ახალქალაქის მცხოვრებლებმა მირქმა და წმინდა ვალენტინის დღე აღნიშნეს. სომხური სამოციქულო ეკლესია მირქმის აღნიშვნას 13 თებერვლიდან იწყებს.
„მომავლის სახლის“ მოსწავლეებმა ქალაქის სკვერი საზეიმოდ მორთეს, გაიმართა კონცერტიც. სახლის დირექტორის, სატენიკ მაიტესიანის ინფორმაციით, ამ ფორმით სიყვარულის დღის აღნიშვნის იდეა საკრებულოს დეპუტატ აკოფ ჩახმახჩიანს ეკუთვნის. საზეიმო ღონისძიებებს დაესწრო პარლამენტში ახალქალაქის მუნიციპალიტეტის მაჟორიტარი დეპუტატი ენზელ მკოიანიც.
Jnews-ის ინფორმაციით, ახალქალაქის მერიის გადაწყვეტილებით, წელს „ვალენტინობაც“ ამ დღეს აღინიშნა.
ფოტოს ავტორი: სალომე ყულჯანიშვილიდღის ბოლოს ახალქალაქის სურბ ხაჩის ეკლესიაში მირქმის დღესასწაულთან დაკავშირებით ღვთისმსახურება ჩატარდა, რის შემდეგაც ეკლესიის ეზოში ტრადიციულად კოცონი დაანთეს, რომელიც ქრისტეს სინათლის სიმბოლოდ მიიჩნევა.