Նոր ուսումնական տարին  միջնակարգ դպրոցներում երկու ամիս առաջ է  սկսվել, սակայն որոշ ուսումնական հաստատություններում գրքերի և տետրերի պակասը դեռ զգացվում է:
Ռիմա Ասլանյանի երկու երեխան էլ Ախալցխայի երրորդ դպրոց են հաճախում: Երկրորդ և երրորդ դասարանի աշակերտները վրաց լեզվի գրքեր չունեն: Ուսուցիչները և ծնողները պատճենահանել են գրքերը բոլորի համար:

«Անցած տարի ունեին, իսկ այս տարի ոչ: Վրաց լեզվի գրքերը ստիպված պատճենահանել ենք: Ասում են, որ դեռ չեն տպագրել », -ասում է երկու աշակերտի մայրը:

Ռիմա Ասլանյանի ետրեխաների նման առանց գրքերի է մնացել նաև Մանիա Մանուկյանի երկրորդ դասարանի երեխան:
« Դասարանում միայն մեկ գիրք կար, բոլորը պատճենահանեցին այդ մեկից: Դասագրքերի խնդիր միշտ ունեցել ենք: Վրացերենի , անգլերենի, բնության և մաթեմատիկայի գրքերը դպրոցից ստացել ենք: Հայոց լեզվի դասագիրքը իմ ընկերուհին տվեց», - ասում է Մանիա Մանուկյանը:


Ախալցիխեի երրորդ դպրոցում նոր ուսումնական տարին հին դասագրքերով է սկսվել: Տնօրենը ասում է, որ երկրորդական դասագրքերը բոլոր առարկաներում բաժանվել են:առաջինից մինչեւ 12-րդ դասարանը ներառյալ:

« Հին գրքերից ենք օգտվում, այլ դպրոցներին եթե հարկավոր չե, տալիս են մեզ: Եթե վնասված գրքեր են լինում մենք պատճենահանում ենք: Որոշ գրքեր այլևս մատչելի չեն», - ասում է Սուսաննա Ակոպովան:

Դպրոցի տնօրենը առաջինից 6-րդ դասարանի աշակերտներին նոր դասագրքեր խոստանում է մեկ տարի հետո: Սուսաննա Ակոպովան պատմում է, որ նրանց համար դեռ չեն հրապարակել հայերեն դասագրքերը:

«Նոր գրքեր դեռ չենք ստացել, այդ պատճառով էլ նոր ուսումնական ծրագրով չենք անցնում: Առաջինից 6-րդ դասարանի աշակերտները հաջորդ ուսումնական տարվանից կունենան նոր գրքեր: Մնացածը աստիճանաբար »:



Դասագրքերը պակասում են նաև Ախալցիխեի առաջին միջնակարգ դպրոցում: Տասերրորդ դասարանի աշակերտները ասում են, որ անգլերենից ընդամենը մի քանի դասագրքեր են ստացել, և ստիպված պատճենահանել են:

« 11-րդ դասարան երեքն են: Բնության դասագրքերը մի քանիսն են և բոլորս դրանից ենք ոգտվում: Քաղաքացիական կրթության գրքերը նույնպես շատ քիչ են:» - Ասում են առաջին դպրոցի աշակերտները :

Դպրոցի տնօրենը համաձայն չէ աշակերտների հետ: Ժուժունա Գոգոլաուրին ասում է, որ դպրոցում բոլոր գրքերը բավական քանակությամբ են: Բայց ծանր պայուսակի պատճառով աշակերտները գրքերը տուն չեն տանում:

« Առաջինից 6-րդ դասարանի գրքերով լիովին բավարարված ենք: Յոթերրորդից մինչև 12-րդ դասարանի համար գրքերը դեռ չեն տպագրել: Բայց նախարարությունը լրացրել է այդ պակասը: Եթե ինչ-որ գիրք է պակասում մենք դիմում ենք ռեսուրս կենտրոն:Գործակալությունը պարզում է, արդյոք որևիցէ դպրոցում չկա ավելորդ գիրք և այսպիսով օգնում են մեզ: Կարող է նոր չլինել, բայց երեխան կարող է օգտագործել այն:» - Ասում է Ժուժունա Գոգոլաուրին:


Առաջին միջնակարգ դպրոցում ավելի քան հազար ուսանողներ են ընդունվում: Բարձր դասարանի աշակերտները աշխատանքային տետրերի պակասից են բողոքում: Նրանց հետ տնօրենը համաձայնվում է, սակայն նշում է, որ սա աննշան խնդիր է և դրա շնորհիվ ուսումնական գործընթացը չի տուժի:

« Ռուսաց լեզվի և անգլերենի գրքերի պակաս կա: Բայց սա աղետ չէ:Եթե որևէ մեկին հարկավոր է, դպրոցում ենք պատճենահանում: Այդ պատճառով ուսումը չի դադարում: Բացի սրանից, ուսուցիչները թելադրում են,օգնում երեխաներին:» - Ասում է դպրոցի տնօրենը:



Կրթական եւ գիտական ենթակառուցվածքների զարգացման գործակալությունում ասում են, որ ուսումնական տարին սկսվելուց հետո դպրոցների համար գրքերի բաժանելը իրականացվել է երկու փուլով:

«Ուսումնական տարվա սկզբում կրթության կառավարման համակարգը տեղեկություն է տալիս, որի շնորհիվ պարզում ենք որ դպրոցին քանի գիրք է հարկավոր: Եթե դպրոցում պակաս կա, տեղեկացնում են և անմիջապես ուղարկում ենք:» - Տեղեկացնում է նյութական անվտանգության ծառայության գլխավոր մասնագետը:

Էկա Օմաիձեն արձագանքում է նաև երրորդ հանրային դպրոցում տետրերի պակասությանը:
« Հայկական դպրոցները խնդրեցին վրացերենի և մաթեմատիկայի գրքեր եւ մենք ուղարկեցինք: Ախալցիխեի 3-րդ դպրոցը նույնպես պետք է դիմի մեզ և մենք կաջակցենք:»

Վրաստանի կրթության եւ գիտության նախարարությունը դպրոցականների համար անվճար դասագրքերի բաժանումը 2013 թվականից Գիորգի Մարգվելաշվիլիի պաշտոնավարման ընթացքում է սկսել: Մինչ այդ անվճար դասագրքեր տալիս էին միայն սոցիալական անապահով երեխաներին: 2018 թվականին դասագրքերի պատճենահանման համար 14 500 000 լարի ծախսվել է: