2024 թվականի սեպտեմբերին, նախորդ ամսվա համեմատ, Վրաստանում գնաճի մակարդակը կազմել է 0.3%, իսկ տարեկան գնաճի մակարդակը՝ 0.6%, - այս մասին նշված է Վիճակագրության ազգային ծառայության տվյալներում։

Ինչ վերաբերում է հիմնական գնաճին, ապա 2024 թվականի սեպտեմբերին, նախորդ տարվա նույն ժամանակահատվածի համեմատ, այն կազմել է 0.9%, իսկ առանց ծխախոտի՝ տարեկան հիմնական ինֆլյացիայի ցուցանիշը կազմել է 0.8%:

Վիճակագրության համաձայն, այս տարի, սեպտեմբերին, նախորդ տարվա նույն ժամանակահատվածի համեմատ, ապրանքների շարքում առավելագույն գնաճ գրանցվել է սխտորի, կիվիի և մանդարինի համար։

Ներկայացնում ենք այն ապրանքների ցանկը, որոնց գինը, այս տարի սեպտեմբերին, 2023 թվականի սեպտեմբերի համեմատ, ամենից շատ է բարձրացել.

Սխտոր - 74.3%;
Կիվի - 52.1%;
Մանդարին - 38%;
Կիտրոն - 35.4%;
Վարունգ - 27%;
Նարինջ - 23.6%;
Լոլիկ - 21.7%;
Բրինձ - 18.8%;
Գինի - 16.6%;
Խնձոր - 11.2%։