«Իմ աղջիկը մեզանից թաքցնում էր, որ ամուսինը ծեծում էր»,- տուժած կնոջ հայրը

Հասարակություն

19.02.2020

Ախալցիխեի մունիցիպալիտետի գյուղ Սվիրում ապրող կինը, ում ամուսինը կացնով և զենքով սպառնում էր սպանել, իր ընտանիքում տեղի ունեցող ողբերգության մասին չի խոսում:

Միջադեպի մասին դժվարանում են խոսել նաև կնոջ համագյուղացիները, քանի որ մեղադրյալն ու տուժածը գյուղ Սվիրի բնակիչներն են:

Գյուղացիները դրական վերաբերմունք ունեն ինչպես ամուսնու, այնպես էլ կնոջ նկատմամբ, չնայած ասում են, որ ընտանիքում տարաձայնություններն առաջանում էին հիմնականում տղամարդու ոչ սթափ իրավիճակի պատճառով:

Հարբած վիճակում գտնվող ամուսինը հաճախ, անչափահաս երեխայի ներկայությամբ ֆիզիկական վիրավորանք էր հասցնում կնոջը:

Նման դեպքերից մեկը տեղի է ունեցել փետրվարի 5-ին, որի ժամանակ կինը փրկվել է հարևանի շնորհիվ:

Ֆիզիկական ոտնձգությունից հետո տղամարդը փորձել է կացնահարել կնոջը և սպառնացել է սպանել նրան, ինչից հետո ականատեսը ոստիկանություն է կանչել:

44-ամյա տղամարդը, ով ներկայումս գտնվում է բանտում, նախկինում կատարված նույն հանցագործության համար մեկ անգամ եղել է ձերբակալված: Իրադեպից հետո նրանք միասին չէին ապրում:

Կնոջ և երեխայի հանդեպ բռնություն ցուցադրող տղամարդու հայրը իրավիճակը կապում է որդու առողջական խնդիրների հետ:

Նրա խոսքով, վերջին ժամանակներում առողջական վիճակն այնքան էր բարդացել, որ կալանավորված տղամարդը կախված էր դեղորայքից:

Հեղինակ:

Սիրուշո Անտոնյան

Երկ.

Երեք.

Չոր.

Հինգ.

Ուրբ.

Շաբ.

Կիր.