"მეცენატი და ქველმოქმედი“ - უნდა იყოს თუ არა ამ ფორმით ივანიშვილი ისტორიის წიგნში?
18:54 / 11.12.2021
საქართველოს ისტორიის მე-9 კლასის სახელმძღვანელოში „ქართული ოცნების“ დამფუძნებლის, ბიძინა ივანიშვილის შესახებ ცალკე ქვეთავია გამოყოფილი, სადაც წერია, რომ „ბიძინა ივანიშვილი ცნობილი მეცენატი და ქველმოქმედია“.
„მთავრობის მეთაური, პრემიერ-მინისტრი "ქართული ოცნების" დამფუძნებელი, ცნობილი ქველმოქმედი და მეცენატი, ბიძინა ივანიშვილი გახდა. ხელისუფლების ცვლილების მიუხედავად, საქართველოს ევროპული კურსი არ შეცვლილა და პირიქით, ინტეგრაცია კიდევ უფრო გაღრმავდა“, - წერია წიგნის 410-ე გვერდზე.
ახალციხეში მოქალაქეებს ვკითხეთ, უნდა ისწავლებოდეს თუ არა მე-9 კლასში ბიძინა ივანიშვილის შესახებ ამ ფორმით.
ამის გარდა, სადავოა სახელმძღვანელოს ნაწილი 2008 წლის ომის შესახებ. აქ ავტორები იმეორებენ რუსულ პროპაგანდისტულ ვერსიას იმის თაობაზე, რომ საომარი ოპერაციები საქართველომ ოსი სეპარატისტების თავდასხმების პასუხად დაიწყო, რუსულმა ჯარმა კი საქართველოს საზღვარი 8-10 აგვისტოს გადმოლახა. ომის დაწყების ამ ვერსიას, რომელიც სიმართლეს არ შეესაბამება, რუსეთი ჯერ კიდევ 2008 წლის 8 აგვისტოს ავრცელებდა. რეალურად კი, რუსული ჯარი საქართველოში იყო 7 აგვისტოს, მაშინ, როცა პრეზიდენტმა სააკაშვილმა საომარი მობილიზაცია გამოაცხადა. შესაბამისად, საქართველოს სახელმწიფოს მხრიდან ცხინვალის რეგიონში ჯარების შეყვანა არა ოსი სეპარატისტებისადმი, არამედ რუსული სამხედრო ინტერვენციისადმი პასუხი იყო.
სახელმძღვანელოების ავტორები ბავშვებს ეკითხებიან, დაუშვა თუ არა შეცდომა საქართველოს პრეზიდენტმა, როდესაც ოსური შეიარაღებული ფორმირებების მიერ ქართული სოფლების მიმართულებით სროლას რეგიონში სამხედრო ნაწილების შეყვანით უპასუხა - კითხვა გამორიცხავს რუსული ჯარის არსებობას საქართველოს ტერიტორიაზე ომის დაწყების მომენტისთვის და ასევე იმეორებს საქართველოს მოქმედი ხელისუფლების ნარატივს ოპონენტების დისკრედიტაციის მიზნით, რომ ომის დაწყება შეცდომა იყო.
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
The views, opinions and statements expressed by the author/authors and those providing comments are theirs only and do not necessarily reflect the position of the Foundation or the Center. Therefore, the Open Society Georgia Foundation and Georgian Center for Strategy and Development are not responsible for the content of the information material.