Ովքեր կարող են աշխատել հունվար ամսի հանգստյան օրերին

Հասարակություն

11:47 / 07.01.2021

Գրեթե ամեն ինչ փակ է։ Կորոնավիրուսով պայմանավորված` մինչև հունվարի կես` երկրում պաշտոնապես ոչ աշխատանքային օրեր են հայտարարված։ Բաց կլինեն միայն բանկերը, ռազմավարական նշանակության կառույցները։ Երկրի 7 մեծ քաղաքներում բաց կլինեն միայն մթերային խանութները, անասնաբուժական կետերը, դեղատները, կենցաղային քիմիայի և հիգիենայի ապրանքի խանութները, թերթի կրպակները։

Առևտրի կենտրոններն աշխատանքը կշարունակեն միայն առցանց։

Արձակուրդներին Վրաստանի բնակիչները չեն կարողանա հանգստանալ լեռնադահուկային հանգստավայրերում` մինչև փետրվարի մեկը առնվազն։ Գուդաուրիում, Բակուրիանիում, Մեդիայում դադարեցված է ճուպանուղիների աշխատանքը, փակ են հյուրանոցները։

Ըստ այդմ, ամբողջական ցուցակը, թե ովքեր կարող են շարունակել նորմալ գործել արձակուրդների ընթացքում, ունի հետևյալ տեսքը.

Առողջության առաջնային և ստացիոնար բուժօգնություն տրամադրող հաստատությունները;
Covid-19 կանխարգելման և կառավարման միջոցառումներ անցկացնող բժշկական մատակարարներն ՝ անկախ ֆինանսավորման աղբյուրից;
Դեղագործական գործունեությունը;
Սննդամթերքի / կենդանիների կերերի արտադրություն / բաշխում, վաճառք;
Ճանապարհային, երկաթուղային և օդային բեռնափոխադրումներ,
Ջրամատակարարման գործունեություն, էլեկտրաէներգիայի արտադրություն, էլեկտրաէներգիայի և գազի փոխանցում, բաշխում, մատակարարում և առևտուր: Ինչպես նաև նավթի և գազի արդյունահանման գործողությունները.
Փոստային ծառայությունները,
Պետական և մասնավոր իրավունքի ներքո գտնվող իրավաբանական և ֆիզիկական անձինք, որոնք պատասխանատու են կարանտինի ժամանակահատվածում անձանց պարտադիր կարանտինի, փոխադրումների, սննդի, մաքրման, անվտանգության և համապատասխան պայմանների ստեղծման հետ կապված ծառայությունների համար
Փրկարարական աշխատանքներ;
Թթվածնի արտադրության և մատակարարման գործունեություն;
Շարունակական տեխնոլոգիական ցիկլ ունեցող ձեռնարկություններ (ձեռնարկություններ, որտեղ իրենց տեխնոլոգիական բնույթի պատճառով հնարավոր չէ դադարեցնել գործունեությունը);
Սգո միջոցառումներ;
Մետաղագործություն, լեռնահանքային արդյունաբերություն, ընդերքի հարստացման աշխատանքներ, ինչպես նաև այդ աշխատանքների ամբողջական և անվտանգ իրականացման համար անհրաժեշտ այլ գործողություններ:

Այնուամենայնիվ, Գործատուների ասոցիացիան կարծում է, որ այս ցուցակը չափազանց փոքր է, ուստի այն ավելի մեծ հստակության և հստակեցման կարիք ունի, սակայն նրանք նշում են նաև, որ «2-շաբաթյա արձակուրդի ընթացքում աշխատող ընկերությունները չեն տուգանվի, քանի որ դա արձակուրդ է, Ինչը պարտադրվում է կառավարության կողմից, և որի դիմաց գործատուն իրավունք ունի պահանջել աշխատողից աշխատել մնացած հանգստյան օրերին, հետևաբար, եթե գործատուն համաձայնվել է թույլատրել աշխատողին աշխատել հունվարյան օրերին, դա չի խախտի և կլինի երկկողմ համաձայնագիր:

bpn.ge

თეგები: հանգստյան օր / Վրաստան /

ავტორი:

Թարգմ. Սիրուշո Անտոնյան

ო

ს

ო

ხ

პ

შ

კ