Կարմրուկը սուր վիրուսային խիստ վարակիչ հիվանդություն է, որը այժմ տարածված է Վրաստանում

Ըստ Հիվանդությունների վերահսկման ազգային կենտրոնի, հունվարի մեկից մինչ օրս, կարմրուկի 350 դեպք է գրանցվել: Իսկ անցած տարի վարակով մահացել էր 3 քաղաքացի: Մասնագետների կարցիքով պատճառը վակցինացման մերժումն է:

Թեոնայի կարմրուկն ախտորոշել են Թբիլիսիում: 20-ամյա աղջկա մոտ վարակը տարածված է թեթև ձևով: Բժիշկները բացատրեցին, որ դրա պատճառը նախկինում կատարված պատվաստանյութն է:
«Իմ ծանոթի մոտ սկսվել էր, սովորական շփվում էի նրա հետ, մինչև հասկացա որ դա կարմրուկ էր: Նրանից փոխանցվեց ինձ: Մայրիկս ասաց, որ կարմրուկի բոլոր պատվաստանյութերը սրսկվել եմ, դրա համար շատ չվախեցա: Բժիշկս էլ ասաց, որ ծանր ոչինչ չկա և մարմնիս վրա հետքերը մի քանի օրվա ընթացքում կկորչեն»,- ասում է ուսանողուհին:

Ի տարբերություն Թեոնայի մայրիկին, Քեթեվան Գիորգաձեն 3 երեխաներին այնպես է մէծացրել, որ նրանց երբեք չեն անցկացրել վակցինացում: Նրա խորհրդով սրսկումներ չեն արել նաև թոռներին:

« Պատվաստման ժամանակ օրգանիզմում առաջանում են վիրուսներ, ի՞նչ կարիք կա անտեղի վիրուսներին արթնացնել: Միգուցե իմ երեխաներին երբեք չպետք է հանդիպեն այնպիսի հիվանդություններ ինչպիսին են օրինակ կարմրուկը, խոզուկը և այլն: Ոչ էլ այդ պատվաստանյութերին եմ վստահում: Ասում են որ սրսկումից հետո հնարավոր է երեխաի ձեռք.ոտը անշարժանա»,- ասում է 3 երեխայի մայրը:



Կարմրուկով վարակվելու տեսակետից բարձր ռիսկի խումբ են նախկինում չհիվանդացած (կամ հիվանդացած, սակայն լաբորատոր հետազոտության չենթարկված) և կարմրուկի դեմ գոնե մեկ դեղաչափ պատվաստում չունեցող անձինք, հատկապես 15-29 տարեկանները: Իսկ այսպիսին աշխարհում կես միլիոնն են: Ըստ Վրաստանի հիվանդությունների վերահսկման և կանխարգելման ազգային կենտրոնի տվյալների Վրաստանում մինչև 6 տարեկան երեխաների 10% -ը պատվաստում չեն անցել:

Հիվանդության խստիվ զարգացման հետևանքով Վրաստանի առողջապահության նախարարպությունը որոշում կայացրեց անվճար պատվաստանյութեր տրամադրել բոլոր խմբի մարդկանց :

« Պատվաստումների անցկացումը հարկավոր է բոլոր այն մարդկանց, ովքեր ժամանակին որոշ պատճառներից ելնելով չեն ընդունել սրսկումները: Սա արդյունավետ միջոց է խուսափել երկրում առկա, առողջությանը վտանգ սպառնացող խնդրից»,- հայտարարեց Դավիդ Սերգեենկոն:

Սամցխե-Ջավախքում կարմրուկի դեպքեր գրանցվել են, սակայն տվյալները վտանգավոր չեն: Ախալցխայի հասարակական առողջապահության կենտրոնում ասում են ,որ քաղաքում վարակով հիվանդացել էր մի տղամարդ, այն էլ 2018 թվականին: Ըստ Խատի Խաբուլիանի, պատճառը այն պատվաստանյութերն են, որոնցով սրսկումն է արվել:

«Կարմրուկի դեպքեր,մեզ մոտ ընդհանրապես չպետք է գրանցվեն: Շատ էինք աշխատում և պատվաստումներն էին ընթանում»,- ասում է Խատի Խաբուլիանը:



Ախալցիխեում 6-ամյա Սաբան բոլոր սրսկումներն ընդունել է ժամանակին: Նրա ծնողն ասում է, որ երեխային տարածված հիվանդությունից պաշտպանել կարող է միայն այս ճանապարհով:

« Ինձ մոտ կարմրուկը սկսվեց բարձր տարիքային հասակում: Բոլոր հարկավոր սրսկումներն ընդունել էի և հեշտությամբ անցավ հիվանդությունը: Ոչ էլ մտածել եմ այն մասին, պետք էր արդյոք սրսկել երեխային թե ոչ: Կարծում եմ բոլոր երեխաները պետք է ընդունեն վակցինացիաները»,- ասում է Լիկա Էնդէլիձեն:

Կարմրուկը սուր վիրուսային խիստ վարակիչ հիվանդություն է, որը բնորոշվում է ցիկլիկ ընթացքով, արտահայտված ինտոքսիկացիայով, կատառալ և ցանային համախտանիշով: Վարակի աղբյուրը միայն հիվանդ մարդն է' գաղտնի շրջանի վերջին օրերից, ողջ կատառալ և որոշ չափով ցանավորման շրջանում:

Առողջապահության համաշխարհային կազմակերպության տեղեկատվությամբ, 1000- ից մեկ դեպքում է որ կարմրուկին հաջորդում է մահը:

Կարմրուկի դեպքեր Վրաստանում ամեն տարի գրանցվում են: Քանի որ բնակչության մեծ մասը պարտադիր սրսկումներից խուսափում են: Ըստ փորցագետների այս վտանգից խուսափելու միակ հնարավորությունը պատվաստումն է: