ადიგენის მუნიციპალიტეტი საჯარო მოხელეთა შესარჩევად კონკურსს აცხადებს. მსურველებმა განაცხადი, ელექტრონული ფორმით, საჯარო სამსახურის ბიუროს ვებ–გვერდზე (hr.gov.ge) უნდა დაარეგისტრირონ.

ვაკანტურია 7 პოზიცია. ესენია:

• წამყვანი სპეციალისტი არქიტექტურისა და კეთილმოწყობის საკითხებში;

• მთავარი სპეციალისტი მიწის მართვისა და ადგილობრივი გადასახადების ადმინისტრირების საკითხებში;

• მთავარი სპეციალისტი სამხედრო აღრიცხვის, გაწვევისა და მობილიზაციის საკითხებში;

• წამყვანი სპეციალისტი სპორტის საკითხებში;

• წამყვანი სპეციალისტი წერილებთან მუშაობისა და ბრძანებების მომზადების საკითხებში;

• წამყვანი სპეციალისტი ტურიზმის საკითხებში;

• გამგებლის წარმომადგენლის თანაშემწე დაბა აბასთუმნის ადმინისტრაციულ ერთეულში.

კონკურსი 17 თებერვალს გამოცხადდა. კონკურსანტებს განაცხადის წარდგენის ბოლო ვადა 26 თებერვლამდე აქვთ.

საჯარო მოხელეთა შესარჩევი კონკურსი სამ ეტაპად ჩატარდება. პირველ ეტაპზე განაცხადების გადარჩევა მოხდება. მეორე ეტაპზე ტესტირება გაიმართება. მესამე ეტაპს – გასაუბრებას მხოლოდ ის კანდიდატები გაივლიან, რომლებიც ტესტირების ეტაპის მინიმალურ ზღვარს - 50%-ს, (არანაკლებ ტესტის 30 ქულას) გადალახავენ.

საკონკურსო–საატესტაციო კომისიის თავმჯდომარე ადიგენის მუნიციპალიტეტის გამგებელი ზაქარია ენდელაძეა.