მეორე ტურში გამარჯვება ქართულმა ოცნებამ ფოიერვერკით აღნიშნა. ახალციხე–ადიგენის მაჟორიტარულ ოლქში სახელისუფლებო კანდიდატმა ოპონენტს თითქმის 40 %–ით აჯობა. „ქართული ოცნება“ მეორე ტურში გამარჯვებას მთელი ღამე ზეიმობდა.
გიორგი კოპაძე პირველ ტურში ოპოზიციის კანდიდატთან თითქმის 5%–იანი სხვაობით დამარცხდა. ქართული ოცნების კანდიდატი დღეს წარმატების მთავარ მიზეზად ძალების გაერთიანებას მიიჩნევს.
ერთიანობას მიიჩნევს გამარჯვების მთავარ მიზეზად ქართული ოცნების მერობის კანდიდატიც. ვლადიმერ ზედგინიძე თანამებრძოლის მსგავსად, პირველ ტურში ასევე დამარცხდა თავის ოპონენტთან.
“ნაციონალური მოძრაობის” დამარცხებული კანდიდატი “ქართული ოცნების” კანდიდატს არჩევნების მეორე ტურში გამარჯვებას ულოცავს. ვაჟა ჩიტაშვილი, თითოეულ ამომრჩეველს მადლობას უხდის და საჭიროების შემთხვევაში, მათ მხარდაჭერას ისევ ჰპირდება.
მეორე ტურში N38–ე ადიგენის საარჩევნო ოლქში “ქართული ოცნების” მაჟორიტარობის კანდიდატმა გიორგი კოპაძემ ყველა საარჩევნო უბანზე გაიმარჯვა. შედეგების ასეთ რადიკალურ სხვაობას არ ელოდა ერთიანი ნაციონალური მოძრაობა. პარტიის ერთერთი ლიდერი დავით დარჩიაშვილი დამარცხების მიზეზად მოსახლეობის დაშინებას და ადმინისტრაციული რესურსის გამოყენებას ასახელებს.
მეორე ტურის შედეგების მიხედვით, ახალციხესა და ადიგენში გიორგი კოპაძემ ამომრჩეველთა ხმების 69.83% მიიღო, ხოლო ვაჟა ჩიტაშვილმა – 30.18%. საოლქო კომისიის თავმჯდომარის თეა გავაშელის განცხადებით, საარჩევნო პროცესმა მშვიდ ვითარებაში ჩიარა
ვაჟა ჩიტაშვილმა არჩევნების მეორე ტურში 53 უბნიდან მხოლოდ ვალის ორ უბანზე გაიმარჯვა. რაც შეეხება ირაკლი ერეკლიშვილს ოპონენტმა „ქართული ოცნებიდან“ ქალაქის ყველა უბანზე დაამარცხა.