკული კითხვების გამო, ახალციხის მერმა ცოლის სამსახური შემახსენა - გურამ ოქრომელიძე
ახალციხის სოფელ მუსხში მცხოვრებ გურამ ოქრომელიძის თქმით, კრიტიკული კითხვების გამო, მერმა შეახსენა, რომ მისი ცოლი სკოლაში მუშაობს და ეს ფაქტი გაითვალისწინოს. მსგავს დიალოგს კატეგორიულად უარყოფს მუნიციპალიტეტის პირველი პირი.
„ქართული ოცნების“ მაჟორიტარი დეპუტატობის კანდიდატმა ანტონ ობოლაშვილმა სოფელ მუსხის მოსახლეობასთან შეხვედრა ორ სექტემბერს გამართა. შეხვედრას ახალციხის მერი ზაზა მელიქიძე და ადგილობრივი გურამ ოქრომელიძეც ესწრებოდა. როგორც ოქრომელიძე ამბობს, მისმა კრიტიკულმა კითხვებმა მერი გააღიზიანა და მისი ცოლის სამუშაო ადგილი ორჯერ მიანიშნა, რომელიც ათი წელია მუსხის საჯარო სკოლაში, დაწყებითი განათლების პედაგოგად მუშაობს.
თავად ოქრომელიძე ამბობს, რომ წლების განმავლობაში საუბნო საარჩევნო კომისიის წევრად მუშაობდა. 2012, 2013 და 2014 წლების არჩევნებში „ქართული ოცნების“ წარმომადგენელი იყო, შემდეგ კი ოპოზიციაში გადავიდა. იგი არ გამორიცხავს, რომ მერის მინიშნება მის პოლიტიკურ აქტიურობას უკავშირდებოდეს.
მომხდარს უარყოფს ახალციხის მერი ზაზა მელიქიძე. ამბობს, რომ მუსხელებთან შეხვედრისას კრიტიკული კითხვები დაუსვეს, თუმცა გურამ ოქრომელიძეს ვერ იხსენებს.
„მე მოსახლეობასთან შეხვედრებზე მუსხშიც დავდივარ, ურაველშიც და ყველგან. მოსახლეობამ საკითხები უნდა დააყენოს, ამისთვის დავდივართ შეხვედრებზე. ვინ არის ბატონი გურამი? არ მახსოვს. ეგეთი საუბარი ჩვენ არ გვქონია. მთავრობა არის ჰუმანური. ვის გაუგია ჩვენგან მუქარა? ჩვენი ხელისუფლება არ არის მოძალადე, რატომ ამბობენ ამას არ ვიცი. როგორ შეიძლება ჩვენი ხელისუფლება იყოს ვინმეს დამშინებელი. სიტყვის თავისუფლებაა და ყველას შეუძლია თავისი პოზიცია გამოხატოს, ვინ დაუშალა? მუსხში სხვადასხვა კითხვები იყო, მაგრამ ვინ რა დასვა არ ვიცი“, - გვითხრა ზაზა მელიქიძემ.
„საქართველოს ახალგაზრდა იურისტთა ასოციაციაში“ აცხადებენ რომ, ეს გურამ ოქრომელიძის მიმართ განხორციელებული მუქარაა. გორის ოფისის ხელმძღვანელი ქეთევან ბებიაშვილი მიიჩნევს, რომ ამით შესაბამისი ორგანოები უნდა დაინტერესდნენ.
„ეს არის დისკრიმინაციული განაცხადი მოქალაქის პოლიტიკური შეხედულებიდან გამომდინარე. ამ ფაქტით უნდა დაინტერესდეს სამართალდამცავი ორგანოები, რადგან არ მოხდეს ამ მუქარის სისრულეში მოყვანა. მათ შორის, უწყებათაშორისმა საბჭომ უნდა განიხილოს აღნიშნული საკითხი და მიიღოს შესაბამისი ზომები“, - გვითხრა ქეთევან ბებიაშვილმა.
ადგილობრივ ოპოზიციაში ამბობენ, რომ ეს ხელისუფლების მიერ, ამომრჩევლის მიმართ მუქარის პირველი შემთხვევა არ არის. „ნაციონალური მოძრაობის“ მაჟორიტარი დეპუტატობის კანდიდატის ვაჟა ჩიტაშვილის შტაბში ვარაუდობენ, რომ არჩევნების მოახლოებასთან ერთად, მოსახლეობის დაშინების ფაქტები გაიზრდება.
„ქართული ოცნების“ მაჟორიტარი დეპუტატობის კანდიდატმა ანტონ ობოლაშვილმა სოფელ მუსხის მოსახლეობასთან შეხვედრა ორ სექტემბერს გამართა. შეხვედრას ახალციხის მერი ზაზა მელიქიძე და ადგილობრივი გურამ ოქრომელიძეც ესწრებოდა. როგორც ოქრომელიძე ამბობს, მისმა კრიტიკულმა კითხვებმა მერი გააღიზიანა და მისი ცოლის სამუშაო ადგილი ორჯერ მიანიშნა, რომელიც ათი წელია მუსხის საჯარო სკოლაში, დაწყებითი განათლების პედაგოგად მუშაობს.
თავად ოქრომელიძე ამბობს, რომ წლების განმავლობაში საუბნო საარჩევნო კომისიის წევრად მუშაობდა. 2012, 2013 და 2014 წლების არჩევნებში „ქართული ოცნების“ წარმომადგენელი იყო, შემდეგ კი ოპოზიციაში გადავიდა. იგი არ გამორიცხავს, რომ მერის მინიშნება მის პოლიტიკურ აქტიურობას უკავშირდებოდეს.
მომხდარს უარყოფს ახალციხის მერი ზაზა მელიქიძე. ამბობს, რომ მუსხელებთან შეხვედრისას კრიტიკული კითხვები დაუსვეს, თუმცა გურამ ოქრომელიძეს ვერ იხსენებს.
„მე მოსახლეობასთან შეხვედრებზე მუსხშიც დავდივარ, ურაველშიც და ყველგან. მოსახლეობამ საკითხები უნდა დააყენოს, ამისთვის დავდივართ შეხვედრებზე. ვინ არის ბატონი გურამი? არ მახსოვს. ეგეთი საუბარი ჩვენ არ გვქონია. მთავრობა არის ჰუმანური. ვის გაუგია ჩვენგან მუქარა? ჩვენი ხელისუფლება არ არის მოძალადე, რატომ ამბობენ ამას არ ვიცი. როგორ შეიძლება ჩვენი ხელისუფლება იყოს ვინმეს დამშინებელი. სიტყვის თავისუფლებაა და ყველას შეუძლია თავისი პოზიცია გამოხატოს, ვინ დაუშალა? მუსხში სხვადასხვა კითხვები იყო, მაგრამ ვინ რა დასვა არ ვიცი“, - გვითხრა ზაზა მელიქიძემ.
„საქართველოს ახალგაზრდა იურისტთა ასოციაციაში“ აცხადებენ რომ, ეს გურამ ოქრომელიძის მიმართ განხორციელებული მუქარაა. გორის ოფისის ხელმძღვანელი ქეთევან ბებიაშვილი მიიჩნევს, რომ ამით შესაბამისი ორგანოები უნდა დაინტერესდნენ.
„ეს არის დისკრიმინაციული განაცხადი მოქალაქის პოლიტიკური შეხედულებიდან გამომდინარე. ამ ფაქტით უნდა დაინტერესდეს სამართალდამცავი ორგანოები, რადგან არ მოხდეს ამ მუქარის სისრულეში მოყვანა. მათ შორის, უწყებათაშორისმა საბჭომ უნდა განიხილოს აღნიშნული საკითხი და მიიღოს შესაბამისი ზომები“, - გვითხრა ქეთევან ბებიაშვილმა.
ადგილობრივ ოპოზიციაში ამბობენ, რომ ეს ხელისუფლების მიერ, ამომრჩევლის მიმართ მუქარის პირველი შემთხვევა არ არის. „ნაციონალური მოძრაობის“ მაჟორიტარი დეპუტატობის კანდიდატის ვაჟა ჩიტაშვილის შტაბში ვარაუდობენ, რომ არჩევნების მოახლოებასთან ერთად, მოსახლეობის დაშინების ფაქტები გაიზრდება.
ამავე კატეგორიაში
სხვა სიახლეები
კვირის პოპულარული
ამინდის პროგნოზი
აბრეშუმის გზა
პარტნიორი მედიასაშუალებების მასალები
ამინდი
ახალციხე
2
°C
ახალქალაქი
-2
°C
ასპინძა
3
°C
ადიგენი
8
°C
ბორჯომი
3
°C
თბილისი
6
°C
აბასთუმანი
-3
°C
ბაკურიანი
-4
°C
ნინოწმინდა
-2
°C
ვალუტა
AMD
1000
7.2411
EUR
1
2.9946
RUB
100
2.7465
TRY
1
0.0817
USD
1
2.8512
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
The views, opinions and statements expressed by the author/authors and those providing comments are theirs only and do not necessarily reflect the position of the Foundation or the Center. Therefore, the Open Society Georgia Foundation and Georgian Center for Strategy and Development are not responsible for the content of the information material.
