საზოგადოება
ახალციხეში ტურისტული სეზონი დაიწყო
,,ახალციხეს ტურისტები ხშირად სტურმობენ, ამიტომ აუცილებელია გარემო შესაბამისი დავახვედროთ“ - ამბობს ახალციხის მაცხოვრებელი ხატია მერაბიშვილი.

ახალციხელების აზრით, ტურისტებისთვის შესაბამისი გარემოს შესაქმნელად, პირველ ეტაპზე ინფრასატრუქტურის გაუმჯობესება და სველი წერტილებას მოწესრიგებაა საჭირო.



,,ქალაქში მოსაწესრიგებული გზებისა და ინფრასტრუქტურის გაუმჯობესება ერთ-ერთი პრიორიტეტია. იმედია ახალ დაგებულ გზაზე ქვეითთა გადასასვლელებს მალე დახაზავენ და ჩვენი ღირსშესანიშნაობები და ისტორიული ძეგლები შარშანდელთან შედარებით უფრო მეტ ტურისტს მიიზიდავს“ - იმედოვნებს შალვა ტაბატაძე.

ქალაქში ერთ-ერთ მთავარ პრობლემად ისევ რჩება ქვეითთა გადაშლილი გადასასვლელები, მხოლოდ ცენტრალურ პარკში განთავსებული ქალაქის რუკა და ცენტრალურ ქუჩებზე განთავსებული ტურისტული ობიექტების მიმანიშნებლები.



კიდევ ერთი პრობლემა, რომელზეც ახალციხეში საუბრობენ ქალაქში მოუწესრიგებელი სველი წერტილებია. ზაზა ნათენაძე ფიქრობს, რომ ასეთ შემთხვევაში ქალაქში ტურისტი ნაკლებად ჩამოვა.



,,ქალაქში კომფორტული საზოგადოებრივი საპირფარეშოების არსებობა აუცილებელია, არა მარტო ტურისტისთვის, ახალციხელებისთვისაც“ - ამბობს ზაზა ნათენაძე.



საზოგადოებრივი საპირფარეშოების მდგომარეობისა და რაოდენობის შესახებ ახალციხის მერიაში პრობლემას ვერ ხედავენ, რადგან ამბობენ, რომ საზოგადოებრივი საპირფარეშოები ყველა ტურისტულ მარშრუტთან არის განთავსებული.

,,ქალაქის მასშტაბით ეს პრობლემა სრულად დაძლეულია, ახალციხეში საპირფარეშოები განთავსებულია - ტბაზე, რაბათის შესასვლელთან (ხიდს იქით), ორი ახალციხის ციხეზე, ასევე ძველ და ახალ ბაზართან, სავაჭრო ცენტრსა და ცენტრალურ პარკში. საზოგადოებრივი საპირფარეშოები ფუნქციონირებს ასევე სოფლებში“ - განაცხადა მერიის საზოგადოებასთან ურთიერთობის სამსახურის უფროსმა ია გოგატიშვილმა.

ადგილობრივი ხელისუფლებისთვის მნიშვნელოვან როლს ბენზინგასამართ სადგურებზე არსებული საზოგადოებრივი საპირფარეშოებიც ასრულებს.

ახალციხის მერიის ინფორმაციით, გასულ წელს ქალაქის მასშტაბით არცერთი საგზაო პროცედურა არ შესრულებულა. 2018 წლის 13 ნოემბერს მუნიციპალური განვითარების ფონდმა ტენდერი გამოცხადდა. გამარჯვებული კომპანია ,,ელიტ ტექნოლოჯი“ საგზაო სამუშაოების შესრულებას ივლისის თვიდან დაიწყებს. პროექტის ღირებულება 363 162 ლარს შეადგენს. ,,ვფიქრობთ ურთიერთთანამშრომლობით ეს პროექტი ხარისხიანად განხორციელდება“ - ამბობს კომპანია ელიტ-ტექნოლოჯის ტექნიკური დირექტორი გია ახალკაცი.



ვიდრე ინფრასტრუქტურა გაუმჯობესდება, მანამდე ახალციხის ციხემ, უკრაინული ტურისტული კომპანიების წარმომადგენლებს უმასპინძლა, რითაც ახალციხეში ტურისტული სეზონი გახსნილად გამოცხადდა.

„ახალციხის ციხეს“ 2018 წელს 152 752 ვიზიტორი ესტუმრა, მათგან 75 314 ვიზიტორი უცხოელია. 75 ქვეყნიდან ყველაზე მეტი ტურისტი პოლონეთიდან, ისრაელიდან, რუსეთიდან, გერმანიიდან, არაბთა გაერთიანებული საემიროებიდან, ამერიკის შეერთებული შტატებიდან, ნიდერლანდებიდან, თურქეთიდან და სომხეთიდან ესტუმრა. ვიზიტორთა რაოდენობა ქვეყნების მიხედვით ასე გამოიყურება:

  • 2012 წელი – 83 955 ვიზიტორი;
  • 2013 წელი – 132 072 ვიზიტორი
  • 2014 წელი – 117 548 ვიზიტორი
  • 2015 წელი – 118 921 ვიზიტორი
  • 2016 წელი – 137 633 ვიზიტორი
  • 2017 წელი – 141591 ვიზიტორი

Facebook Twitter

ამინდი
ახალციხე 8 °C
img
ახალქალაქი 4 °C
img
ასპინძა 8 °C
img
ადიგენი 16 °C
img
ბორჯომი 11 °C
img
თბილისი 15 °C
img
აბასთუმანი 7 °C
img
ბაკურიანი 5 °C
img
ნინოწმინდა 4 °C
img
ვალუტა
EUR
EUR
1
3.1102
RUB
RUB
100
4.3044
TRY
TRY
1
0.4580
USD
USD
1
2.7802
AMD
AMD
1000
5.7897
კალენდარი
Facebook
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.