აბრეშუმის გზა
სააღდგომო საფლავები
მთელი წლის მიტოვებულ საფლავს დღეს უნდა გამოვაცალოთ ბალახი რომ ხვალ , ვინმემ ენა არ წაიგდოს და არ თქვას, რომ მოუვლელია. სწორედ რომ უპატრონოდაა აღდგომიდან აღდგომამდე! - ბურტყუნებდა ნინო სარკეში, მერე ცხენის კუდივით გამობმული კიკინა შეისწორა და ბოტასებს დაწვდა.
ჯემალა, ნინოს მამა ორშაბათს მიცვალებულების მოსახსენიებელ დღედ - არ ცნობდა.
- მამაჩემიც კვირა დღეს გადიოდა წინაპრების საფლავზე, იმის მამაც, იმის მამის მამაც და იმათი მამაც! სანამ ცოცხალი ვარ, მეც კვირას გავალ და რო მოვკვდები ჩემს საფლავზეც კვირას მოდით გაიგეთ თქვენა?'! მოიგონეს ორშაბათი და ოთხშაბათი! - ჩამოუყალიბა ნინოს ჯემალამ.
თუთის ხეზე ფეხით დაკიდებული ბატკანი მზის ამოსვლამდე ჩამოატყავა და ნორჩი ხორცით ჩაქაფულის სამზადისს შეუდგა.
- ამის წამოღებასაც აპირებთ? - თავზე წამოადგა ნინო მამამისს.
- მა რისთვის ვხარშავ ოხერო! - გაუკვირდა კაცს.
- რა უნდა ჩაქაფულს საფლავზე , სახლში დასხედით და აქ იქეიფეთ. კვერცხი , პასკა და სანთელი წავიღოთ მარტო - ვერ ჩერდებოდა გოგო.
- წერასა ყავხარ აყვანილი შენა ხო იცი! ეგღა მაკლია ხალხის სალაპარაკო გავხდე ჯემალა მარტო პასკით ავიდა საფლავზეო, მა მიცვალებულებს სული აღარ ვუხსენოთ? გასწი მარილი მომიტანე ნუ იღრიჯები აქა!- შემოსწყრა შვილს.
ოთხი მოწნული კალათა გაავსო ვერამ ნამზადით, მერე ჭურჭლის ნაქარგი ტილოები გადააფარა და მანქანის საბარგულში ჩაალაგა..
ჯემალას მშობლების საფლავთან ახლოს, ლევანია დაკრძალული... შავი ქვიდან ახალგაზრდა ბიჭის მომღინარე სახე ჩანს...
მეგობრები მოსულიყვნენ, ღია მანქანიდან ლევანის საყვარელი მუსიკა ისმის, მაღალ ხმაზე.
-ჩემი ლევუშა, - იწირპლება დიტო და საფლავს ზევიდან შამპანურს ასხავს. მიწაზე შავი, უსწორმასწორო სველი ზოლი გააჩინა სასმელმა.
უკვე მთვრალები ბოთლებიდან სვამენ და ხმამაღლა საუბრობენ, რამდენიმეს საკინძე ბოლომდე შეუხსნია. ლევანის სურათთან სასმელები და სიგარეტი დევს. ნაძვის ქვეშ მაგიდასთან ახლობლები სხედან.
შუადღისთვის უკვე შეზარხოშებული კაცები, საფლავებს შორის არეული ნაბიჯებით დადიოდნენ.
მზემ მთის წვერამდე მიაღწია. სასაფლაოს გვერდით წყლისთვის გაჭრილი თხრილი, ნაგვით და ძაღლებით გაივსო. ალაგდნენ ნინოსებიც.
-უი ბადრიჯანი არ ამომიღია - იკივლა დედამისმა .
- სახლში ამოიღე დედა, იქაც ხომ უნდა გავშალოთ მაგიდა?!
-სახლში ისეც არის, აქ კი ხალხთან უნდა გამოჩნდე შვილო..
ნინომ თითქმის დაცლილ სასაფლაოს გახედა. ჰაერში საჭმლის და ღვინის სუნი იდგა. ლევანის საფლავზე დედამისი იჯდა, მზით გამთბარ მიწაში ხელები ჩაეყო და ტიროდა....
ჯემალა, ნინოს მამა ორშაბათს მიცვალებულების მოსახსენიებელ დღედ - არ ცნობდა.
- მამაჩემიც კვირა დღეს გადიოდა წინაპრების საფლავზე, იმის მამაც, იმის მამის მამაც და იმათი მამაც! სანამ ცოცხალი ვარ, მეც კვირას გავალ და რო მოვკვდები ჩემს საფლავზეც კვირას მოდით გაიგეთ თქვენა?'! მოიგონეს ორშაბათი და ოთხშაბათი! - ჩამოუყალიბა ნინოს ჯემალამ.
თუთის ხეზე ფეხით დაკიდებული ბატკანი მზის ამოსვლამდე ჩამოატყავა და ნორჩი ხორცით ჩაქაფულის სამზადისს შეუდგა.
- ამის წამოღებასაც აპირებთ? - თავზე წამოადგა ნინო მამამისს.
- მა რისთვის ვხარშავ ოხერო! - გაუკვირდა კაცს.
- რა უნდა ჩაქაფულს საფლავზე , სახლში დასხედით და აქ იქეიფეთ. კვერცხი , პასკა და სანთელი წავიღოთ მარტო - ვერ ჩერდებოდა გოგო.
- წერასა ყავხარ აყვანილი შენა ხო იცი! ეგღა მაკლია ხალხის სალაპარაკო გავხდე ჯემალა მარტო პასკით ავიდა საფლავზეო, მა მიცვალებულებს სული აღარ ვუხსენოთ? გასწი მარილი მომიტანე ნუ იღრიჯები აქა!- შემოსწყრა შვილს.
ოთხი მოწნული კალათა გაავსო ვერამ ნამზადით, მერე ჭურჭლის ნაქარგი ტილოები გადააფარა და მანქანის საბარგულში ჩაალაგა..
ჯემალას მშობლების საფლავთან ახლოს, ლევანია დაკრძალული... შავი ქვიდან ახალგაზრდა ბიჭის მომღინარე სახე ჩანს...
მეგობრები მოსულიყვნენ, ღია მანქანიდან ლევანის საყვარელი მუსიკა ისმის, მაღალ ხმაზე.
-ჩემი ლევუშა, - იწირპლება დიტო და საფლავს ზევიდან შამპანურს ასხავს. მიწაზე შავი, უსწორმასწორო სველი ზოლი გააჩინა სასმელმა.
უკვე მთვრალები ბოთლებიდან სვამენ და ხმამაღლა საუბრობენ, რამდენიმეს საკინძე ბოლომდე შეუხსნია. ლევანის სურათთან სასმელები და სიგარეტი დევს. ნაძვის ქვეშ მაგიდასთან ახლობლები სხედან.
შუადღისთვის უკვე შეზარხოშებული კაცები, საფლავებს შორის არეული ნაბიჯებით დადიოდნენ.
მზემ მთის წვერამდე მიაღწია. სასაფლაოს გვერდით წყლისთვის გაჭრილი თხრილი, ნაგვით და ძაღლებით გაივსო. ალაგდნენ ნინოსებიც.
-უი ბადრიჯანი არ ამომიღია - იკივლა დედამისმა .
- სახლში ამოიღე დედა, იქაც ხომ უნდა გავშალოთ მაგიდა?!
-სახლში ისეც არის, აქ კი ხალხთან უნდა გამოჩნდე შვილო..
ნინომ თითქმის დაცლილ სასაფლაოს გახედა. ჰაერში საჭმლის და ღვინის სუნი იდგა. ლევანის საფლავზე დედამისი იჯდა, მზით გამთბარ მიწაში ხელები ჩაეყო და ტიროდა....
ამავე კატეგორიაში
ამინდის პროგნოზი
აბრეშუმის გზა
პარტნიორი მედიასაშუალებების მასალები
ამინდი
ახალციხე
21
°C
ახალქალაქი
17
°C
ასპინძა
22
°C
ადიგენი
26
°C
ბორჯომი
24
°C
თბილისი
24
°C
აბასთუმანი
19
°C
ბაკურიანი
15
°C
ნინოწმინდა
17
°C
ვალუტა
AMD
1000
6.7815
EUR
1
2.8473
RUB
100
2.8348
TRY
1
0.0822
USD
1
2.6753
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
The views, opinions and statements expressed by the author/authors and those providing comments are theirs only and do not necessarily reflect the position of the Foundation or the Center. Therefore, the Open Society Georgia Foundation and Georgian Center for Strategy and Development are not responsible for the content of the information material.
