Ռուսաստան գնալն արժը 500-1200 լարի – բնակիչները բողոքում են թանկացած գների պատճառով

Գյուղատնտեսություն

27.02.2021

Ախալցիխեի մունիցիպալիտետում երկու միանման անուն կրող գյուղ կա: Մեկը վրացական է, իսկ մյուսը բնակեցված է ազգությամբ հայերով: Երկուսի անունն էլ Ծինուբան է: Հայերով բնակեցված գյուղը գտնվում է Ախալցիխեից 13 կմ հեռավորության վրա, իսկ ծովի մակարդակից բարձր է 1330 մետրով: Գրեթե դատարկ գյուղում բնակիչները զբաղվում են գյուղատնտեսությամբ:

«Ջուրը սարից հոսում է, բայց ճանապարհին ճնշման ավելացման պատճառով խողովակը տրաքվում է, մարդիկ դեռ ջուր չունեն»,-ասում է Բալասան Բալասանյանը և շարունակում թվարկել Ծինուբանում առկա խնդիրները: Բացի խմելու ջրից, գյուղում բողոքում են նաև բուժկետի, ճանապարհների, մանկապարտեզի և սպորտային դաշտի բացակայության պատճառով:
«Միայնակ կին եմ, տեր չունեմ, գյուղում ոչ բժիշկ կա, ոչ բուժքույր: Ասում են, որ մեր գյուղն էլ համարվում է Ծղալթբիլայի համայնքի մաս: Այսքան ճանապարհ ինչպես անցնեմ»,- հարցնում է Շուշանա Մանասովին:

Գյուղը մանկապարտեզ և մարզադաշտ չունի: Տեղացիների կարծիքով, գործազրկության հետ մեկտեղ, սա լրացուցիչ պատճառ է, որպեսզի բնակչությունը հեռանա Ծինուբանիից:

«Գյուղում ոչ այգի կա, ոչ խաղահրապարակ: Որքա՞ն ժամանակ մեր երեխաները կարող են գնալ հարեւան գյուղ: Եթե խնդիրը ժամանակին չլուծվի, շուտով գյուղում ոչ ոք չի մնա»,- ասում է Գրիշա Եսայանը:

Ծինուբանում ասում են նաև, որ իշխանությունը նրանց մասին մոռացել է, քանի որ նրանց վարչական տարածքային միությունում այս գյուղը միակն է, ոտեղ չկա նորմալ ավտոճապարհահատված, այն դեպքում, երբ բոլոր հարևան գյուղերում ճանապարհներն ասֆալտապատված են:

Գյուղում առկա խնդիրների պատճառով տեղացիները փորձում են Ռուսաստանից գումար ուղարկել Վրաստանում մնացած ընտանիքներին: Համաճարակի պատճառով առանց այն էլ աղքատ ընտանիքների հոգսերին ավելացավ սկզբում փակ սահմանների խնդիրը, իսկ հետագայում `թանկացած ճանապարհորդությունն: Չնայած հայ-վրացական սահմանի բացմանը, բնակչության մի մասի համար դեռ դժվար է լքել երկիրը:

Current Time 0:00

Duration Time 0:00

Loaded: 0%

Progress: 0%

Stream TypeLIVE

Remaining Time -0:00

«Եթե նախկինում Վրաստանից դուրս գալու համար ծախսում էինք 500 լարի, հիմա 1200 լարի է անհրաժեշտ:Ամեն ինչ թանկացել է: Իսկ մենք, համաճարակի պատճառով մեկ տարուց ավելի է, ինչ տներում փակված ենք»,- խոսում են Ծինուբանում:

Դատարկված գյուծում խմելու ջրի խնդրի լուծմանը սպասում են մինչ այժմ: Ախալցիխեի քաղաքապետի ներկայացուցիչը Ծինուբանի գյուղում ասում է, որ տեղական կառավարությունը տեղյակ է խնդիրների մասին: Մկրտիչ Կարապետյանը նաեւ պնդում է, որ նա օգնության խնդրանքով արդեն դիմել է նորընտիր պատգամավորին:

«Ջրի, գազի, մանկապարտեզի և բուժկետի մասին տեղական իշխանության հետ արդեն զրուցել եմ: Պատգամավորը խոստացավ օգնել լուծել խնդիրները: Հիմա սպասում եմ, թե երբ կկարողանան աշխատանք սկսել: Եթե Ծինուբանում որևէ գործ է արվել, ապա դա բարեգործի շնորհիվ է»,- հայտարարում է Մկրտիչ Կարապետյանը:

Ըստ 2002 թվականի մարդահամարի տվյալների, գյուղում բնակվում էր 425 մարդ, իսկ 2014-ին նրանց թիվը կրճատվել է՝ հասնելով 250-ի:

Հրապարակվել է Վրաստանի Բաց հասարակության հիմնադրամների և Վրացական ռազմավարության ու զարգացման կենտրոնի (GCSD) ֆինանսական աջակցությամբ:Հեղինակի / հեղինակների կողմից տեղեկատվական նյութում հայտնված կարծիքը չի կարող արտացոլել հիմնադրամի և կենտրոնի դիրքորոշումը: Ըստ այդմ, «Բաց հասարակության հիմնադրամը» և «Վրացական ռազմավարության և զարգացման կենտրոնը» պատասխանատու չեն նյութի բովանդակության համար:

Հեղինակ:

ვერონიკა გვარამაძე

Երկ.

Երեք.

Չոր.

Հինգ.

Ուրբ.

Շաբ.

Կիր.