Մոտ երկու շաբաթից սոճիները կծաղկեն: Աբասթումանիում տեղացիները պատրաստվում են ընդունել հանգստանալու եկած հյուրերին:
Բնակչության մեծամասնության եկամուտի հիմնական աղբյուրը համարվում է վարձով տված բնակարաններից ստացած գումարը: Հանգստավայրում հարց է առաջանում – Ու՞ր կգնան տուբերկուլոզի ախտորոշում ունեցող հիվանդները, հիվանդանիցի փակվելուց հետո:

Գիորգին (անունը փոխված է) թոքային տուբերկուլոզի բուժումն անցնում է երկրորդ անգամ: Մի քանի տարի առաջ, լիովին առողջացած մարդու հիվանդությունը կրկնվեց:

«Այսպես էլ է լինում, որ ամբողջովին վերականգնվում ես, բայց որոշ ժամանակ անց պարզվում է, որ այդ հիվանդությունը կրկնվում է, նրա մի մասը դեռևս մնում է քո մեջ և այն էլ կարող է փոխանցվել այլ անձանց: Հիմա ավելի լավ դրություն է ինձ մոտ»,- ասում է նա:

Մոտ 50 տարեկան տղամարդը Աբասթումանում է անցել բուժման և առաջին, և երկրորդ փուլերը: Ասում է, որ հանգստավայրում ավելի լավ է զգում, հատկապես ամռանը, երբ Թբիլիսիում դժվարանում է շնչել:

«Հնարավոր է, նորաշեն Վերականգնողական կենտրոնում ինձ չնդունեն, բայց ամռանը Աբասթումանի միևնույն է կգնամ: Այս անգամ ստիպված եմ իմ բյուջեից հատկացնել բնակարանի և սննդի գումարը: Իմ առողջական վիճակը վտանգավոր չէ, բայց ես այնուամենայնիվ կփորձեմ հնարավորինս խուսափել բնակչությունից»,- ասում է հիվանդը:

Աբասթումանիի հիվանդանոցում բուժվող բոլոր 25 հիվանդները առողջական կենտրոնը լքել են մարտ ամսի վերջերին:



Տուբհիվանդանոցի նախկին շենքը

Այսպւհետև Աբասթումանիում տուբերկուլոզային ախտորոշման հիվանդներ չեն կարող ընդունել: Աբասթումանի մուտքի մոտ գտնվող 100 մահճակալ պարունակող բժշկական կենտրոն է կառուցվում: Ըստ հիվանդանոցի տնօրենի, նոր բժշկական կենտրոնի կառուցումը կավարտվի 2019 թ. Մայիսին: Սարքավորման տեղավորումը պետք է տեւի մինչեւ օգոստոս: Հիվանդները նոր բժշկական կենտրոնում բուժումը կսկսեն հաջորդ տարվա աշնանը:

Աբասթումանիի տուբերկուլոզային հիվանդանոցում բուժվում էին ծանր և թեթև առողջական իրավիճակի հիվանդներ: Այստեղ ամռանը 70 հիվանդներ էին ընդունում, ձմռանը ավելի քիչ:

Բնակավայրում խուսափում են ազատ խոսել հիվանդանոցի փակման մասին: Տեղացիների մի մասը ասում է, որ սա Բիձինա Իվանիշվիլիի որոշումն է:

Բնակչության ակնկալիքները տարբեր են: Նրանց մի մասը ասում են, որ հիվանդանոցի փակումը նպաստում է բուժավայրի անվտանգությանը, մի մասն էլ կասկածում են, որ հիվանդներից շատերը հանգստավայրում կնախընտրեն մնալ մասնավոր տներում:

«Ես մի բան եմ հասկանում, որ քիչ թե շատ հնարավորության տեր հիվանդները կգան այստեղ, և կմնան վարձակալած բնակարաններում, սարսափելի է»:

«Երևի սխալ է միանգամից վերականգնումը, դեռ հիվանդներին բուժում է հարկավոր»:

«Շնորհակալ պետք է լինենք, աբասթումանցիներ, որ այդ վտանգավոր շինությունը հեռացրին»:

Տեղացիներին հանգստացնում է Ռեվազ Ժղենտը: Ըստ նրա, հիվանդը, ով կարող է վտանգ հանդիսանալ բնակչության համար, բուժավայր գալ չի կարող, քանի որ նա բուժվում է և Աբասթումանիի հիվանդանոցը նրան հարկավոր օգնություն տրամադրել չի կարող:

«Այս հարցը խստորեն կարգավորվում է ամբողջ Վրաստանում: Կառավարումը ինքնաբերաբար չի լինում, որ ով որտեղ ցանկանա, այնտեղ անցնի բուժումը: Բոլոր հիվանդների բոլոր անձնական տվյալները կքննարկվեն ամեն շաբաթ: Հիվանդը ամրացված կլինի այն ամբուլատորիային, որտեղ պետք է ընդունի դեղորայքներ: Նա այլ հանգստավայր գնալ չի կարող, այլ դեպքում բուժումը կընդհատվի»,- ասում է Ռեվազ Ժղենտը:


Ռեվազ Ժղենտ

Հիվանդանոցի նախկին հիվանդներին հուզում է ևս մեկ հարց: Դեռ պարզ չէ, վերականգնողական կենտրոնի ծառայությունը անվճար կլինի, թե ոչ: Տուբերկուլոզի հիվանդանոցը մասնակցում էր պետական ծրագրում, ուստի հիվանդը հիվանդանոցում բուժվում էր, իսկ այժմ, վերականգնողական կենտրոնում, բուժումից հետո վերականգնում են հիվանդին: Կենտրոնի աշխատանքի պայմանները անհայտ է նաև ղեկավարության համար: Գիորգին ասում է, որ իր տեղեկությունների համաձայն, վերականգնման մեկ օրը կարժենա 80 լարի: