რელიგია
კომისიის გადაწყვეტილებას მოხელი მუსლიმები განცხადებით ეხმაურებიან
მოხეში მცხოვრები მუსლიმი მრევლი სადავო შენობის წარმომავლობის დადგენის მიზნით შექმნილი სპეციალური კომისიის გადაწყვეტილებას განცხადებით ეხმაურება. სოციალურ ქსელში განთავსებულ წერილში მუსლიმები დადგენილებას არ ეთანხმებიან და აცხადებენ, რომ ახალი მეჩეთის მშენებლობა სოფელში არავის მოუთხოვია. ისინი ლოცვას კვლავ ღია ცის ქვეშ აგრძელებენ.

"სოფელ მოხის მუსლიმი თემი შევიკრიბეთ და ავღნიშნავთ, რომ რელიგიურ საქმეთა სახელმწიფო სააგენტოსთან შექმნილმა, ეგრეთ წოდებული მოხის მეჩეთის წარმომავლობის დამდგენმა კომისიამ ა/წლის 11 მაისს მიღებული გადაწყვეტილებით, საბოლოოდ გამოავლინა თავისი სახე და დაადასტურა ადგილობრივი მოსახლეობის მრავალგზის გამოთქმული ვარაუდი, რომ სახელმწიფოს არ უნდა საკითხის სამართლიანად გადაწყვეტა და ადგილობრივი მუსლიმების მოთხოვნების დაკმაყოფილება.

აღსანიშნავია, რომ თავიდანვე კომისია შეიქმნა არსებული ნახევრად დაშლილი შენობის წარმომავლობის დასადგენად, კომისიამ კი ახალი მეჩეთის მშენებლობის იდეა წამოჭრა, რაც არანაირად არ იყო ადგილობრივების მოთხოვნა. სწორედ ამიტომ იყო, რომ მოსახლეობამ ჯერ კიდევ ერთი წლის წინ ამ კომისიას საჯაროდ უნდობლობა გამოუცხადა.

გამომდინარე ზემოთაღნიშნულიდან, მოხის მუსლიმი თემი არ ეთანხმება კომისიის გადაწყვეტილებას, კატეგორიულად აპროტესტებს ყოფილი მეჩეთის ისტორიულ სადავო საკულტო ნაგებობად დაკონსერვებასა და ახალი მეჩეთის მშენებლობის იდეას, აგრძელებს ღია ცის ქვეშ ლოცვის რიტუალის შესრულებას, მანამ, სანამ სახელმწიფო არ მიიღებს ერთადერთ სწორ გადაწყვეტილებას და ისტორიულ სალოცავს არ დაუბრუნებს ადგილობრივ მუსლიმებს რელიგიური რიტუალების შესასრულებლად" - ნათქვამია განცხადებაში.

რელიგიის საკითხთა სახელმწიფო სააგენტოსთან არსებულმა კომისიამ მუშაობა დაასრულა. მიღებული გადაწყვეტილების თანახმად, სოფელში ახალი მეჩეთი ცენტრიდან დაახლოებით 50 მეტრში აშენდება. სადავო შენობა კი კულტურული მემკვიდრეობის დაცვის სააგენტოს ხედამხედველობის ქვეშ გადავიდა.
Facebook Twitter
პარტნიორი მედიასაშუალებების მასალები
ამინდი
ახალციხე -5 °C
img
ახალქალაქი -3 °C
img
ასპინძა -2 °C
img
ადიგენი 12 °C
img
ბორჯომი 0 °C
img
თბილისი -2 °C
img
აბასთუმანი -5 °C
img
ბაკურიანი -4 °C
img
ნინოწმინდა -3 °C
img
ვალუტა
EUR
EUR
1
3.2024
RUB
RUB
100
4.6032
TRY
TRY
1
0.4951
USD
USD
1
2.8647
AMD
AMD
1000
5.9868
კალენდარი
«« დეკემბერი 2019 »»
252627282930 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 12345
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.