Կեղծ տեղեկություններ, որոնք խուճապի են մատնում մարդկանց

Նորություններ

17:45 / 29.01.2021

Կորոնավիրուսային համաճարակի հնարավոր սպառնալիքը հասարակությանը դրդել է տարածել շատ սխալ տեղեկություններ: Պատվաստումների մասին առասպելների քանակը կրկնապատկվել է: Հասարակության որոշ հատվածներ Covid19 պատվաստումը կապում են մարդկային քանակի կրճատման, աճող մահացության և պատվաստանյութերի անորակության հետ: Կարճ ժամանակահատվածում ստեղծված պատվաստանյութն ունի շատ հակառակորդներ: «Ֆեյք նյուսերի» մեծամասնությունը հիմնականում կապված է «չիպերի տեղադրման», ԴՆԹ-ի փոխման, սուր ձևերով հայտնաբերված կողմնակի ազդեցությունները և այլն:

Առաջին առասպել. Բիլ Գեյթսը նախապես գիտեր կորոնավիրուսի մասին և ցանկանում է «չիպավորել» մարդկանց

Տեղեկությունը, որը վիրուսի ի հայտ գալուց մինչ օրս տարածվում է սոցիալական կայքերում, վերաբերվում է Microsoft ընկերության հիմնադիր, ամերիկյան գործարար՝ Բիլ Գեյթսին: Նոր կորոնավիրուսի բռնկումից հետո տարածվեց նրա 2015 թվականին TED հիմնադրամի կոնֆերանսում ունեցած ելույթը՝ հնարավոր նոր համաճարակի և աշխարհի՝ դրան պատրաստ չլինելու մասին։ Վերլուծության արդյունքում պարզվել է, որ վիրուսի մասին ավելի քան 16,000 ֆեյսբուքյան գրառումներ և մեկնաբանությունները հավաքել են շուրջ 900 000 հավանում: YouTube-ի 10 ամենահանրաճանաչ տեսանյութերը, որոնք նվիրված են Գեյթսի կեղծիքներին, մարտին և ապրիլին հավաքեցին 5 միլիոն դիտում: Այս թեզի հիմքում ընկած է վարկածը, թե կորոնավիրուսը պլանավորված է մարդկանց չիպավորելու համար, իսկ դրա թիկունքին կանգնած է Բիլ Գեյթսը։

Երկրորդ. Պատվաստանյութը ԴՆԹ-ի փոփոխության պատճառ կդառնա

2021 թ. Հունվարի 10-ին Facebook- ի օգտատեր George Zardiashvili-ն գրառում է կատարել «Covid-ֆաշիզմի դեմ շարժում!!!» խմբում, որտեղ պնդում է, որ Ֆաիզերի և Մոդերնա Covid-19 պատվաստանյութերը դասական պատվաստանյութ չեն, քանի որ այն ստացել են գենետիկ սինթեզի և ԴՆԹ տեխնոլոգիայի համադրությամբ: Գրառման հեղինակի խոսքերով, դա հաստատում են նաև արտադրողները, երբ նրանք իրենց կայքերում մարդու մարմնում պատվաստանյութին որպես համակարգիչ են նշում: Myth Detector- ը գրում է, որ

Այս պատվաստանյութերն, այո, օգտագործում են իՌՆԹ (mRNA) (ինչը նշանակում է <> ՌՆԹ) կոչվող գենետիկական նյութը վիրուսի դեմ պայքարելու համար, սակայն դա որևէ կերպ չի անդրադառնում մեր գեների վրա: Ինչպես անունն է ասում՝ իՌՆԹ- ն գործում է որպես <> սուբյեկտ: Այս դեպքում պատվաստանյութում օգտագործված իՌՆԹ- ն ձեր մարմնին կարգադրում է արտադրել սպիտակուց, որը կգործարկի ձեր իմունային համակարգը: ԻՌՆԹ-ն թույլ է տալիս ձեր մարմնին հաղորդագրություն ստանալ վիրուսից ՝ առանց անմիջապես վիրուսի հետ շփվելու: Սակայն դա չի ազդում ձեր գեների վրա: Հաշվի առեք, որ դուք մշտապես առնչվում եք այլ բույսերի և կենդանիների գենետիկ նյութի հետ, երբ դրանք ուտում եք: Ձեր մարմինը դրանք բաժանում է իրենց հիմնական քիմիական բաղադրիչների՝ օգտագործելով դրանց մեջ պարունակվող սպիտակուցները, ճարպերը և ածխաջրերը՝ ձեզ էներգիա տալու և ձեր բջիջները գործարկելու համար:

Պատվաստանյութ պատրաստող ընկերության՝ Pfizer- ի խոսնակ Էնդրյու Վիջերն ասում է, որ վիրուսի դեմ օգտագործվող պատվաստանյութը չի փոխում մարդու ԴՆԹ-ն: «Այն մարմնին տալիս է իմունիտետ կառուցելու ցուցումներ», - բացատրում է Վիջերը:
Երրորդ. Պատվաստանյութը սպանում է

Ֆեյսբուքյան էջում տարածվում է տեղեկություն, որ պատվաստումների արդյունքում մահացել է շուրջ 400 մարդ, որոնք այնուհետև որոշ գործակալություններ տպագրեցին իրենց իսկ էջում:

Ըստ Reuters- ի, Pfizer- ը պատվաստանյութի միայն բելգիական ընկերությունում որոշակի հետաձգման մասին հունվարի 15-ին իսկապես հայտարարեց, չնայած պատվաստանյութի արտադրության և առաքման գործընթացը շարունակվեց հունվարի 25-ից, և ընկերությունը նախատեսում է ավելացնել նաև պատվաստանյութերի դոզանների մատակարարումը փետրվարին: Pfizer պատվաստանյութի արտադրությունն ու մատակարարումը աշխարհի այլ մասերում նույնպես շարունակվում է:

Ապատեղեկատվություն Սամցխե-Ջավախքում. COVID19-ի վիրուսի դեմ պայքարում են օդում թունավոր նյութեր ավելացնելով

Սամցխե-Ջավախքում, Նինոծմինդայի մունիցիպալիտետում ապրող մի քանի ընտանիք, կենդանիների համար հավաքված խոտերը պահել էին, որովհետև սոցիալական կայքերում տարածում էին կեղծ տեղեկություններ: Ըստ որի, օրվա ընթացքում ժամը 23: 00-ից մինչև առավոտյան 05: 00-ն ընկած ժամանակահատվածում ուղղաթիռները օդը կախտահանեն հատուկ ախտահանիչ նյութերով:

Նինոծմինդայի համայնքային Րադիո Նորի տեղեկության համաձայն, Նինոծմինդայի մունիցիպալիտետում այս կեղծ տեղեկատվության հետևանքով խուճապ է սկսվել, մասնավորապես գյուղերում մարդիկ ծածկում են դեզերը որպեսզի խոտը չթրջվի քիմիական նյութով, պարաններից հավաքում են լվացքը և միմյանց խորհուրդ են տալիս տանից դուրս չգալ։

Վրացի բժշկուհի Նանա Գեգեչկորին, ով արտերկրում է աշխատում, սոցիալական ցանցու, արձագանքում է պատվաստանյութերի և, ընդհանուր առմամբ, պատվաստանյութերի դեմ ուղղված հանրային արշավին:

«Գիտե՞ք, թե ինչու եք այդքան հանգիստ հրաժարվում պատվաստումներից: Քանի որ պատվաստված երեխաները, ինչպիսին իմն է և նրա նման շատ ուրիշներ, ապահով միջավայր են ստեղծում ձեր երեխաների համար: Մեկ վայրկյան պատկերացրեք, ինչ կլինի, եթե բոլորը ձեզ նման եսասիրաբար և անպատասխանատու լինեն այս հարցի վերաբերյալ: Եթե ձեր շրջապատի մարդիկ մահանային վիրուսից, ձեր «չեմ պատվաստվելու»-ն այդքան վճռական կլինե՞ր», - գրում է բժիշկը:

Հրապարակվել է Վրաստանի Բաց հասարակության հիմնադրամների և Վրացական ռազմավարության ու զարգացման կենտրոնի (GCSD) ֆինանսական աջակցությամբ:Հեղինակի / հեղինակների կողմից տեղեկատվական նյութում հայտնված կարծիքը չի կարող արտացոլել հիմնադրամի և կենտրոնի դիրքորոշումը: Ըստ այդմ, «Բաց հասարակության հիմնադրամը» և «Վրացական ռազմավարության և զարգացման կենտրոնը» պատասխանատու չեն նյութի բովանդակության համար: