“ფუტკრის ოჯახები განადგურდა, სავარაუდოდ მოსავალი შემცირდება და ფასი გაიზრდება” - მეწარმე

სოფლის მეურნეობა

28.03.2025

მეფუტკრეები ტროპილელაფსოზის დაავადებას ებრძვიან და ამბობენ, რომ ამ მიზეზის გამო წელს თაფლის მოსავალი ბევრად ნაკლები იქნება ვიდრე გასულ წელს იყო.

მეფუტკრეთა გაერთაინების გამგეობის თავმჯდომარე ამბობს, რომ საკითხზე მთავრობასთან ერთად სწრაფი რეაგირების სამუშაო ჯგუფი შეიქმნა, რომელიც დაავადებასთან ბრძოლის მეთოდებზე მუშაობს.

საქართველოს მეფუტკრეთა გაერთიანება, ვეტერინარიის კომიტეტის ხელმძღვანელი ამბობს, რომ მათ შესაბამის უწყებებთან კომუნიკაცია უკვე რამდენიმე თვეა აქვთ, მაგრამ დროულად ნაბიჯების გადადგმა ახლა დაიწყო, მათი შეფასებით, პროცესები დაგვიანებულია, რაც დასავლეთ საქართველოში ფუტკრის ოჯახების განადგურებაში გამოიხატა.

დასავლეთ საქართველოში ფუტკრის ოჯახებს დაავადება ანადგურებს. პრობლემა რომლის მასშტაბიც მზარდ ტენდენციას აჩვენებს ტროპილელაფსმა შექმნა, პარაზიტმა, რომელიც ფუტკრის ოჯახების ძლიერ დასუსტებას და განადგურებას იწვევს. მეფუტკრეები გვიყვებიან, რომ ქვეყანაში დაავადება პირველად 2023 წელს დაფიქსირდა და არაერთი ფუტკრის ოჯახი გაანადგურა.

ალავერდის მონასტრის საფუტკრე მეურნეობა თაფლიკაცი, შოთა კალანდარიშვილი ამბობს, რომ პრობლემის გამწვავება თაფლის მოსავალს შეამცირებს, ხოლო თაფლს გააძვირებს.

“შემოდის ახალი დაავადებები, ისეთი როგორიც არის ტკიპა, ტროპილელაფსი, ამაზე მიდის მსჯელობა, ჩვენ ვიცით, რომ ამის გამჩერებლები არ ვართ. ეს დაავადება გავრცელდება უფრო მეტად, ანუ უნდა ვისწავლოთ მასთან ბრძოლა რომ ვარეგულიროთ და ვაკონტროლოთ მისი რაოდენობა რომ არ დაგვიზიანოს საფუტკრეები.

ეს მსოფლიო პრობლემაა. შარშან დასავლეთ საქართველოში დაფიქსირდა და ამ პარაზიტს აქვს ძალიან დიდი უნარი გამრავლების. უფრო მეტად აზიანებს ფუტკარს ვიდრე ცნობილი დაავადებები. შექმნილია უკვე სამუშაო ჯგუფი, სოფლის მეურნეობის სამინისტროსთან ერთად მიდის მუშაობა, რომ ერთობლივი ძალებით მოხდეს დაფიქსირება და ლოკალიზება ამ დაავადების, თუმცა არ დაფიქსირებულა ჯერ კახეთის მხარეს, მაგრამ ველოდებით, რომ იქაც რაღაც პერიოდის შემდეგ დაფიქსირდება და ამ დრომდე უნდა მოვასწროთ ვისწავლოთ როგორ გავუმკლავდეთ.

დასავლეთ საქართველოში უკვე განადგურდა ფუტკრის ოჯახები, რაც აისახება მოსავალზე და სავაურაუდოდ თაფლის ფასი გაიზრდება,”- ამბობს ალავერდის მონასტრის საფუტკრე მეურნეობა თაფლიკაცი, შოთა კალანდარიშვილი.

თეგები: პარაზიტი / ფუტკრები /

Հեղինակ:

Tv9news

Երկ.

Երեք.

Չոր.

Հինգ.

Ուրբ.

Շաբ.

Կիր.