Ախալքալաքի գյուղ Ազավրեթի հանրային դպրոցի 210 աշակերտներ իրենց ծնողների իմացությամբ դասադուլ են հայտարարել: Աշակերտները պահանջում են նոր դպրոց, քանի որ այժմյան դպրոցը վթարային իրավիճակում է և այնտեղ դասընթացներ անցկացնելը վտանգավոր է կյանքի համար:

«Մենք չենք թողնում և երեխաներն էլ չեն ուզում հաճախել դպրոց»:

«Այս դեպքում երեխաների կյանքը ավելի կարևոր է, քան կրթությունը»,- ասում են Ազավրեթի հանրային դպրոցի աշակերտների ծնողները:

Դպրոցի պատերը մի քանի սենյակում քանդված իսկ առաստաղի տախտակները փտած են, վատթար վիճակում է դպրոցի տանիքը, վնասված է նաև հատակը: Այս տարի դպրոցում մի քանի սենյակներ ընդհանրապես փակված են եղել, քանի որ առաստաղից հողը թափվում էր երեխաների վրա: Վարչակազմում ասում են, որ 1937 թվականին կառուցված դպրոցում վերանորոգման կոսմետիկ աշխատանքներ միայն մեկ անգամ՝ 20 տարի առաջ են անցկացվել:

«Դպրոցի աշխատակազմը հասկանում է երեխաների պահանջը, նրանք իրավացի են, քանի որ այս դպրոց հաճախելը վտանգ է հանդիսանում նրանց կյանքի համար»,- ասում է դպրոցի տնօրեն՝ Սլավիկ Եղիազարյանը:



Սլավիկ Եղիազարյանը բազմիցս դիմել է Ախալքալաքի քաքաղապետարանին, օգնության խնդրանքով, սակայն ապարդյուն: Ի վերջո տնօրենը նամակ է գրել Վրաստանի վարչապետ՝ Մամուկա Բախտաձեին: Վրաստանի կառավարության վարչությունը, ապրիլի 3-ին, դպրոցի տնօրենի նամակը, կրթության նախարարություն, ենթակառուցվածքային գործակալություն և Ախալքալաքի քաղաքապետարան է ուղղարկել, պահանջելով ուսումնասիրել խնդիրը:

Կրթության և ենթակառուցվածքային նախարարությունների հասարակության հետ կապերի գործակալությունը 9-րդ ալիքին խոստացավ, որ կպարզեն, թե ինչ ընթացք կհետևի տնօրենի նամակին: Ընդհատված ուսումնական գործընթացի մասին կրթության նախարարության հասարակայնության հետ կապերի գործակալությունում ոչինչ չգիտեին, իսկ մեկնաբանություններ կանեն միայն հարցն ուսումնասիրելուց հետո:

Ախալքալաքի քաղաքապետարանում սպասում են իրադարձությունների զարգացմանը, ուստի խնդրի շուտափույթ լուծման համար ոչինչ առաջարկել չեն կարող:

«Այս փուլում նախատեսվում է դպրոցի վերանորոգումը, որի համար կծախսվի մոտ մեկ միլիոն լարի: Այս գումարը կտրամադրի կենտրոնական բյուջեն, իսկ վերանորոգման աշխատանքները կսկսենք հաջորդ տարի»,- ասում է Յուրի Հունանյանը:



Ծնողները եւ ուսուցիչները երեխաներին մոտակա դպրոց տեղափոխելու հարցը նույնիսկ չեն քննարկում: Նրանք կտրականապես դեմ են ուղղարկել երեխաներին հարևան՝ մոտ 2կմ հեռավորության վրա գտնվող գյուղի դպրոց:

«Ճանապարհները վատ են, երեխաները ձմռանը չեն կարող գնալ: Միշտ ուժեղ քամի է, չենք կարող թողնել: Այդ իսկ պատճառով, որքան հնարավոր է շուտ պետք է լուծում տան այս հարցին»:

Ախալքալաքի ռեսուրս կենտրոնը tv9news.ge-ի հեռախոսազանգերին չի պատասխանում: Նրանց դիրքորոշումը ուսումնական ծրագրի վերաբերյալ անհայտ է: