რეგიონი
ნეძვის აღკვეთილში ახალი ბილიკი მოეწყო
ბორჯომ-ხარაგაულის ეროვნული პარკის ნეძვის აღკვეთილში ახალი ეკოტურისტული ბილიკი გაიხსნა. ბილიკის მოსაწყობი სამუშაოები 2020 წელს დაიწყო და ცოტა ხნის წინ დასრულდა. მოეწყო 13 კმ სიგრძის ახალი და რეაბილიტაცია ჩაუტარდა 19 კმ სიგრძის ბილიკს.

,,ბორჯომ-ხარაგაულის დაცული ტერიტორიების ნეძვის აღკვეთილში ახალი საინტერესო საფეხმავლო ბილიკი მოეწყო, რომელიც ზღვის დონიდან ორი ათას მეტრზეა და დააინტერესებს ბევრ ვიზიტორს, ვისაც ეკოტურიზმი და ჩვენი ქვეყნის სილამაზის ხილვა სურს. 2020 წელს, პანდემიის მიუხედავად, დაცულ ტერიტორიებზე რეაბილიტაცია 200 კილომეტრის სიგრძის ეკოტურისტულ ბილიკებს ჩაუტარდა. მომავალი სამი წლის განმავლობაში, დაცულ ტერიტორიებზე, 1200 კილომეტრის სიგრძის ეკოტურისტული ბილიკის რეაბილიტაცია გვაქვს დაგეგმილი", - განაცხადა ლევან დავითაშვილმა.

ეროვნული რეგლამენტის შესაბამისად მარკირებული, წრიული, პანორამული ბილიკი ერთმანეთთან სოფელ ახალდაბას, მთა დიდ ქართას, მთა შუანოს და სოფელ ნეძვს აკავშირებს. ბილიკი საშუალო სირთულისაა და მისი დალაშქვრა როგორც ფეხით, ისე ცხენითაა შესაძლებელი. ბილიკის გასწვრივ განთავსდა მანიშნებლები, მოეწყო ფანჩატური, საკემპინგე თავისი საჭირო ინფრასტრუქტურით (სველი წერტილები, საცეცხლური), მთა შუანოსთან კი, 12 ვიზიტორზე გათვლილი ტურისტული კოტეჯი.

,,ნებისმიერ ადამიანს, ვინც მოახერხებს, ამ ულამაზეს ბუნებაში აღმოჩნდეს, აღტაცებაში მოიყვანს ეს საოცარი, ხელშეუხებელი ბუნება და სუფთა ჰაერი. ვფიქრობ, ნეძვის ბილიკს, რომელიც გავხსენით გარემოს დაცვისა და სოფლის მეურნეობის სამინისტროსთან და დაცული ტერიტორიების სააგენტოსთან ერთად, ძალიან კარგი პოტენციალი აქვს როგორც ეკოტურიზმის განვითარებისთვის, ისე ადგილობრივი მოსახლეობის სოციალურ-ეკონომიკური მდგომარეობის გაუმჯობესების თვალსაზრისით", - აღნიშნა UNDP-ის მოქმედმა ხელმძღვანელმა, ანნა ჩერნიშოვამ.
კავკასიის ბუნების ფონდის (CNF) აღმასრულებელი დირექტორის, თობიას მიუნხმაიერის განცხადებით, პროექტის, რომელიც ერთობლივი ძალისხმევით განხორციელდა, მიზანი ტურისტების მოზიდვა და სამუშაო პერსპექტივების შექმნაა; ის, ერთდროულად, ეკოტურისტული და სოციალური განვითარების შესაძლებლობას იძლევა.
ნეძვის ბილიკის მოწყობა გაეროს განვითარების პროგრამის (UNDP) ფინანსური მხარდაჭერით, კავკასიის ბუნების ფონდის (CNF), გლობალური გარემოსდაცვითი ფონდისა (GEF) და შვედეთის მთავრობის ხელშეწყობით „დაცული ტერიტორიების სისტემის ფინანსური მდგრადობის გაუმჯობესება” პროექტის ფარგლებში განხორციელდა. ჯამური ინვესტიციის ოდენობამ 230 000 ლარი შეადგინა.

ახალი ეკოტურისტული ბილიკი, თანმდევი ინფრასტრუქტურით, კიდევ უფრო პოპულარულს გახდის ბორჯომ-ხარაგაულის ეროვნულ პარკს და მეტ ვიზიტორს მოიზიდავს. ბორჯომ-ხარაგაულის ეროვნულ პარკში სხვადასხვა სირთულისა და ხანგრძლივობის 18 ეკოტურისტული ბილიკია, საიდანაც 12 საერთაშორისო სტანდარტით მოწყობილი და მარკირებულია, 6 ბილიკის მოსაწყობი სამუშაოები კი, დასრულების ეტაპზეა.

Facebook Twitter
ამინდი
ახალციხე 10 °C
img
ახალქალაქი 7 °C
img
ასპინძა 12 °C
img
ადიგენი 17 °C
img
ბორჯომი 11 °C
img
თბილისი 17 °C
img
აბასთუმანი 7 °C
img
ბაკურიანი 5 °C
img
ნინოწმინდა 7 °C
img
ვალუტა
EUR
EUR
1
3.6582
RUB
RUB
100
4.2765
TRY
TRY
1
0.3528
USD
USD
1
3.1181
AMD
AMD
1000
6.4750
კალენდარი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
The views, opinions and statements expressed by the author/authors and those providing comments are theirs only and do not necessarily reflect the position of the Foundation or the Center. Therefore, the Open Society Georgia Foundation and Georgian Center for Strategy and Development are not responsible for the content of the information material.