მულტიმედია
მტვრის გამო დაწყებული ჩხუბი ჯავახეთში (ფოტო რეპორტაჟი)
3 დღის წინ პარლამენტის დეპუტატის ძმა და ახალქალაქის საკრებულოს წევრის სამველ პეტროსიანის შვილი ერთმანეთს ფიზიკურად რესტორან ,,ფორელთან" დაუპირისპირდნენ.

სიტყვიერი შელაპარაკება ფიზიკურ დაპირისპირებაში მას შემდეგ გადაიზარდა, რაც გევორქ პეტროსიანს (საკრებულოს წევრის შვილი) მარდუნ მკოიანის ( დეპუტატის ძმა) მანქანამ ქუჩაში სწრაფად ჩაუარა და მტვერი შეაყარა. მეცხრე არხი მარდუნ მკოიანის სახლში მივიდა.

სახლი ადვილი მისაგნები აღმოჩნდა, რადგან წინა ფასადზე ორი ,,MM" ანუ მარდუნ მკოიანის ინიციალებია გამოსახული.

დეპუტატის ძმა ჟურნალისტებს არ ხვდება, მისი დეპუტატი ძმა კი მედიას უმტკიცებს, რომ დაპირისპირებიდან მე-4 დღეს მარდუნ მკოიანის მდგომარეობა დამძიმდა.

მომხდარზე არც პეტროსიანები საუბრობენ. ახალქალაქის საკრებულოს წევრი ,,პატრიოტთა ალიანსიდან"ამბობს, რომ მათი რეაქცია მკოიანების შემდგომ ნაბიჯებზეა დამოკიდებული.

ევექსის რეგიონული ჰოსპიტლების კოორდინატორი ამბობს, რომ კლინიკაში ორი პაციენტი 4 ოქტომბერს, დაახლოებით დღის 15:00 სთ-თვის შევიდა.


,,სათანადო რჩევა-დარიგებებითა და ამბულატორიული მკურნალობით გაეწერნენ ბინაზე. წესით ხვალ ნაკერების ამოსაღებად ისევ უნდა მოვიდნენ კლინიკაში" - აცხადებს ხათუნა კეკელაშვილი.

მომხდარზე დაწყებულია გამოძიება. სისხლის სამართლის საქმე აღძრულია 126-ე მუხლის პირველი პრიმა ნაწილის ,,გ” ქვეპუნქტით, რომელიც გულისხმობს წამებას დაზარალებულის ან მისი ახლო ნათესავის სამსახურებრივ საქმიანობასთან დაკავშირებით.


ასევე, დაგაინტერესებთ:

ენზელ მკოიანსა და სამველ პეტროსიანს შორის დაპირისპირება გრძელდება (ფოტო/ვიდეო)
Facebook Twitter
one signal
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.