Խեցեգործությամբ «թունավորվածները»

Մշակույթ

24.01.2019

Ախալցիխեի նկարչական դպրոցը սկսել է, Սամցխե-Ջավախքի մոռացված մասնագիտություններից մեկի՝ խեցեգործության վերականգնումն ու զարգացումը:

Մարիա Չախմախչյանը և Թամար Թամարաձեն մանկուց նկարում են: Մասնագիտությամբ հագուստի դիզայներներ են և կավե նմուշներ մինչ օրս միասին են պատրաստում:

«Նկարչությունը, գրանկարչությունը, կավեգործությունը շատ եմ սիրում: Խեցեգործությամբ զբաղվում եմ արդեն 2 տարի»,- նշում է Մարիամը:

Սամցխե-Ջավախքի պետական համալսարանի նախկին ուսանողը՝ նկարչական դպրոցի առաջադեմ ուսանողներից մեկն է.

«Խեցեգործությունը տրամադրություն է ստեղծում, եթե վատ տրամադրութուն ունես, հանգստացնում է»,- ասում է Թամար Թամարաձեն:

Ոլորտի ավելի լավ ուսուցման համար, դպրոցը Թբիլիսիից կավի վարպետ Թադեոս Իվանիձեին հրավիրեց: Աշխատանքները վարպետի խորհրդով են ստեղծվում:

« Խեցեգործությունը ոչ միայն արվեստ, այլև արհեստ է: Խեցեգործության տարածման համար, իմ մասնագիտությունն ուսուցանում եմ նկարչական դպրոցի սաներին: Իսկ Թբիլիսիում բացել եմ արհեստանոց:Որտեղ պատրաստվում եմ աշխատանքի վերձնել լավագույն աշակերտներին: Խեցեգործությունը չպետք է մոռացվի, դրա համար փորձում եմ իմ գործը փոխանցեմ նաև իմ թոռներին»,- ասում է խեցեգործության մասնագետ Թադեոս Իվանիձեն:

«Խեցեգործությունը մեր շրջանում մոռացության է մատնվել, փորձում ենք պահել և պահպանել այն»,- ասում է նկարչական դպրոցի տնօրեն՝ Նանա Նաթենաձեն:

Մասնագիտությամբ նկարիչ Նանա Նաթենաձեն խեցեգործությամբ 2 տարի առաջ հետաքրքրվեց և նկարչական դպրոցում աշակերտների հետ սկսեց այս ոլորտի ուսումնասիրումը:
Նկարչական դպրոցում միաժամանակ աշխատում են կավեգործության, կերամիկայի և ճենապակու վրա:

Վերջինիս վրա աշխատել սկսեցին Կաբադոկիա գնալ-գալուց հետո: Ասում է, որ խեցեգործության աշխատանքները հաճույք են պատճառում և հոգեպես հանգստացնում են:

«Գոյություն չունի այնպիսի մարդ, ով խեցեգործությամբ թունավորվի և չզբաղվի այս գործով»,- ասում է նկարչական դպրոցի տնօրենը:

Կերամիկական վառարանը ձեռք է բերվել Անգլիայի աճուրդում եւ գումարի մի մասը սեփական բյուջեից է վճարել:

«Այս պրոցեսը այնքան դժվար էր, որ չգիտեմ արդյո՞ք կկարողանամ կրկին»,- ասում է նա:
Նկարչական դպրոցի փոքր անդամները կավի, մեծերը՝ ճենապակու վրա են աշխատում, քանի որ այս աշխատանքի համար հարկավոր է մասնագիտական ունակություն և բավականաչափ գիտելիքներ:

Հեղինակ:

სირუშო ანტონიანი

Երկ.

Երեք.

Չոր.

Հինգ.

Ուրբ.

Շաբ.

Կիր.