Վերջին երեք շաբաթում մենք ունենք դեպքերի աճ. Գամկրելիձե
Հիվանդությունների վերահսկման ազգային կենտրոնի տնօրեն Ամիրան Գամկրելիձեի խոսքով, վերջին երեք շաբաթվա ընթացքում Վրաստանում և աշխարհում գրանցվել է կորոնավիրուսով վարակման դեպքերի աճ։
Նրա խոսքով, շրջանառվում են B1 եւ B5 շտամներ, որոնք ավելի քիչ ագրեսիվ են։
«Վերջին երեք շաբաթվա ընթացքում ունենք դեպքերի աճ։ Աշխարհի շուրջ 110 երկրներում և Եվրոպայի 38 երկրներում դեպքերի թվի աճ է նկատվում։ Այսօր առավոտվա դրությամբ աշխարհում կա ավելի քան 700,000 դեպք, ինչը վկայում է աճի մասին, բայց մի փոքր հուսադրող է, որ կան B4 և B5 շտամներ, որոնք շրջանառվում են և որոնք ավելի քիչ ագրեսիվ են, բայց ավելի վարակիչ»:
Ամիրան Գամկրելիձեն կոչ է անում բնակչությանը պատվաստվել:
«Հավանաբար, թե դեպքերի աճ կլինի։ Դա կասեցնելու մեկ ճանապարհ կա՝ սա իմունային շերտը բարձրացնելն է, որպեսզի կարողանանք դիմավորել աշունը և բարելավել պատվաստումների մակարդակը։
B4 և B5 շտամների դեպքում արդյունավետ է խթանիչ դոզան: Ինչպես գիտեք, օրեր առաջ Առողջապահության նախարարի հրամանով 50 տարեկանից բարձր անձանց համար թույլատրվել է երկրորդ խթանիչ դոզան ընդունել: Ուզում եմ ընդգծել, ովքեր մեկ անգամ պատվաստվել են խթանիչ դոզայով, կատարեք երկրորդ չափաբաժինը:
Մենք հանգիստ կլինենք աշնանը և ավելի պաշտպանված կլինենք, կունենանք ավելի քիչ բարդություններ և ավելի քիչ զոհեր»,- ասել է Գամկրելիձեն։
Նրա խոսքով, երկրում կա երեք տեսակի պատվաստանյութ՝ «Pfizer», «Sinovac» եւ «Sinofarm», որոնք ունեն լավ պաշտպանվածություն։