Յուրաքանչյուր երկու րոպեն մեկ ամբողջ աշխարհում մահանում է կին՝ հղիության ընթացքում կամ ծննդաբերության ժամանակ, 2015 թվականից ի վեր թվերը չեն փոխվել և որոշ շրջաններում նույնիսկ ավելացել են:

«Ամեն երկու րոպեի ընթացքում կինը մահանում է հղիության կամ ծննդաբերության ընթացքում: Այս զեկույցում բացահայտվում են վերջին տարիներին կանանց առողջության ոլորտում անհանգստության միտումները, քանի որ գրեթե բոլոր թվերն աշխարհի տարբեր մասերում աճել են կամ մնացել են նույն մակարդակի վրա», – ասվում է փաստաթղթում:

2000-2020 թթ.- ին ազգային, տարածաշրջանային և գլոբալ մակարդակներում մայրական մահացությունը վերահսկող զեկույցը ցույց է տալիս, որ 2020 թ.-ին մոտ 287 հազար մայրական մահ է գրանցվել: 2016-ին գրանցվել է մոտ 309 հազար:

«2016- 2020 թթ.-ին ՄԱԿ-ի ութ շրջաններից երկուսում` Եվրոպայում և Հյուսիսային Ամերիկայում, ինչպես նաև Լատինական Ամերիկայում ​​և Կարիբյան ավազանում մայրական մահացության մակարդակը բարձրացել է համապատասխանաբար 17% -ով և 15% -ով», – նշում են կազմակերպությունից:

Ըստ ՄԱԿ-ի, 2020 թ.-ին մայրական մահացության բոլոր դեպքերի շուրջ 70% -ը տեղի է ունեցել Սահարայի հարավում գտնվող աֆրիկական երկրներում:

«Ուժեղ արյունահոսություն, արյան բարձր ճնշում, հղիության հետ կապված վարակներ, անապահով աբորտի և միաժամանակյա հիվանդություններից բխող բարդություններ, որոնք կարող են սրվել հղիության ընթացքում (օրինակ, ՄԻԱՎ / ՁԻԱ-ի և մալարիայի դեպքում)», – ասվում է զեկույցում:

ԱՀԿ-ն գլոբալ նպատակներին հասնելու համար, աշխարհին կոչ է անում միջոցներ ձեռնարկել մայրական մահացության նվազեցման համար, քանի որ 2030-ից ավելի շատ կին կարող է մահանալ: