კულტურა
ფარავნის ტბის მიდამოებში არქეოლოგიური ექსპედიცია დასრულდა
კულტურული მემკვიდრეობის დაცვის ეროვნულმა სააგენტომ ფარავნის ტბის მიდამოებში ექსპედიცია დაასრულა. შედეგებს სააგენტო ანგარიშის სახით ახლო მომავალში წარმოადგენს.

ექსპედიცია სამეცნიერო, კომპლექსური მიდგომებით გამოირჩევა. მისი მთავარი მიზანი ფართოდ გაშლილი არქეოლოგიური და სამეცნიერო კვლევებია, რომელიც რეგიონის არქეოლოგიური პოტენციალის დადგენისკენაა მიმართული.

სააგენტოს ინფორმაციით, 2020 წლის სეზონზე არქეოლოგიური გათხრები 2019 წელს დაწყებულ სამივე უბანზე მიმდინარეობდა. პირველ უბანზე ექსპედიციამ ყორღანული სამარხი შეისწავლა. რომელიც 2018 წლის აეროდაზვერვებით გამოვლინდა, ხოლო მისი არქეოლოგიური შესწავლა 2019 წლის სეზონზე დაიწყო. ყორღანი უნიკალურია, ჯავახეთში პირველ, სარიტუალო გზიან სამარხს და წარმოადგენს.

„როგორც გათხრებმა გვიჩვენა სამარხი გაძარცვული იყო. მიუხედავად ამისა, აღმოჩენილი მასალა საინტერესო და საყურადღებოა. აქ ობსიდიანის ისრისთავებთან ერთად დადასტურდა გვიან ბრინჯაოს ადრეული ეტაპის კერამიკული ნაწარმი, რამაც მოგვცა საშუალება ძეგლი ძვ.წ. XVI-XV საუკუნეებით დაგვეთარიღებინა (დათარიღება წინასწარულია და არ წარმოადგენს საბოლოო ვერსიას). მეორე უბანზე ექსპედიციამ შეისწავლა განვითარებული და გვიანი შუა საუკუნეების ნამოსახლარის ნაშთები, რომელიც სოფელ ახალ ხულგუმოში მცხოვრები ოჯახის საკუთრებაში არსებულ მიწაზე მდებარეობს. ძეგლი წინასწარი ვარაუდით ბაზალტის ქვებით ნაგებ,, ბანურად გადახურულ, სათავსო ნაგებობებს უნდა წარმოადგენდეს. მესამე უბანი მდებარეობს შაორის მთის დასავლეთით. ის ასევე 2018 წლის აერო დაზვერვების შედეგად გამოვლინდა და 2019 წელს დაიწყო მისი არქეოლოგიური შესწავლა. ამ ნამოსახლარზე გათხრების მთავარი მიზანი მისი სტრატიგრაფიის დადგენა გახლდათ. გათხრების შედეგად გამოვლინდა ორფენიანი ძეგლი, თუმცა ის შესაძლოა არსებობას პირველი ათასწლეულშიც იწყებდეს“ - ნათქვამია საქართველოს კულტურული მემკვირეობის დაცვის ეროვნული სააგენტოს მიერ გავრცელებულ ინფორმაციაში.

სააგენტოს ცნობით, ფარავნის არქეოლოგიური ექსპედიციის ბაზაზე „საზაფხულო სკოლის“ საქმიანობაც გრძელდება, რისთვისაც მცირე სამკითხველო ადგილოვრივ მოეწყო.

ფარავნის არქეოლოგიური ექსპედიცია, ფარავნის ტბის მიდამოებში პროექტს საქართველოს კულტურული მემკვიდრეობის დაცვის ეროვნული სააგენტოს ფინანსური ხელშეწყობით 2018 წლიდან ახორციელებს.















Facebook Twitter
პარტნიორი მედიასაშუალებების მასალები
ამინდი
ახალციხე 11 °C
img
ახალქალაქი 7 °C
img
ასპინძა 10 °C
img
ადიგენი 18 °C
img
ბორჯომი 9 °C
img
თბილისი 18 °C
img
აბასთუმანი 7 °C
img
ბაკურიანი 6 °C
img
ნინოწმინდა 7 °C
img
ვალუტა
EUR
EUR
1
3.8057
RUB
RUB
100
4.2817
TRY
TRY
1
0.4249
USD
USD
1
3.2140
AMD
AMD
1000
6.6148
კალენდარი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
The views, opinions and statements expressed by the author/authors and those providing comments are theirs only and do not necessarily reflect the position of the Foundation or the Center. Therefore, the Open Society Georgia Foundation and Georgian Center for Strategy and Development are not responsible for the content of the information material.