Առցանց մանկապարտեզ – ինչպիսի՞ն է երեխաների դպրոցական տրամադրվածությունը

Կրթություն

12.02.2021

Փակ մանկապարտեզներն ու դաստիարակության գործընթացը հեռակա կարգով - Համաճարակային իրավիճակի պատճառով դադարեցված աշխատանքները երկարաձգվեցին մինչև մարտի 1-ը: Հոգեբաններն ասում են, որ այս տարի առաջին դասարանի երեխաները դպրոց կգնան անպատրաստ:

Մինչև մանկապարտեզները կստանան գործունեության վերսկսման իրավունք, 6 տարեկան երեխաները ուսումնական ծրագիրը կանցնեն առցանց: Իրական հարաբերությունները փոխարինվել են հեռավարով, ուստի սկսվել են խնդիրներ: Սոցիալականացումը, որը սովորաբար երեխաների կյանքում հիմնավորվում է վաղ տարիքից, դարձել է հիմնական մարտահրավերը: Նրանք այլեւս շփում չունեն հասակակիցների հետ:

«Երեխաները միմյանց հետ շփվել չեն կարող, մոռացել են իրար: Դրա համար էլ սոցիալականացման խնդիրներ են ստեղծվում և կարծես օտարացել են միմյանցից»,- նշում է Ախալցիխեի մանկապարտեզներից մեկի երեխայի մայրը:

Ծնողները, ովքեր այժմ տանը նկատում են իրենց երեխաների փոխված վարքը, ասում են, որ առցանց մանկապարտեզը կապված է բազմաթիվ դժվարությունների հետ, և երեխաները դժվարանում են ընտելանալ դրան:

«Ճիշտ է, երեխաները առցանց տնային առաջադրանքներ են կատարում, բայց դա ոչինչ է համեմատած խմբում, աշակերտների հետ զբաղվելու հետ: Երեխաները կորցրել են ռեժիմը, նրանք այլեւս չեն կարող արթնանալ առավոտյան, նրանք այլեւս չեն վստահում մեզ: Ես փորձում եմ սովորեցնել, բայց նա ինձ չի լսում: Համոզված եմ, որ մանկապարտեզում կվստահեր իր մանկավարժին», - ասում է վեցամյա Էլենեի մայրը` Սալոմե Զեդգինիձեն:

Ըստ նրա, առցանց ուսուցումը բարդ հետքեր կթողնի մանկապարտեզից դպրոց ուղևորվող երեխաների կյանքում: Կարծում է, որ առաջին դասարանցիները սեպտեմբերին որոշ դժվարությունների կհանդիպեն: Նրանք ստիպված կլինեն ընտելանալ հին ռեժիմին, և առաջին հերթին տարրական դասարանների ուսուցիչները պետք է զբաղվեն այդ խնդիրներով:
Տեղի իշխանությունները պնդում են, որ հեռավար ուսուցումն ընթանում է առանց խոչընդոտների: Նախադպրոցական հաստատությունների ասոցիացիայի ղեկավար՝ Մարինա Մերաբիշվիլիի խոսքով ՝ ինտերնետ չունեցող երեխաների հետ, մանկավարժները կապվում են հեռախոսով:

Առցանց մանկապարտեզը կապված է որոշակի դժվարությունների հետ, այս մասին խոսում է նաեւ Ուդեի N2 մանկապարտեզի դաստիարակը: Խաթունա Մղեբրիշվիլին ասում է, որ հեռավար մեթոդը հատկապես անարդյունավետ է 5-6 տարեկան երեխաների համար, ովքեր վերջին տարվա ընթացքում ստիպված են ձեռք բերել դպրոցի համար անհրաժեշտ բոլոր հմտությունները հենց մանկապարտեզում:

«Որոշեցինք տեսանկարահանումներ կատարել, բայց առցանց աշխատելիս նրանց տարիքում անհրաժեշտ հմտությունները հնարավոր չէ զարգացնել: Առցանց շփման միջոցով նրանք չեն կարող լինել շփվող, ընկերասեր և չեն կարող սովորել դժվար ժամանակներում կանգնել միմյանց կողքին»,-ասաց Խաթունա Մղեբրիշվիլին:

Ըստ նրա, չնայած գործընթացում ներգրավված են ինչպես ուսուցիչը, այնպես էլ ծնողը և մանկավարժը, առցանց կապը փոքրիկների համար միևնույն է դժվար է:
Հոգեբանները կարծում են, որ երեխայի դաստիարակության գործընթացից դուրս գտնվելն առանց հետքերի չի ավարտվի: Ապագա առաջին դասարանցիները կդժվարանան կապ հաստատել հասակակիցների հետ դպրոցում և ներգրավվել դասապրոցեսում:

«Մանկապարտեզը երեխային սովորեցնում է շփվել հասակակիցների հետ ու խաղալ, ինչը անհրաժեշտ է նրա զարգացման համար: Ցավոք, երեխաները զրկված են այս ամենից: Այս պատճառով նրանք շատ նյարդայնացած են և չեն կարող ազատվել հույզերից: Մանկապարտեզը նախապատրաստական փուլ է երեխաների համար ՝ սովորելու, թե ինչպես կապվել դպրոցում ընկերների, ուսուցիչների և ծնողների հետ», - բացատրում է հոգեբան՝ Սոֆո Թավաձեն:

Եւ երեխաների ծնողներին խորհուրդ է տալիս դիմել մասնագետի և զբաղվել երեխայի տարիքին համապատասխան ակտիվություններով:
Նրանք, ովքեր օգտվում են ինտերնետից, բախվում են հոգեբանական խնդրի՝ կախվածության էլեկտրոնային սարքերից, ծնողը ժամանակի սղություն է զգում: Այնուամենայնիվ, Ախալցխիխեի քաղաքապետարանում շատ երեխաներ կան, որոնք ֆիզիկապես ի վիճակի չեն մասնակցել առցանց դասերի: Համաճարակի ընթացքում World Vision Վրաստանն ուսումնասիրեց մանկապարտեզների երեխաների և ծնողների խնդիրները: Ըստ Սամցխե-Ջավախքի զարգացման կենտրոնի տնօրեն՝ Նինո Լոմիձեի, հետազոտության արդյունքում պարզվել է, որ երեխաների 27% -ը ինտերնետ չունեն, կամ ընտանիքները չունեն համապատասխան սարքավորումներ: Հարցված ծնողների 14% -ն ասում է, որ երեխաներն ընդհանրապես ընդգրկված չեն հեռավար կրթության ծրագրում:

«Այս տարիքի երեխաների համար, իհարկե, խնդիրը դպրոցական պատրաստվածությունն է, բայց մանկապարտեզների ղեկավարները, մանկավարժները և ասոցիացիաները ցանկանում են դպրոցական տարիքի երեխաների համար նախադպրոցական ծրագիր առաջարկել: Այնուամենայնիվ, շատ գործոնների համադրություն ազդում է կրթության վրա, ներառյալ ընտանեկան կարգավիճակը, ծնողների ավելի քիչ պատրաստակամությունը `իրենց երեխաներին հեռակա ուսուցման մեջ ընդգրկելու համար», - ասում է Նինո Լոմիձեն:

Հեռավար կրթության ոլորտում խնդիրներ է տեսնում նաև World Vision Վրաստանի վաղ կրթության ծրագրի համակարգողը: Ցիրա Բարքաիան կիսում է այն կարծիքը, որ քանի որ փոքրիկները չեն կարողացել ամբողջ տարին հաճախել մանկապարտեզ, նրանք դպրոց գնալու զգացմունքային պատրաստակամություն չեն ունենա:

«Հիմա ամենակարեւորն այն է, որ երեխան ծնողի աջակցությամբ պատրաստվի դպրոցին: Նա պետք է հնարավորություն ունհենա ծանոթանալու իր դպրոցի, դասարանի հեր: Ցանկալի է, որ երեխան, ծնողը և տարական դասարանի ուսուցիչը առցանց ծանոթանան: Ուսուցիչը իմանա, թե ինչ նախասիրություններ ունի երեխան և ինչով է հետաքրքրված իր ապագա աշակերտը»,- նշում է Ցիրա Բարքաիան:

Երեխաների հոգեբանական-հուզական ֆոնը ամրապնդելու համար հոգեբանները ծնողներին խորհուրդ են տալիս մի շարք գործողություններ իրականացներ: Դրանց թվում է նաև տանը «դպրոց» խաղալը, որպեսզի փոքրիկները կարողանան ընկալել դպրոցի կարևորությունը: Բացի այդ, կարևոր է, որ ծնողները լսեն իրենց երեխաներին և հասկանալի լեզվով պատասխանեն նրանց հարցերին:

Վրաստանի նախադպրոցական կրթության համակարգում երեխաների ազգային մասնակցության մակարդակը 69,5% է: Այս ցուցանիշը շատ ավելի բարձր է եվրոպական երկրներում, որտեղ մակարդակը հասնում է մինչև 95%-ի: Վրաստանի տվյալներն ավելի ցածր են ազգային փոքրամասնությունների, հաշմանդամություն ունեցող երեխաների, ինչպես նաև սոցիալապես անապահով և գյուղական ընտանիքների երեխաների շրջանում:

გამოცემულია საქართველოს ღია საზოგადოების ფონდისა და საქართველოს სტრატეგიის და განვითარების ცენტრის (GCSD) ფინანსური მხარდაჭერით. ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს ფონდისა და ცენტრის პოზიციას. შესაბამისად, ღია საზოგადოების ფონდი და საქართველოს სტრატეგიის და განვითარების ცენტრი არ არიან პასუხისმგებელი მასალის შინაარსზე.

Հեղինակ:

ნინი ბერიძე

Երկ.

Երեք.

Չոր.

Հինգ.

Ուրբ.

Շաբ.

Կիր.