Երեք ամիս անցավ նրանից հետո, երբ երեխաների ծնողները ստացան կապարի հետազոտությունների արդյունքները: Ասում են, որ բժշկական հաստատություններում ընդհանուր խորհրդատվություններից բացի, ոչինչ չեն ստացել: Ըստ ծնողների, Վրաստանում առողջապահության համակարգը պատրաստ չէր կապարի բացասական հետևանքների համար:

Թամարը 5 տարեկան Մարիամի մայրն է: Կապարի հետազոտության պատասխաններով այցելել է մի քանի բժշկական հաստատություններ: Ասում է, որ ընդհանուր խորհրդատվությունները ՝ տրված հիվանդությունների վերահսկման ազգային կենտրոնի կողմից, չեն բավարարում: Թամարն ասում է, որ ծանր մետաղի վնասակարության մասին հաստատություններում գիտեին նույնքան, որքան անձամբ նա: Նրա հինգ-ամյա աղջկա արյան մեջ հայտնաբերվել է 3.1 մգ / դլ. կապար:

«Մարիամը իր տարիքի համեմատ բարձրահասակ չէ: Պատասխանը ստանալուց հետո կասկածում եմ, որ օրգանիզմում կապարի բարձր պարունակության պատճառով կարող է խդնիրներ լինել: Բժշկին որ հարցրի, ասեց «հնարավոր է»: Շատ շփոթված եմ, ընդհանուր խորհրդատվությունները ի՞նչ են տալու: Ոչ ոք ճշգրիտ բան չգիտի»,- ասում է երեխայի մայրը:

Սամցխե-Ջավախքում 2-7 տարեկան 100 երեխա հետազոտվել են: Նրանցից 32-ի մոտ ծանր մետաղի մակարդակի բարձրացում հայտնաբերվեց: Ամենաբարձր ցուցանիշը գրանցվել է արեւմտյան Վրաստանում: Այս առումով Սամցխե-Ջավախքը
գտնվում է հինգերորդ տեղում եւ Թբիլիսիից առաջ է:

Չնայած նրան, որ կապարի անվտանգության չափը դեռևս հաստատված չէ և մարդու օրգանիզմում մետաղի պարունակությունը արդեն խնդիր է, բժիշկները Թամարին բացատրել են, որ ոչ մի վտանգ չի սպառնում: Չնայած սրան, փոքրահասակ երեխայի մայրը կրկին հետաքրքրվում է, թե ինչ եղանակով է հայտնվել ծանր մետաղը երեխայի օրգանիզմում:

«Երեխայիս միշտ կերակրում եմ կաթնամթերքներով: Մարիամը հիմնականում սնվում է առողջ սնունդով: Որտեղի՞ց է հայտնվել մետաղը իմ երեխայի օրգանիզմում: Այնպիսի տպավորություն է, որ հետազոտության արդյունքում ոչինչ չենք ստացել»,- ասում է երեխայի ծնողը:

Վերահսկողության ազգային կենտրոնում նշում են, որ մարդու մարմնի մեջ կապարի առնվազն պարունակությունը, որը առողջության համար վտանգ չի հանդիսանում, դեռևս հաստատված չէ: Չնայած , Առողջապահության համաշխարհային կազմակերպության եւ ԱՄՆ հիվանդությունների վերահսկման եւ կանխարգելման կենտրոնների խորհրդատվությունների համաձայն՝ պետք է անցկացվեն որոշ բուժումներ այն ժամանակ, երբ երակային արյան մեջ կապարի պարունակությունը հավասար կամ ավելի է 5 մկգ / դլ-ից: Նման երեխաներ Սամցխե-Ջավախքում 32-ն են:

Սամցխե-Ջավախքում բնակվող 100 երեխաների արյունը ուղարկվել է Իտալիայի առողջապահական ինստիտուտի լաբորատորիա: Արդյունքում, տարածաշրջանի երեխաների 32% -ի արյան մեջ կապարի քանակը տատանվում է 5-10 մկգ / դլ սահմաններում, որը մատնանշում է կապարի փոքր աճը: Երեխաների 12% -ի արյան մեջ քանակը հավասար է կամ մեծ է 10 մկգ / դլ-ից: