ეკონომიკა
საქართველოს მოსახლეობის უდიდესი ნაწილი ვალით არსებობს

 

მოსახლეობის 2/3-ს ვალის გარეშე ცხოვრება აღარ გამოსდის. მიუხედავად მრავალგვარი ფინანსური რეგულაციებისა და სესხებზე ხელმისაწვდომობის გამკაცრებისა, ვითარება უფრო მძიმდება. 

საქართველოში 1.8 მლნ ადამიანს აქვს აღებული 19 მლრდ. ლარის სესხი, რაც გულისხმობს იმას, რომ საქართველოს სრულწლოვანი მოსახლეობის (2 მლნ. 700 ათასი ადამიანი) 66% ვალით ცხოვრობს, ხოლო საშუალოდ ერთი ადამიანის სესხი 10 ათასი ლარია. ინფორმაციას საქართველოს ეროვნული ბანკის მიერ გამოთხოვილ დოკუმენტზე დაყრდნობით, “თავისუფლებისა და დემოკრატიის ფონდი” ავრცელებს.

ფონდის აღმასრულებელი დირექტორი ანა გოგოლაძე აცხადებს, რომ სესხის მაღალი მაჩვენებელი არაფერზე მიუთითებს, მთავარი პრობლემა ამ შემთხვევაში სესხის მიზნობრიობაა. სრულწლოვანი მოსახლეობის 66%-ს სამომხმარებლო სესხი აქვს აღებული, რომელიც ძირითადად, მოხმარებას ხმარდება და არა წარმოებას.

“ჩვენ გვედავებიან ხოლმე, რომ სესხი კარგია, მაგრამ ეს მხოლოდ იმ შემთხვევაში, თუკი ეკონომიკური დოვლათის შექმნისკენ არის მიმართული. 760 ათასი პენსიონერი გვყავს და აქედან ყოველ მეორეს თუ არა, ყოველ მესამეს აღებული აქვს საპენსიო სესხი, რომელიც ხმარდება ძირითადად წამლებს, საკვებს და ა.შ. გარდა ამისა, ყოველ მეოთხე მსესხებელს აქვს ვადაგადაცილება და ვერ ახერხებს სესხის დაფარვას და ისიც ცუდია, თუ როგორ იზრდება ბანკებისთვის ვადაგადაცილებულ სესხებზე ჯარიმებიდან და საურავებიდან მიღებული შემოსავლები. 2017 წელს ეს მაჩვენებელი 77 მლნ. იყო, 2019 წელს კი 85 მლნ. შეადგინა, რაც იმას ნიშნავს, რომ ადამიანებს სესხის გადახდა უფრო და უფრო უჭირთ. 2018 წელს უფრო მეტი ადამიანი იყო ვისაც ვადაგადაცილება ჰქონდა, ვიდრე 2019 წელს, მაგრამ ამას ის ახსნა აქვს, რომ ეკონომიკური მდგომარეობა კი არ გაუმჯობესდა, არამედ სესხების განულების პროგრამამ ჩამოწერა”, – განუცხადა “კომერსანტს” ანა გოგოლაძემ.

სოციალური მდგომარეობის დღითი დღე გაუარესებამ საქართველოს მოსახლეობის დიდ ნაწილს ვალთან ერთად ცხოვრება და ამასთან შეგუება ასწავლა, მას მერე რაც ბანკებმა ახალი რეგულაციები დააწესეს საზოგადოების დიდი ნაწილი კერძო მევახშეებისგან იღებს თანხას, რომელსაც ძალიან დიდი პროცენტი აქვს და საბოლოო, ჯამში ადამიანები ისეთ თანხებს ეჭიდებიან, რისი გადახდის უნარიც მათ შემდგომ არ აქვთ.

ნახევარი მილიონი მოქალაქე საქართველოში საბანკო სესხის გადახდას ვერ ახერხებს. ეროვნული ბანკიდან შიდა ინფორმაციამ გამოჟონა, საიდანაც ირკვევა, რომ მათ შორის არის 100 ათასი ადამიანი ვინც უპრობლემოდ ახერხებდა სესხის გადახდას 2018 წელს, ხოლო 2019 წელს მათი მდგომარეობა დამძიმდა. ეროვნული ბანკის პრეზიდენტი ინფორმაციის ნამდვილობას ადასტურებს. ასევე ადასტურებს იმასაც, რომ ასევე 1,8 მლნ ადამიანიდან 500 ათასი ვერ ახერხებს საბანკო სესხის დაფარვას, ხოლო 111 ათასი ადამიანს სესხის გადახდასთან დაკავშირებით პრობლემა ბოლო ერთ წელწადში შეექმნა.

“საზოგადოება და ბანკების” ხელმძღვანელის გიორგი კეპულაძის თქმით, 2019 წლის ბოლოს ყოველ მეოთხე მსესხებელს და თავდებით პირს აქვს ვადაგადაცილება.

“იმისთვის, რომ მათი რაოდენობა შემცირდეს, ჩვენ უნდა ვერბრძოლოთ მიზეზს. მთვარი მიზეზი კი სიღარიბეა და გაჭირვებაა, თორემ ნამდვილად არავის ეხალისება ვალის აღება და ამ ვალის ვერ გადაუხდელობა”, – განაცხდა კეპულაძემ.

ეკონომისტი ირაკლი ყიფიანი კი ამბობს, რომ ახლა უკვე 111 ათასი ადამიანია ვისაც არ უფიქსირდებოდოდა წინა წლის დავალიანება, ხოლო დღეს იმ სიაში შედიან, ვისაც გადახდის პრობლემა აქვს.

“ეს ნიშნავს კონკრეტულ პრობლემებს ან მსესხებელების კონკრეტულ ბიზნესს აქვს პრობლემა, ან სადაც მუშაობენ მათი სამსახურის განვითარების ტემპია შენელებული. საბოლოო ჯამში, ეს უკავშირდება ქვეყანაში შექმნილ ეკონომიურ მდგომარეობას. ეს 111 ათასი ადამიანი მიემატა იმ სიას, ვინც ვეღარ ფარავს საბანკო დავალიანებას”, – აღნიშნა ეკონომიკის ექპერტმა.

წყარო: ბანკები და ფინანსები

Facebook Twitter
პარტნიორი მედიასაშუალებების მასალები
ამინდი
ახალციხე 13 °C
img
ახალქალაქი 8 °C
img
ასპინძა 13 °C
img
ადიგენი 19 °C
img
ბორჯომი 15 °C
img
თბილისი 21 °C
img
აბასთუმანი 10 °C
img
ბაკურიანი 8 °C
img
ნინოწმინდა 8 °C
img
ვალუტა
EUR
EUR
1
3.6292
RUB
RUB
100
4.1886
TRY
TRY
1
0.4167
USD
USD
1
3.0738
AMD
AMD
1000
6.3302
კალენდარი
«« აგვისტო 2020 »»
2728293031 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 123456
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
The views, opinions and statements expressed by the author/authors and those providing comments are theirs only and do not necessarily reflect the position of the Foundation or the Center. Therefore, the Open Society Georgia Foundation and Georgian Center for Strategy and Development are not responsible for the content of the information material.